2 Kɔrɛnti 3:14 - ALLALA KUMƐ

¹⁴ Isirɛla mɔgɛ wonu yisi gbɛlɛyara, ado ha bi, anu tenbi Allata sarama-kan karanna, a manɛ iko fan do burunnɛ anu yɛ la, ado wo ti bɔ mɔgɔ yɛ la fɔ a wa tugun Kirasiti la wati min.

2 Kɔrɛnti 3:14 Iomraidhean Croise

Yaburi 69:23

Alamɛ anu fiyonyara. Alamɛ anu tora yɛrɛyɛrɛnna anu kin kun na.

Aiseya 25:7

Anu tenbi nyɔ, Mari si yisi-magboyɛ bɔ anu ya-denkɛ rɔ iko banda-finyɛ wa bɔ tele ya ma.

Aiseya 44:18

Kun-takolɔn le mɔgɔ-sufa wonu na. Anu ma a lɔn anu bi min kun na. Fan do burunnɛ anu yɛ la. Anu sɔn-kunyɛ-dɛ latogonnɛ alako anu kana na tonyɛ lɔn.

Aiseya 56:10

Kun-tigi minnu bɛnta ka mɔgɛnu kandan, wonu fiyonyanɛ. Anu ma a lɔn anu bi min kun na. Anu dama manɛ iko wuli min ti ke gbongbonna. Anu ti ke wonwonna mɔgɛnu ma. Kinɔgɛ di anu ye ha! Anu sa fenfen kun na fɔ kiyo-kunba-sɛ.

Aiseya 59:10

Ma manɛ iko fiyɔn minnu bi anu bole mɛmɛla dandan ma. Ma ye kilɛ nyinina iko mɔgɛ min ya sa. Ma ye ma kian latugula tele tɛma iko surɔ-tagamanɛ. Ma manɛ kolo-gbɛlɛnu tɛma iko furi.

Aiseya 6:10

Wo kɔma, a ya a fɔ n ye ko n ni a ma, fan do ni sa mɔgɛnu miriya-ya ma alako anu kana ko nya-yen. N ni a ma, anu tole ni gbere alako anu kana na ko lamɔɛn. N ni a ma, fen ni sa anu yɛ ma alako anu kana na ko ragbɛ. A ko n ni kɛnu ma alako anu kana anu ya-lamunun ale Mari la anu nakɛndɛya-koe la.

Yɛrɛmaya 5:21

wole hɛnkilibɔnɛ kun-takolɔnnu, yɛ ye wo bolo kɔnɔ wo ti fen yen. Tole ye wo bolo kɔnɔ wo ti ko lamɔɛn.

Isikiyɛli 12:2

“Ile hadama-dan, ile siginɛ mɔgɔ-murutiyanɛnu denu tɛma kɛ la. Yɛ ye anu bolo kɔnɔ anu sa fen yenna. Tole ye anu bolo kɔnɔ anu ti ko-wo-ko lamɔɛn bawo mɔgɔ-murutiyanɛnu denu bi anu na.

Matiyu 13:11

Yisa ya anu yabi ko, “Alla min bi Arinyɛni tɔ, ata mansayɛ gbundu-ko-hɛnkilimayɛ dira wole ma kɔnɔ a ma di wonu denu ma.

Matiyu 16:17

Yisa ya a fɔ a ye ko, “Yɔnila den Saimon, duwa-dan le ile la! N bi kɛ fɔla bawo hadama-dan ma i labila tonyɛ kɛ la fɔ n Fa Alla min bi Arinyɛni tɔ.

Matiyu 6:23

Kɔnɔ ni mɔgɛ yɛ ma kɛndɛ, a fɛrɛ-bɔnkɛ si to pinpi rɔ. A yɛ min si waan ladon a fɛrɛ-bɔnkɛ rɔ, ni a yɛ wo ma kɛndɛ, a si ma pinpi-makilannɛ la worɔ!

