2 Kɔrɛnti 10:8 - ALLALA KUMƐ

⁸ Mari ya sɛnbɛ min di ma ma, n wasinɛ sɛnbɛ wo le la bɛrɛkɛ, ado n ti miliya wo la bawo sɛnbɛ wo sa n bolo ka wo lasɛgi kɔma fɔ ka wo lasabati.

2 Kɔrɛnti 10:8 Iomraidhean Croise

2 Kɔrɛnti 1:24

Male sa kun-tigiyɛ kɛla ka a fɔ wo ye wo si dɛnkɛninya min ma! Ma ye wɔlila ma nyɔgɔn fɛ wo nyɛrɛta sewɛla ko la bawo ma ya a lɔn ko wo sɔnɛ dɛnkɛninyɛ rɔ yiri!

2 Kɔrɛnti 10:4

Ma ye kɛlɛ-kɛ-fan minnu bila kɛlɛ-kɛ-tinɛ, duninyata kɛlɛ-kɛ-fen ma wonu na. Ma ye Allata kɛlɛ-kɛ-fen-sɛnbɛmɛnu bila ka Setanɛta kan-tina-latankanɛnu tinya wonu na. Anu bi hɛnkili minnu nabɔla,

2 Kɔrɛnti 10:9

N sa a fɛ, a ni ma iko n bi wo makilanna nna kɛdi kɛnu tɔ.

2 Kɔrɛnti 12:19

Tumado, wo ye wo mirila ko ma ye ma rayala wati bɛɛ ka ma nyɛrɛ fɛka wo ye. Ade! Ma ye kumala iko Kirasiti ye a fɛ, ma ni kuma nya min Alla yala. Ma diyana-mɔgɛ le wole la. Ma ye koe min bɛɛ mala, ma ye wo kɛla wo dɛnbɛn-koe le la.

2 Kɔrɛnti 12:6

Ni n bi a fɛ ka n nyɛrɛ matɔgɔ, wo ti a ma, n ni ma kuntan la bawo n bi tonyɛ le fɔla. Kɔnɔ n ti n nyɛrɛ matɔgɔ bawo n sa a fɛ, mɔgɛnu ni anu miri nde ma bɛrɛkɛ! Anu bara n yen min kɛla ka n kan lamɔɛn min fɔla, anu miriya kana tenbi wo la.

2 Kɔrɛnti 13:10

Yanni n ni ke nyɔ, n bi koe kɛnu sɛbɛla wo ma. Woletɔ n ba ke nyɔ tumɛ min, n kana a lagbɛlɛya wo kuma. Mari ya sɛnbɛ min di n ma, n bi wo lawɔlila ka wo lasabati kɔnɔ wo labui ko ma de!

2 Kɔrɛnti 13:8

Sɛnbɛ sa ma bolo ka fenfen ma min si a ma, Allala kumɛ ni tinya. Kɔnɔ ma si to ko ladanna min si Allala kumɛ lata ya rɔ.

2 Kɔrɛnti 7:14

N ya n nyɛrɛ kɔgɔ raka wolela ko la a ye, ado wo ma n namiliya. Iko ma nɔrɔta tonyɛ ma nya min, mata kɔgɔ-rakɛ fanan mara tonyɛ la wo nya le.

2 Kɔrɛnti 7:4

N lanɛ wole la kosɛbɛ, ado n wasinɛ wo la kati! Hali ma tɔrɔyanɛ, wo ye a mala, n fanɛ sewɛ la tolon!

Kalesiya 1:1

Nde, Pɔli le ye kɛdi kɛ sɛbɛla, ado mɔgɔ ma n sɔ wɔlɛ kɛ la. Mɔgɔ ma n ma kilayɛ la fɔ Yisa Kirasiti anubɛ ma Fa Alla min ya Yisa lawuli ka bɔ furinu tɛma.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.