2 Kɔrɛnti 12:4 - ALLALA KUMƐ

⁴ A ya koe donu namɔɛn nyɔ, hadama-dan ti ke minnu fɔla, ado a ti ke minnu nakaranna.

2 Kɔrɛnti 12:4 Iomraidhean Croise

Isikiyɛli 31:9

N ya a lakinya ka a bolɔnnu sɔ a ma. Kɔlɔma min bɛɛsi ye nta nakɔɛ rɔ Idɛn, wonu ya a makeliya.

Isikiyɛli 8:3

A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Luka 23:43

Yisa ya a fɔ a ye ko, “Wo ni wo hɛnkili to kɛ ko! Bi, i si ke kan-tina-ladiyanɛ rɔ nde fɛ.”

Kɛwɔlɛnu 8:39

Anu bɔra yi rɔ tumɛ min, Marita Niyi ya Filipi bɔ a fɛ. Kun-tigi wo ma a yen tun. Kɔnɔ a sewanɛ tara a warɛ.

1 Kɔrɛnti 13:1

Hali n kumara kan-su-bɛɛ rɔ minnu bi san-kole rɔ anubɛ dugu-kole kɛ kuma kɔnɔ ni keninteya sa n yisi rɔ, n bara ma iko nɛgɛ-walan, ni wo ma, tɛlɛn-gbesi-kan.

2 Kɔrɛnti 12:2

A ara san tan-ni-nani bɔ gbɛ, dɛnkɛninya-mɔgɛ do layɛlɛta san-kole bɛɛ kuma pon! (Ni a nyɛrɛ le yɛlɛta, ka, ni a ya ko-rayirɛ le yen dɔrɔn, n ma wo lɔn. Alla kelen pe le ya wo lɔn.

1 Tɛsalonaika 4:17

Nba, male min kɛndɛ wo wati, ma dama la si dɛn wonu fɛ san-kole rɔ tiriya ka Mari labɛn fɔnyɔ rɔ. Wo kɔma, ma si to Mari fɛ habadan!

Lankɛnimayɛ 12:5

Musi wo ya den-kei sɔrɔn min si na sigi sibole bɛɛ kun na ka mansayɛ kɛ nɛgɛ-gbelekɛ la. Kɔnɔ melika do ya dan wo fɔrɔn a na bolo. A ya a layɛlɛ ha Allata mansaya-sigi-fan ye kan min.

Lankɛnimayɛ 2:7

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la! “ ‘Minnu bara nɔlɛ kɛ, n si sarati di wonu ma alako anu ni nimaya-kɔlɔma-gbɔɛ dɔn min bi Allata nakɔɛ rɔ.’