2 Kɔrɛnti 4:11 - ALLALA KUMƐ

¹¹ Ma ye saya-masibɛ kɔrɔ Yisala ko la tuma-wo-tuma alako ata niyi ni yen ma bagbu-fagatɛ kɛnu tɔ.

2 Kɔrɛnti 4:11 Iomraidhean Croise

Yaburi 141:7

Anu kolenu takerikerinɛ si to kanba-dɛ la iko bɔnku-daga-ratiinɛ.

Yaburi 44:22

Kɔnɔ anu bi ma fagala ile lela ko la tuma-wo-tuma, anu bi ma bira boloko-yogomɛ-kɛla iko saga-kan-natɛgɛtɛ.

Romu 8:11

Allata Ni-Sɛnimɛ ya ale Yisa lawuli ka bɔ furinu tɛma. Ni ata Niyi siginɛ wo rɔ, ale le si niyi di wo bagbu-faganɛ fanan ma Allala Ni-Sɛnima wo baraka rɔ.

Romu 8:36

Iko a sɛbɛnɛ Allala kitabu rɔ nya min ko, “Nta Alla, ma ye saya-masibɛ rɔ ila ko la tuma-wo-tuma. Anu bi ma bira boloko-yogomɛ-kɛla iko saga kan-natɛgɛtɛ.”

1 Kɔrɛnti 15:31

N na-kelen-nyɔgɛnu, tele-wo-tele, n bi saya-masibɛ kɔrɔ, ado n wasinɛ wole Kɔrɛnti kɛnu na ka a tɛgɛ ma Mari Yisa, Allata-Mɔgɔ-Yabɔnɛ ara min ma wo ye.

1 Kɔrɛnti 15:49

Min danta ka bɔ gbangban rɔ, wola muninyɛ ye male la nya min, ale min bɔra Arinyɛni tɔ, ma si muninya wo la wo nya na le fanan, Kirasiti, kɔni.

2 Kɔrɛnti 4:10

Ma ye Yisala sayɛ dununa ma bagbu-fagatɛnu tɔ, woletɔ ata niyi fanan si yen ma bagbuyinu tɔ.

2 Kɔrɛnti 4:12

Ma ye ma niyi filila tuma-wo-tuma alako wo ni habadan-nimayɛ sɔrɔn.

2 Kɔrɛnti 5:4

Ma tenbi duninya-fani-bɔn kɛ la, ma ye kurunna iko mɔgɛ tenbi dunu-belebele-wɛ kɔrɔ. Ma sa a fɛ, ma ni bɔ ma fɛrɛ-bɔnkɛ kɛnu tɔ fɔ ka Arinyɛnɛtɛ fanan bila ma kan na. Woletɔ ma fɛrɛ-bɔnku-fagamatoe kɛnu si yɛlɛma nimayɛ la.

2 Kɔrɛnti 6:9

Ma malɔnnɛ wole bolo kɔnɔ ma malɔnni ma donu bolo. Ma ye saya-masibɛ kɔrɔ kɔnɔ yaga, ma ye ma niyi la. Hali ma tɔrɔnɛ, ma fagani ma.