2 Kɔrɛnti 3:7 - ALLALA KUMƐ

⁷ Nɛbi Musa ya tɔn min sɛbɛ kuru-walan ma, wo nara sayɛ la a bolo. Kɔnɔ a dira mɔgɛnu ma tumɛ min, Allala gbiliyɛ bɔra gbɛ rɔ, ado Nɛbi Musa yakɔrɛ malanta ha Isirɛla mɔgɛnu ma ke anu yɛ gbangbanna a rɔ hali gbiliya-tamasere min bi malan-malanna a yakɔrɛ ma, wo kɔ fagara.

2 Kɔrɛnti 3:7 Iomraidhean Croise

Ko-Dabirɛnu 3:21

Wo kɔma, Mari ya Hadama anubɛ ala musi fɛrɛya bɔ gbole la.

Nihɛmaya 9:13

I bɔra san ma wulɔn Sinayi kɔnkɛ kuma. I kumara ila mɔgɛnu ye nyɔ. I ya tɔnnu di anu ma nyɔ min kin, ado tonyɛ le anu na.

Yaburi 119:174

E, Mari, a sɔgɛ ye n na, i ni n dɛnbɛ ka n nakanan. N si sewɛ sɔrɔn ita tɔnnu denu tɔ.

Yaburi 119:97

Ila tɔnnu di n ye kosɛbɛ! Telen-gbɛn, n bi n mirila anu ma.

Bɔ-Koe-Iyipiti 24:12

Mari ya a fɔ Musa ye ko, “Na n bara ka mɛ n fɛ kɔnkɛ kun tɛma yan. N si kuru-walan fila don i bolo nna tɔnnu sɛbɛnɛ minnu ma alako i ni mɔgɛnu karan wonu na.”

Bɔ-Koe-Iyipiti 31:18

Mari ban kɛ fɔla Musa ye Sinayi kɔnkɛ kuma, Mari ya kuru-walan fila don a bolo ale nyɛrɛ ya ala tɔnnu sɛbɛ minnu ma a kɔɛn la.

Bɔ-Koe-Iyipiti 32:19

Musa gbɛrɛnta dagɛ ma tumɛ min, a ya ninki-danla muninyɛ yen anubɛ dɔn-kɛlɛnu. A diminyara ha ka a dan-natenbi. A ya kuru-walan filɛ wonu fɛrɛn dugi la. Wonu tatiira nyɔ kɔnkɛ wo kɔrɔ.

Bɔ-Koe-Iyipiti 34:1

Mari ya a fɔ Musa ye ko, “I ni kuru-walan filɛ lɛsɛ iko a fɔlɔtɛ. I ya kuru-walan fɔlɔtɛ minnu tatii, nta kumɛ minnu sɛbɛnɛ wonu ma, n si wonu sɛbɛ kɛnu ma tun.

Kɛwɔlɛnu 6:15

Mɔgɛ min bɛɛ siginɛ kun-tiginuna ladɛn wo rɔ, wonu ya anu yɛ sɔ Sitifen la. Anu ya a yen a yakɔrɛ manɛ iko melika yakɔrɛ.

Romu 10:4

Nba, Kirasiti ara na min kɛ, sɛnbɛ sa Nɛbi Musala tɔn-kitabu la tun. Woletɔ dɛnkɛninyɛ ye min bɛɛ yisi rɔ, wonu bara telen Alla yala.

Romu 4:15

Nɛbi Musata tɔn-kitabu wara-koe ara a ma, Allala diminyɛ ara yigi ma kan ma. Kɔnɔ Allata tɔn-kitabu sa kan min, tɔn-tinyɛ sa nyɔ hali!

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

Romu 7:10

ado tɔn wara-koe min bɛnta ka niyi di n ma, wo nara sayɛ la nde ye

Romu 7:22

ado n sewanɛ n yisi rɔ ka a tɛgɛ Allala tɔn wara-koe ma.

