2 Kɔrɛnti 10:5 - ALLALA KUMƐ

⁵ anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.

2 Kɔrɛnti 10:5 Iomraidhean Croise

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

2 Mansɛnu 19:22

A ko ale Sɛnakaribu mirinɛ ko a ye yon nafɛyala? A sa Isirɛlata Mari Alla-sɛnimɛ gbiliyala,

2 Mansɛnu 19:28

A ko a ara diminya min kɛ, Mari ara wo nya-yen. A ko a ara ala wasinteyɛ lɔn. Mari ko a si a sunyɛ sɔgɔ lunyɛ la ka karafɛ kɛ a dɛ ma ka a lasɛgi a gbere fɛ a bɔra kan min.”

Yobu 42:6

N darɔ-kannu bara a ma, n bara miliya. Wola ko la, n bara tubi ka n sa sundu-kunyɛ ma i kɔrɔ.

Yaburi 10:4

Alla bɔrɔ sa karagbɛlɛnu ye. Anuna miriya ma ke ale Alla ma anuna wasinteyɛla ko la.

Yaburi 139:2

N bi ko-wo-ko ladanna, i ye wo kalama. Hali i fɛ-yan n na pon, i ya n miriyɛ bɛɛ lɔn.

Yaburi 18:27

Min famayiginɛ, ale le ye wo lakisila kɔnɔ ni mɔgɛ min wasira, a si wo wara-koe mayigi.

Yaburi 18:44

Sibolo-gbɛrɛ minnu ba n tɔgɛ lamɔɛn, wonu si anu madu n kɔrɔ ka anu bole sa anu dɛ la kilan bolo.

Bɔ-Koe-Iyipiti 5:2

Mansɛ wo ko, “Mari kɛ ye yon na, n bi min kuman-kan birala ka Isirɛla mɔgɛnu boloka? N ma Mari wo lɔn hali! N ti Isirɛla mɔgɛnu boloka muk!”

Hɛnkilimaya-Kumɛnu 15:26

Miriya-yogomɛnu ma di Mari ye kɔnɔ kuma-nyima-fɔlɛta kumɛnu sɛninyanɛ a yala.

Hɛnkilimaya-Kumɛnu 24:9

Kun-takolɔn miri ma fenfen na fɔ ko-yogomɛ, ado hakɛ le wo la. Mɔgɛ min si mɔgɔ mayɛlɛn, a wara-koe ti diya wo tigi ye.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Aiseya 59:7

Anu si anu buri tala ko-yogoma-kɛ-tinɛ tiriya! Anu natiri hakɛbɔnɛnu fagala. Anu miri bɛnnɛ ma fenfen ma fɔ wunduyogoyɛ. Anu ya anu kun telen kan-bo-kan na, fenfen ti taran nyɔ fɔ kasarɛ anubɛ halakiyi.

Aiseya 60:14

Mɔgɛ minnu bara i matanban nun, wonu si anu maburun i kɔrɔ. I sɔgɛ labɔnɛ minnu na, wonu si na anu sa i kin kɔrɔ. Wonu si i kele ko, “Marita So-Karantan.” Wonu si i kele fanan ko, “Isirɛlata Alla-sɛnimɛ warɛ,” Yerusalɛm, kɔni.

Yɛrɛmaya 23:29

Mari ko ata sarakanɛ mani de fanan iko tɛ. A ko a mani de iko kundu-wɛ min bi fara-kole ratiila.

Yɛrɛmaya 4:14

Wole Yerusalɛm kɛnu, wo ni ko-yogomɛ bɔ wo yisi rɔ alako wo si na kisi nya min. Wo ni wo fara miriya-yogoma-rabɛn la.

Isikiyɛli 17:24

Nyamanita kɔlɔma bɛɛ si a lɔn ko Mari le nde la. N si kɔlɔma-layan-bɛnu tɛgɛ alako kɔlɔma-mɛsɛnu ni anu nyɛrɛ sɔrɔn. N si kɔn-kurannu nagbala ka kɔn-gbalanɛnu nanɔrɔn. Nde, Mari le wara kɛ fɔ, ado fɔ n ba a ma le, yɔ!”

Daniyɛli 4:37

“Nba, woletɔ nde, Nɛbukanasa, n si Arinyɛnɛ-Mansɛ gbiliya ka a tanto bawo ale ya ko-wo-ko ladan, wo kin, ado a telenta. Min sanɛ wo kuma, ale le ye mɔgɔ-wasinɛnu famayigila. Nde, Nɛbukanasa ya kɛ sɛbɛ.”

Matiyu 15:19

Ado nfan, miriya-yogomɛnu bi bɔla mɔgɔ-yisi le tɔ min si a sɔ mɔgɔ-faga-koe la anubɛ yɛlɛnyɛ anubɛ milibɛlitaya-koenu na, hali kankanyɛ anubɛ foninya-fɔɛ anubɛ mɔgɔ-rafɔɛ.

