2 Kɔrɛnti 11:16 - ALLALA KUMƐ

¹⁶ N ni a fɔ tun, mɔgɔ-wo-mɔgɔ kana a miri ko kuntan le nde la. Kɔnɔ ni min bi a mirila wo nya, nba, wo tigi ni n tabira iko kuntan. N ni n nyɛrɛ matɔgɔ doni.

2 Kɔrɛnti 11:16 Iomraidhean Croise

2 Kɔrɛnti 11:1

Wo yandi! Hali n kuntanyanɛ doni, wo ni wo munyu n kɔrɔ.

2 Kɔrɛnti 11:19

ado wole le dɔrɔn bi hɛnkilimɛnu na! Wo le ya a to, wo sewanɛ ka wo munyu kuntannu kɔrɔ! A sa wo nya, wa?

2 Kɔrɛnti 12:1

Nyɛrɛ-matɔgɛ kɛ ti ko-nyinya n ma kɔnɔ hali wo, n ni n nyɛrɛ matɔgɔ fɔlɔn. Mari ya ko-rayirɛ anubɛ lankɛnimayɛ minnu di n ma, n ni wonu bara-koe fɔ kaka.

2 Kɔrɛnti 12:11

Wole le wara a ma, n bara kun-takolonyɛ kɛ. A bɛnta wole ni n matɔgɔ nun. Hali fen ma nde la wo yala, wola kilaya-makawanɛ wonu fenfen ma tenbi nde la.

2 Kɔrɛnti 12:6

Ni n bi a fɛ ka n nyɛrɛ matɔgɔ, wo ti a ma, n ni ma kuntan la bawo n bi tonyɛ le fɔla. Kɔnɔ n ti n nyɛrɛ matɔgɔ bawo n sa a fɛ, mɔgɛnu ni anu miri nde ma bɛrɛkɛ! Anu bara n yen min kɛla ka n kan lamɔɛn min fɔla, anu miriya kana tenbi wo la.

2 Kɔrɛnti 5:13

Ni ma mara iko yuwɛnu, wo mara Alla lela ko la. Ni ma mara hɛnkilimɛnu na, wo mara wo munanfaga-koe lela ko la.