2 Kɔrɛnti 3:8 - ALLALA KUMƐ

⁸ Ado nfan, gbiliyɛ min bi nala Allata Ni-Sɛnimɛ baraka rɔ, wola koloyɛ si ma kama worɔ?

2 Kɔrɛnti 3:8 Iomraidhean Croise

Aiseya 11:2

Marita Sɛnbɛ si hɛnkili di mansɛ wo ma. A si hɛnkilimayɛ anubɛ mɔgɛnu-namara-hɛnkili di a ma. A si Mari sako lɔn ka a gbiliya.

Aiseya 44:3

A ko nyamanɛ min kan lagbalanɛ, a si yi di nyɔ ma. A si a ma, yi ni siyaya mala nyamanɛ rɔ. A ko a si ata Sɛnbɛ di mala dannu ma duk! A si duwɛ di mala kebilɛnu ma.

Aiseya 59:21

Mari ko anubɛ ata mɔgɛnu bi nala sarama-kan min kirila anu nyɔgɔn tɛma, wo le kɛ la. A ko ata kumɛ anubɛ ata Sɛnbɛ ti bɔ anu fɛ. A ko a si to anu denu, anubɛ anuna dannu, anubɛ anu kebilɛnu fɛ burubukai!

Yɔni 1:17

Alla ya tɔn don Nɛbi Musa bolo kɔnɔ hinɛ anubɛ tonyɛ, ale Yisa Kirasiti le nara wonu na.

Yɔni 7:39

Yisa ya kɛ fɔ ka a bɛn Allata Ni-Sɛnimɛla ko ma. Ni minnu dɛnkɛninyara a ma, wonu si niyi wo sɔrɔn. Nba, wo wati ya a taran, Alla ma ata Ni-Sɛnimɛ di wɛ mɔgɛnu ma nun bawo Yisa ma yɛlɛ bɛ san-kole rɔ a si ata gbiliyɛ sɔrɔn kan min.

1 Kɔrɛnti 3:16

Wo ya a lɔn ko Alla-Bato-Bɔn le wole la serr, ado wo ya a lɔn fanan ko Allata Ni-Sɛnimɛ siginɛ wo rɔ!

2 Kɔrɛnti 11:4

Min bɛɛ ye nala wo wara ka Yisala kawandili-dogbɛrɛ bɔ wo ye, wo sewanɛ wonu na ka wo munyu wonu kɔrɔ. Male ya Yisala kawandilɛ min bɔ, kelen ma wonu na. Nba, wo ara niyi anubɛ kibara-nyimɛ min bira foninya-kilayɛnu bolo, wonu faranɛ matɛ ma feu! Wo ya Allata Ni-Sɛnimɛ anubɛ kibara-nyimɛ min sɔrɔn male bolo, kelen ma anu na feu!

2 Kɔrɛnti 3:17

Nba, Mari wo, ata Ni-Sɛnimɛ le, ado Marita Niyi wo ye kan min, hɔrɔyɛ ye nyɔ le.

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

2 Kɔrɛnti 3:7

Nɛbi Musa ya tɔn min sɛbɛ kuru-walan ma, wo nara sayɛ la a bolo. Kɔnɔ a dira mɔgɛnu ma tumɛ min, Allala gbiliyɛ bɔra gbɛ rɔ, ado Nɛbi Musa yakɔrɛ malanta ha Isirɛla mɔgɛnu ma ke anu yɛ gbangbanna a rɔ hali gbiliya-tamasere min bi malan-malanna a yakɔrɛ ma, wo kɔ fagara.

2 Kɔrɛnti 3:9

Mɔgɛnu yilikira tɔn min fɛ, wo gbiliyanɛ mɔgɛnu yala. Kɔnɔ ma ara telen Alla yala sarama-kan-kurɛ min fɛ, wota gbiliyɛ tenbira doi wo la pon!

Kalesiya 3:14

Wo bɛɛ mara le alako male fanan ni Allata Ni-Sɛnimɛ sɔrɔn dɛnkɛninyɛ fɛ iko Alla ya lanyiri kiri ma ye nya min nun. Alla ya lanyiri min kiri Iburayima ye, sibolo-gbɛrɛnu fanan ni lanyiri kelan wo sɔrɔn ka a tɛgɛ Yisa Kirasiti ya min ma ma ye.

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Ɛfɛsa 2:18

I mara Isirɛla mɔgɛ la wo, i mara sibolo-gbɛrɛ la wo, Kirasiti le si a ma, ma ni sɔ ma Fa Alla yakɔrɔ ata Ni-Sɛnimɛ baraka rɔ.

2 Tɛsalonaika 2:13

Ma na-kelen-nyɔgɛnu, Mari ara wo keni. Wo le ya a to, ma si baraka bira Alla ye wolela ko la tumɛ bɛɛ. Kebi fɔlɔ, Alla ya wole yabɔ alako wo ni kisi ata Ni-Sɛnimɛ baraka rɔ. A ara wole ma a nyɛrɛta mɔgɛ la bawo wo lara tonyɛ la.

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.