2 Kɔrɛnti 12:1 - ALLALA KUMƐ

¹ Nyɛrɛ-matɔgɛ kɛ ti ko-nyinya n ma kɔnɔ hali wo, n ni n nyɛrɛ matɔgɔ fɔlɔn. Mari ya ko-rayirɛ anubɛ lankɛnimayɛ minnu di n ma, n ni wonu bara-koe fɔ kaka.

2 Kɔrɛnti 12:1 Iomraidhean Croise

Isikiyɛli 11:24

Ko-rayirɛ wo rɔ, Marita Sɛnbɛ ya n kɔrɔbi ka n nayɛlɛ san ma. A sɛgira n na mɔgɔ-biranɛ wonu bara Babilɔn nyamanɛ rɔ. N ke nyɔ, nna ko-rayirɛ wo banta.

Yilan-Yilan Koe 12:6

Mari ya a fɔ anu ye ko, “Wo ni wo tole masɔ. Nɛbinu bi wo tɛma tumɛ min, n si ko-rayirɛ kɛ anu ye kiyo rɔ.

Yɔni 16:7

Kɔnɔ n bi tonyɛ le fɔla wo ye, ni n tara, wo si fisaya wo ma bawo n bi min sɔla wo dɛnbɛn tinɛ, wo si na wo wara. Ni n ma ta, a ti na.

Yɔni 18:14

Kaifasi le ya Yahudiyanu nalɔn nun ko a fisa, mɔgɔ kelen ni faga mɔgɛ bɛɛla ko la.

Kɛwɔlɛnu 18:9

Suyi do rɔ, Pɔli ya ko-rayirɛ do yen. Mari ya a fɔ a ye wo rɔ ko, “I kana kilan. Mɔgɔ-wo-mɔgɔ ti ke i madumala bawo n bi i fɛ. I ni to kawandili bɔla. I kana bandan bawo ntɛ le mɔgɔ siyaman na soe kɛ burɔ.”

Kɛwɔlɛnu 23:11

Suyi wo rɔ, Mari sɔra Pɔli dafɛ, a ko, “I ni i kerinteya! I wara sereyɛ bɔ n ye Yerusalɛm yan nya min, a fɛrɛ sa fɔ i ni wo nyɔgɔn ma n ye Romu fanan.”

1 Kɔrɛnti 10:23

Anu bi a fɔla ko, “Male ye nyinina min ma, tɔn sa ma kuma wo ma tinɛ.” Tonyɛ le kɔnɔ koe bɛɛ ti ma munanfaga. Nde bɛrɛn si a fɔ ko, “N bi nyinina min ma, tɔn sa n kuma wonuna ko la.” Tonyɛ le kɔnɔ koe bɛɛ ti ma lata ya rɔ.

1 Kɔrɛnti 14:6

N na-kelen-nyɔgɛnu, ni n nara wo wara ka kuma kan-gbɛrɛ rɔ, wo si nfen nyinya wo ma? Ni n ma koe do lankɛnɛmaya wo ye ka bɔ Alla bolo, ni n ma lɔnnɛ do di wo ma, ni n ma wɔlɔyiya-kumɛ fɔ wo ye, ni n ma karan do di wo ma, n ti ko-wo-ko nyinya wo ma.

1 Kɔrɛnti 6:12

Do si a fɔ ko, “N bi nyinina min ma, tɔn sa n kuma wo ma tinɛ.” Tonyɛ le kɔnɔ koe bɛɛ ti ma munanfaga. Nde bɛrɛn si a fɔ ko, “N bi nyinina min ma, tɔn sa n kuma wo ma tinɛ.” Kɔnɔ nde ti ma yɔɔn la fenfen kɔrɔ.

2 Kɔrɛnti 12:11

Wole le wara a ma, n bara kun-takolonyɛ kɛ. A bɛnta wole ni n matɔgɔ nun. Hali fen ma nde la wo yala, wola kilaya-makawanɛ wonu fenfen ma tenbi nde la.

2 Kɔrɛnti 12:5

Woletɔ n si n nyɛrɛ matɔgɔ mɔgɛ wo rɔ kɔnɔ n ti matɔgɔlɛ kɛ n nyɛrɛla ko la. Koe minnu si nna sɛnbɛbɔninyɛ yira, n si n nyɛrɛ matɔgɔ wonu tɔ.

2 Kɔrɛnti 12:7

Nba, ka a tɛgɛ wo kabana-ko-waranɛnuna ko la n ya minnu tayen, fɛrɛta-duma-ba dira n ma min manɛ n yala iko Setanɛta kilayɛ. Wo si to n gbesila ka n tanka wasinteyɛ ma.

2 Kɔrɛnti 12:9

kɔnɔ a ya n yabi ka le. A ko n mako sa fen-gbɛrɛ la ata hinɛ kɔma. A ko ni sɛnbɛ sa n bolo, ata sɛnbɛ si koloya n tɔ worɔ. Nba, n sewanɛ bɛrɛkɛ worɔ ka wasi nta sɛnbɛbɔninya-koenuna ko la. N ni a lɔn ko Kirasitita sɛnbɛ ye n matankala.

2 Kɔrɛnti 8:10

Serun, wole fɔlɔn ya miriya wo sɔrɔn ka Allata mɔgɛnu kɔ, ado wole fɔlɔn wulita fen dila anu ma nun. Nta miriya rɔ, wo ya min dabira, wo ni a dafa kelenna!

Kalesiya 1:12

N ma a sɔrɔn mɔgɔ bolo, ado n ma wo karan mɔgɔ bolo. Yisa Kirasiti nyɛrɛ, wo le ya a labɔ gbɛ rɔ n ye.

Kalesiya 2:2

N tara bawo Alla le ya a lagbɛ n ye ko n ni ta. Mabɛ chɔchi-mɔgɔ-banu ya ma kun nayigi. N ya kibara-nyimɛ-kawandili bɔ sibolo-gbɛrɛnu ye nya min, n ya wo faranfasi anu ye ladɛn wo rɔ. N bara wɔlɛ min kɛ fɔlɔ-nun wo, n bi min kɛla kaka wo, n sa a fɛ, wo fenfen ni ma fuyi la.

Ɛfɛsa 3:3

Alla ara ala gbundu-ko-latɛgɛnɛ lankɛnimaya nde ye. (N ban-san le wo doni sɛbɛla wo ma.

1 Tɛsalonaika 4:15

Ma ye Marita karan le fɔla wo ye kɛ la. Ale Mari wa na tumɛ min, minnu bara faga nun, male min bi ma kɛndɛ la ti ta wonu yarɔ.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.