Romu 7:5

Ma ye ma sɔn-kɔrɛnu da kun tɔ tumɛ min, tɔn-kitabu wara-koe le ya a ma, nata-yogomɛnu wulita ma yisi rɔ. Anu tora wɔlila ma bagbuyinu tɔ ka a laban sayɛ ma ma bolo.

1 Kɔrɛnti 13:10

Kɔnɔ min kanbalinɛ, wo wa na tumɛ min, fanda-kanbalibɛlɛ kɛnu si tunu yen!

2 Kɔrɛnti 3:3

A ara gbɛ feu, ko Kirasiti-nyɛrɛ le ya kɛdi kɛ sɛbɛ ka a don ma bolo. A ma sɛbɛ duwa-yi anubɛ kalɛ la. A sɛbɛnɛ Alla nimɛla Ni-Sɛnimɛ le la, ado a ma sɛbɛ kuru-walan ma. A sɛbɛnɛ mɔgɔ yisi le tɔ.

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

2 Kɔrɛnti 3:8

Ado nfan, gbiliyɛ min bi nala Allata Ni-Sɛnimɛ baraka rɔ, wola koloyɛ si ma kama worɔ?

Kalesiya 3:10

Kɔnɔ minnu yigi sanɛ anuna tɔn-birɛ kuma, wonu bi dankɛ kɔrɔ bawo a sɛbɛnɛ Allala kitabu rɔ ko, “Ni min ti tɔn bɛɛsi bira, wo tigi ye Allata dankɛ kɔrɔ!”

Kalesiya 3:21

Nba, Nɛbi Musata tɔn-kitabu ye Allata lanyiri kan ma, wa? Ade, a sa wo nya na de! Ni tɔn do ya niyi di mɔgɛnu ma nun, mɔgɔ si telen Alla ye tɔn-birɛ fɛ nun.

Tɔn-Fɔɛ-Fila-Nyɔgɛ 4:13

A ya a fɔ wo ye wo si ata sarama-kan bira nya min. A ya ata tɔn tan minnu sɛbɛ kuru-walan fila ma, wo ni wonu natɔnbagaya.

Tɔn-Fɔɛ-Fila-Nyɔgɛ 4:8

Hali sibolo-gbɛrɛkɛ-mɔgɛnu siyayara ka tenbi ma la kɔnɔ tɔn sa anu bolo minnu natelennɛ iko n bara wo karan min na kɛ la bi.

Tɔn-Fɔɛ-Fila-Nyɔgɛ 5:22

“Tɔn le kɛnu na Mari ya minnu di wo ma wo tumɛ wo ladɛnnɛ Sinayi kɔnkɛ kɔrɔ. Mari ya tɔn tan kɛnu denu dɔrɔn di wo ma a kulu-mayɛlɛnɛ la banda-fin-digidigi-wɛ anubɛ ta-mɛlan ta-sisi-fin-bɛ rɔ. Wo kɔma, a ya a sɛbɛ kuru-walan fila ma ka anu don nde, Musa bolo.”

Tɔn-Fɔɛ-Fila-Nyɔgɛ 9:15

“N ya n tintan ka yigi kɔnkɛ kɔrɔ kuru-walan filɛ ye n bolo tɔ tɔn sɛbɛnɛ minnu ma. Ta-mɛlan ye malanna kɔnkɛ kuma bilibili n kɔma-kilɛ la.

Hiburunu 12:18

Iko Isirɛla mɔgɛnu nara Sinayi kɔnkɛ dafɛ ta-mɛlan ye min dafɛ, wole ma na wɛ kɔnkɔ-su wo ma. Anu ya pinpi anubɛ banda-finyɛ anubɛ fɔn-digidigi-wɛ min tayen, wole ma wonu tayen.

Hiburunu 3:3

Bon-sɔlɛta gbiliyɛ kolo bɔn nyɛrɛ ko, ado gbiliya-wɛ bɛnnɛ Yisa fanan ma wo nya na le ka tenbi Nɛbi Musa la.

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.