2 Kɔrɛnti 3:10 - ALLALA KUMƐ

¹⁰ Tɔn-kɔrɔmɛ wo gbiliyanɛ, tonyɛ le kɔnɔ wota gbiliyɛ wa sanka mata kila-kurɛ kɛ ma, gbiliyɛ min makawanɛ nun fɔlɔ, wo ara tenbi ka ban fɛsɛfɛsɛ,

2 Kɔrɛnti 3:10 Iomraidhean Croise

Yobu 25:5

Hali karɛ anubɛ lolenu, fɛɛ ye anu na Alla yala.

Aiseya 24:23

Karɛ si miliya, tele si a yɛ dogon ka a tɛgɛ Mari Sɛnbɛ-Bɛɛ-Tigita gbiliyɛla ko la. A si a mayigi Yerusalɛm kɔnkɔ-sɛnimɛ kuma ka duninya mara. Kun-tiginu si ata gbiliyɛ yen anu yɛ la.

Hegayi 2:3

“Mɔgɛ do si taran wo tɛma min si ke ka a miri Bato-Bɔn fɔlɔtɛ sɔ-nya ma tun, wa? Fɔlɔ nun, a kin kosɛbɛ! Kɔnɔ kɛ ye wole yala kama kaka? Kɛ mani de iko fufafuyi wole yala, wa?

Kɛwɔlɛnu 26:13

N bi Damasika kilɛ la tumɛ min tele-latelen-wati, n ya wan-belebele yen min waan tenbira teletɛ la. Waan wo bɔra san ma ka yigi mabɛ n ta-nyɔgɛnu dafɛ.

2 Kɔrɛnti 3:11

ado tɔn wo min ya wati-kundu-ni kɛ ka tenbi dɔrɔn, ni gbiliyɛ ye wo fɛ nun, tɔn min bi tola habadan don? Gbiliya-ba ye wo rɔ ka tenbi doi wo la pirr!

2 Kɔrɛnti 3:9

Mɔgɛnu yilikira tɔn min fɛ, wo gbiliyanɛ mɔgɛnu yala. Kɔnɔ ma ara telen Alla yala sarama-kan-kurɛ min fɛ, wota gbiliyɛ tenbira doi wo la pon!

2 Pita 1:17

Ma Fa Alla ya bonyɛ anubɛ gbiliyɛ di a ma kɔnkɛ kuma tumɛ min, ma ye nyɔ nun. Ma ya kan-belebele-wɛ lamɔɛn ka bɔ Allata gbiliya-makawanɛ rɔ. A ko, “N diyana-dan le kɛ la, min bara n hɛnɛ feu!”

Lankɛnimayɛ 22:5

Suyi ti don nyɔ tun. Anu mako ti taran lɛnpu la, hali teleta waan la bawo Mari Alla nyɛrɛ si ma anuta waan la. Anu si mansayɛ kɛ nyɔ habadan!