Luka 1:51

Alla ara a kɔɛn-sɛnbɛmɛ rasagan ka mɔgɔ-wasinɛnu tanyɛnsɛn anubɛ anuna miriya bɛɛ.

Romu 1:21

Anu ya Alla lɔn kɔnɔ anu ma a gbiliya, ado anu ma baraka bira a ye hali! Anu miriyɛ bɛɛ manɛ fufafuyi la! Anu hɛnkili rabasannɛ pirikali!

Romu 1:5

Alla ara fɛrɛ di nde, Pɔli ma Yisa baraka rɔ ko n ni ma ata kilayɛ la. A ya wo ma alako sibole bɛɛ ni la ale Yisa la ka ala kumɛ bira.

Romu 16:26

kɔnɔ kaka, tonyɛ wo ara bɔ gbɛ rɔ nɛbinuna sɛbɛlɛnu tɔ. Sibole bɛɛ nara ke gbundi wo lɔnna Allala kumɛ fɛ, ado Alla ye nyɔ habadan! Woletɔ mɔgɛnu ni dɛnkɛninya a ma ka ala kumɛ bira.

Romu 7:23

Kɔnɔ ko do ye wɔlila nde rɔ, min bi Allala tɔn wara-koe kɛlɛla n yisi rɔ. Wo ara n ma yɔɔn la hakɛ kɔrɔ, ado wo si n mara.

1 Kɔrɛnti 1:19

ado a sɛbɛnɛ Allala kitabu rɔ ko, “N si hɛnkilimɛla hɛnkili tinya ka mɔgɔ-karannɛnuta lɔnnɛ ma fuyi la.”

1 Kɔrɛnti 3:19

Duninya kɛ ya min lɔn hɛnkilimayɛ la, kuntanyɛ le wo la Alla yala. Iko a sɛbɛnɛ Allala kitabu rɔ nya min ko, “Alla si hɛnkilimɛnu bira anu nyɛrɛta halliyɛ rɔ.”

2 Kɔrɛnti 11:20

Ni mɔgɛ ya wo bira ka wo ma iko yɔɔn ka wo bolo labira ka wo kensunya ka yoo wo ma ka wo dɛ ratii, wo si wo munyu mɔgɔ-su wo kɔrɔ.

2 Kɔrɛnti 9:13

Wola ko-nyima-kɛ si wola dɛnkɛninyɛ yira Kirasitita kibara-nyimɛ rɔ, wo lanɛ min na, kɔni. Wo ye Kirasitila kumɛ birala min kɛ, mɔgɔ siyaman bi Alla tantola wola ko la. Wo ye anu dɛnbɛna foninsereyɛ la anubɛ mɔgɔ-gbɛrɛnu fanan.

Tɔn-Fɔɛ-Fila-Nyɔgɛ 15:9

Hali a ya a taran, san wɔrɔnfilɛ kɛ ara gbɛrɛn, wo si yili boloka san min na, wo kana wo ban wo nyɔgɔn-dɔndɔ-koe ma. Hali miriya-yogoma-su wo kana na wo hɛnkili ma. Ni wo ya wo ban wo na-kelen-nyɔgɛnu dɔndɔ-koe ma, ni wo do ya a yasere-masa Allatala ye, wo tigi min ya karagbɛlɛyɛ sigi a la wo la, wo si yiliki sɔrɔn Alla bolo.

Filipai 4:7

Nba, Allata yisi-kimɛ min tenbinɛ hadama-den-hɛnkili bɛɛ dan la, wo si wo yisi anubɛ wo hɛnkili kandan Kirasiti Yisa rɔ.

2 Tɛsalonaika 2:4

Mɔgɛnu bi bɛsɛ min bɛɛ matɔgɔla, anubɛ anu si min gbiliya Alla gbɛ rɔ, “Kirasiti-yogo-finma-wɛ” wo si wuli wo bɛɛ kan ma. A si a nyɛrɛ sigi wo bɛɛ kun na. A si a tui ka don Alla-Bato-Bɔn la ka a fɔ a nyɛrɛ ma ko Alla le ale la.

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

Hiburunu 4:12

Nba, Allata kumɛ ye a niyi la. A sɛnbɛ kolo. A dɛ ye a la ka tenbi faan da filɛ la. A si don mɔgɔ fɛrɛ burɔ pon, ha a sɔndɔmɛ anubɛ niyi ye kan min. A si mɔgɛ tɛgɛ ha fɛrɛ latugun tinɛ anubɛ kolota kɛɛn ye kan min. A ye mɔgɔ-diyana-koenu anubɛ a miriya bɛɛ labɔla gbɛ ma.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.