Yɔni 12:40

“Alla ara anu fiyonya alako anu kana fen yen. A ara anu yisi gbɛlɛya alako anu hɛnkili kana ko nya-yen. Wo le si a ma, anu ti na a wara anu nakɛndɛya-koe la.”

Yɔni 12:46

N nara duninya rɔ iko waan. Min ba dɛnkɛninya n ma, wo tigi ti to pinpi rɔ.

Yɔni 8:12

Yisa kumara Farisinu ye tun ko, “Duninya-waan le nde la. Min ba bila n fɛ, wo si waan sɔrɔn min si niyi di mɔgɛnu ma. A ti tagama pinpi rɔ tun mumɛ!”

Kɛwɔlɛnu 13:15

Dina-bon-kun-tiginu banta Musata tɔn anubɛ nɛbinuta buku karanna tumɛ min, anu ya Pɔli anubɛ Banabasi manyinika. Anu ko, “Ma na-kelen-nyɔgɛnu, ni kumɛ do ye wo bolo min si ma dɛnbɛ, wo ni wo fɔ ma ye.”

Kɛwɔlɛnu 15:21

Alla ya tɔn min di Musa ma, ma ara wo karan mala dina-bɔnnu na Sulen-Tele bɛɛ kebi fɔlɔ, ado anu si ala kumɛ wo lake soe bɛɛ rɔ.”

Kɛwɔlɛnu 16:14

Kelen bi anu tɔ min ya mala kumɛ lamɔɛn, a tɔgɛ Lidiya. A nara ka bɔ Tayataira soe burɔ. Kura-bilolamɛ yila le, ado kurɛ wo dɛ gbɛlɛ. Ma Mari-Alla-batolɛ le musi wo la. Mari ya a yisi laka alako a ni a tole masɔ Pɔlita kumɛ la.

Kɛwɔlɛnu 26:18

I ni anu yɛ laka alako anu ni bɔ pinpi rɔ ka anu nana waan rɔ. I ni anu bɔ Setanɛta sɛnbɛ kɔrɔ ka anu nana Alla ma alako anuna hakɛ ma si koto anuna dɛnkɛninyɛ fɛ nya min. Anu si anuna sɔ tinɛ sɔrɔn Allala mɔgɔ-yabɔnɛnu tɛma.’

Romu 11:25

N na-kelen-nyɔgɛnu, n bi a fɛ, wo ni gbundu-koe kɛ tonyɛ lɔn. Wo si a ma, wo ti wasi wola hɛnkilimayɛ rɔ. Gbundu koe wo le kɛ la ko Isirɛla mɔgɛnuna yisi-gbɛlɛyɛ ti to a la habadan! A si to ha Alla ara sibolo-gbɛrɛ min nyɔgɔn yatɔnbɔn, wonu da ni fa.

2 Kɔrɛnti 3:15

Ha bi, anu ba Nɛbi Musala tɔn karan tuma-wo-tuma, fan do ye anu hɛnkili yamatogonna.

2 Kɔrɛnti 3:6

Ale le ya sɛnbɛ di ma ma ko ma ni ma sarama-kan-kurɛta wɔli-kɛlɛnu na, min sɛbɛnɛ anubɛ ala mɔgɛnu tɛma. Sarama-kan-kurɛ kɛ sɛbɛni ma kɔnɔ a nanɛ ata Ni-Sɛnimɛ bolo. Tɔn-sɛbɛnɛ si na sayɛ la mɔgɛnu ye kɔnɔ ata Ni-Sɛnimɛ si niyi di mɔgɛnu ma.

2 Kɔrɛnti 4:6

A sɛbɛnɛ Allata kitabu rɔ ko, “Waan ni bɔ pinpi rɔ,” ado Alla kelan le ya ala waan lamalan ma yisi rɔ alako ma ni Allata gbiliyɛ lɔn min bi malanna Yisa Kirasiti yakɔrɛ ma.

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.