2 Kɔrɛnti 3:12 - ALLALA KUMƐ

¹² Ma yisi latɛgɛnɛ bawo yigi kɛ ye ma bolo.

2 Kɔrɛnti 3:12 Iomraidhean Croise

Yɔni 10:24

Mɔgɛnu nadɛnnɛ ala foolɛ rɔ tumɛ min, Yahudiyanu ko, “I si sikɛ kɛ bɔ ma rɔ tumɛ nyamintan? I ni tonya-bɛrɛ fɔ ma ye. Alla ya mɔgɛ min yabɔ ma kisi-koe la, wo le ile la, wa?”

Yɔni 16:25

“N bara kɛ bɛɛ fɔ wo ye sɔsɔlima-tilinu tɔ. Kɔnɔ wati ye nala, n ti tili sa wo ye tun. Wo wati rɔ, n si n Fa Alla wara-koe fɔ wo ye kuma-latelennɛnu tɔ.

Yɔni 16:29

Nba, ala karan-dannu ya a fɔ a ye ko, “I ye kuma-latelennɛ le fɔla ma ye kaka, i sa sɔsɔlima-tilinu tɛgɛla. Wo le di ma ye.

Kɛwɔlɛnu 14:3

Hali wo, Pɔli anubɛ Banabasi mɛra Marita koe fɔla yisi-latɛgɛ rɔ nyɔ bɛrɛkɛ! Mari nyɛrɛ ya a ragbɛ ko anu bi kumɛ min fɔla ala keninteyɛla ko la ko tonyɛ le bawo a ya tamaserenu anubɛ kabana-ko-kɛ-sɛnbɛ di anu ma.

Kɛwɔlɛnu 4:13

Mɔgɔ-banu kawara Pita anubɛ Yɔnila yisi-latɛgɛ ma bawo anu ya a lɔn nun ko mɔgɛ le anu na dɔrɔn minnu ma karan nun. Anu ya hɛnkili sɔrɔn a ma wo rɔ ko kɛnu bi Yisa fɛ nun yati,

Kɛwɔlɛnu 9:27

Nba, Banabasi nara a dɛnbɛn tinɛ ka ta a la Marita kilayɛnu bara. Sɔli ya Mari yen kilɛ la nya min anubɛ Mari ya min fɔ a ye, a ya wo bɛɛ rakaran anu ye. Sɔli ya kawandili bɔ yisi-latɛgɛ rɔ nya min Yisa tɔgɛ rɔ Damasika, a ya wo fanan takaran anu ye.

Kɛwɔlɛnu 9:29

A kumara Yahudiya Kiriki kan-fɔlɛnu ye fanan ka anu sɔsɔ, woletɔ wonu ya a faga-koe rabɛn.

1 Kɔrɛnti 14:19

Kɔnɔ n tenbi Alla batola chɔchi la, yanni n ni kuma waga-yirika-siyaman fɔ kan-gbɛrɛ rɔ, a fisa, n ni kuma loli pe fɔ mɔgɛnu si min nya-yen ka donu karan wo la.

2 Kɔrɛnti 10:1

Donu bi a fɔla nde, Pɔli ma ko n tenbi wo tɛma, n famayiginɛ kɔnɔ n ba bɔ wo fɛ tumɛ min, n kerinteyanɛ wo la. N bi a fɛ ka kuma wo ye dinyɛ anubɛ nyimayɛ la iko Kirasiti duruta a mala nya min nun.

2 Kɔrɛnti 3:11

ado tɔn wo min ya wati-kundu-ni kɛ ka tenbi dɔrɔn, ni gbiliyɛ ye wo fɛ nun, tɔn min bi tola habadan don? Gbiliya-ba ye wo rɔ ka tenbi doi wo la pirr!

2 Kɔrɛnti 4:13

A sɛbɛnɛ Allata kitabu rɔ ko, “N bara dɛnkɛninya, woletɔ n kumara.” Dɛnkɛninya kelan wo ye male fanan bolo. Woletɔ ma ye kawandili bɔla bawo

2 Kɔrɛnti 7:4

N lanɛ wole la kosɛbɛ, ado n wasinɛ wo la kati! Hali ma tɔrɔyanɛ, wo ye a mala, n fanɛ sewɛ la tolon!

Filipai 1:14

N bi yele la min kɛ, wo ara yisi-latɛgɛ di yan-dɛnkɛninya-mɔgɔ-siyaman ma. Woletɔ anu yisi ragbɛlɛyanɛ wati bɛɛ Allala kumɛ kawandili-bɔɛ ma. Anu kilanni ma tun.

Filipai 1:20

A sɔgɛ ye n na, ado n yili latɛgɛnɛ ko n ti bandan nna wɔlɛ kɛ la mumɛ! N bi a fɛ, n ni fa yisi-latɛgɛ la wati bɛɛ, katarala kaka ma. Woletɔ n tenbi n niyi la wo, n faganɛ wo, fɔ n ni Kirasiti gbiliya tumɛ bɛɛ.

Kɔlɔsi 4:4

Wo ni Alla matara ko n ni kuma gbɛ rɔ iko a bɛnnɛ n ni kuma nya min.

1 Tɛsalonaika 2:2

Yanni ma ni ke wo ma Tɛsalonaika, Filipai kɛnu bara ma bira boloko-yogomɛ-kɛ. Mɔgɛnu ya ma lafɛya nyɔ kɔnɔ hali wo, mata Alla ya yisi-latɛgɛ di ma ma ko ma ni ata kibara-nyimɛ fɔ wo ye.

1 Timoti 3:13

Minnu bi anuna wɔli-nyimɛ kɛla a kilɛ fɛ, wonu bi tɔgɔ-nyimɛ sɔrɔnna anu nyɛrɛ ye. Anu ni kuma yisi-latɛgɛ rɔ dɛnkɛninyɛla ko la min bi anu bolo Yisa Kirasiti rɔ.

Failiman 1:8

I na-kelen-nyɔgɛ le nde la Kirasiti rɔ min kɛ, sɛnbɛ ye n bolo ka a fɔ i ye i si min ma.