2 Kɔrɛnti 3:18 - ALLALA KUMƐ

¹⁸ Ma dama ya-makanɛ ye Marita gbiliyɛ mayirala, ado gbiliya kelan wo ye bɔla Marita Ni-Sɛnimɛ le bolo. Ale le ye ma yɛlɛmana alako ma kɛ-nya ni ma iko ale. Wo si a ma, a ni to ala gbiliya-makawanɛ dila ma ma Marita Ni-Sɛnimɛ baraka rɔ.

2 Kɔrɛnti 3:18 Iomraidhean Croise

Yaburi 84:7

Anu tenbi tagama wo kun na, anutɛ ye tola gbɛlɛyala le bawo a sɔgɛ ye anu na ka ta anu nyɛrɛ latenbi allanuta Alla ma Bato-Bɔn la.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 12:41

Nɛbi Aiseya ya kɛ sɛbɛ bawo Alla ya Yisala gbiliyɛ yira a la nun ka ala koe sɛbɛ.

Yɔni 17:22

I ya gbiliyɛ min di n ma, n bara wo di anu denu ma. N ya wo ma alako anu ni ma kelen na iko malebɛ ye nya min.

Yɔni 17:24

“E, n Fa! I wara anu di n ma. N bi kan min, n bi a fɛ, anu ni to n fɛ nyɔ. I ya gbiliyɛ min di nde ma, n bi a fɛ, anu ni wo yen bawo yanni duninya ni dan, i ya n keni.

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

Romu 8:29

ado Alla ara male min yabɔ, a ya ma yabɔ le ko ma ni ma iko a nyɛrɛta dan, Yisa. A ya wo ma alako ala dan, Yisa ni ma den-kei-sarɛ la male, a na-kelen-nyɔgɔ dɛnkɛninya-mɔgɛnu tɛma.

Romu 8:4

Alla ya kɛ ma le alako male ni tagama iko Allata tɔn-kitabu ya min fɔ yati! Ma sa ko ladanna tun iko ma sɔndɔmɛ ye nyinina a ma nya min kɔnɔ ma ye ko ladanna iko Allata Ni-Sɛnimɛ ye nyinina a ma nya min.

Romu 8:7

Mɔgɛ min niyi sanɛ hadama-dan diyana-koenu kuma, wo tigi ara ma Alla yoge la bawo a sa Allata tɔn birala, ado a ti ke a birala mumɛ!

1 Kɔrɛnti 13:12

Ma ye fan min yenna kaka, wo mani de iko fenna muninyɛ min ti yen nyɛrɛ-mafɛlan rɔ a kilɛ fɛ. Kɔnɔ wo wati wa na tumɛ min, ma si fan bɛɛ ragbɛ wass! N ma Alla wara-koe bɛɛ lɔn kaka kɔnɔ n si na Alla lɔn iko Alla ya nde lɔn nya min.

1 Kɔrɛnti 15:49

Min danta ka bɔ gbangban rɔ, wola muninyɛ ye male la nya min, ale min bɔra Arinyɛni tɔ, ma si muninya wo la wo nya na le fanan, Kirasiti, kɔni.

2 Kɔrɛnti 3:17

Nba, Mari wo, ata Ni-Sɛnimɛ le, ado Marita Niyi wo ye kan min, hɔrɔyɛ ye nyɔ le.

2 Kɔrɛnti 4:4

Setanɛ min bi duninya kɛ kun na, wo ara a ma, anu ma ke lala Yisa la bawo anu yisi ara to pinpi rɔ. A ya a ma, anu ti ke kibara-nyimɛta waan yenna min bi malanna anu ye, ado kibara-nyimɛ wo ye Kirasitita gbiliyɛ kɛla ko la. Allala muninyɛ nyɛrɛ le ale la.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

2 Kɔrɛnti 5:17

Mɔgɔ-wo-mɔgɔ wa ma Kirasiti halalɛ la, mɔgɔ-kurɛ le wo tigi la. Ko-kɔrɔmɛnu bara tenbi, nba, koe bɛɛ ara ma a kurɛ la gbɛ!

Kalesiya 6:15

Ni mɔgɔ kemininyara wo, ni a ma kemininya wo, tana-wo-tana ma wo la. Kɔnɔ min kolo, alako dɔrɔn ma ni ma mɔgɔ-kurɛ la Kirasiti ye.

Kɔlɔsi 3:10

Wo ara ko-kurɛ bila wo kan na. Ko-kurɛ kɛ ladanta Alla le bolo, ado a ye tola wo lakurayala alako a ni to wo lakanbalila Yisa-nyɛrɛ-lɔn-koe rɔ. Ale le ya ko-kurɛ kɛ ladon wo yisi rɔ.

1 Timoti 1:11

N bi kibara-nyimɛ min nakela mɔgɛnu ma, tonya-karan wo si taran wo rɔ, ado a kerifanɛ nde le la. Alla min gbiliyanɛ, duwɛ ye bɔla min bolo, kɔni, kibara-nyimɛ kɛ bɔnɛ wo le bolo.

Taita 3:5

a ya ma kisi. A ma ma kisi ka a tɛgɛ ma nyɛrɛta kɛwɔli-nyimɛnuna ko la de! A ya wo ma ala kinikinɛ lela ko la. A ya ma kisi ata Ni-Sɛnimɛ baraka rɔ min bi sɔrɔn-nya-kurɛ anubɛ ni-kurɛ dila ma ma. Ale le si mɔgɔ yisi ku ka a sɔn sɛninya,

Yemesi 1:23

Ni min bi a tole masɔla kumɛ la kɔnɔ a sa a birala, wo mani de iko kei min bi a nyɛrɛ mafɛlɛnna nyɛrɛ-mafɛlan rɔ. A si ke ala fɛɛ bɛɛ yenna kɔnɔ a sa wo fenfen tabɛnna.

1 Yɔni 3:2

N diyana-mɔgɛnu, Allala dan le male la kaka kɔnɔ ma si na ma nya min, wo ma bɔ gbɛ rɔ wɛ. Kɔnɔ ma ya kɛ le dɔrɔn lɔn, Kirasiti wa bɔ gbɛ rɔ tumɛ min, ma si ma iko ale ye nya min bawo ma si a yen de iko a ye nya min, yɔ!