2 Kɔrɛnti 10:18 - ALLALA KUMƐ

¹⁸ Mɔgɛ min bi a nyɛrɛ matɔgɔla, wola nyɛrɛ-matɔgɛ wo, fuyi le wo la. Min kolo wo bɛɛ ko, Mari wa min matɔgɔ, wo le fisa a bɛɛ ko.

2 Kɔrɛnti 10:18 Iomraidhean Croise

Hɛnkilimaya-Kumɛnu 12:8

Mɔgɔ si hɛnkilimɛ gbiliya iko a ye ala hɛnkilimayɛ lawɔlila nya min kɔnɔ kuntan ma di mɔgɛnu ye.

Hɛnkilimaya-Kumɛnu 21:2

Mɔgɛ ya a lɔn ko a ye koe min bɛɛsi ladanna a nyɛrɛ ma, wo latelenta kɔnɔ Mari le ya ma yisirɔ-koenu lɔn.

Hɛnkilimaya-Kumɛnu 27:2

Yanni i ni i nyɛrɛ matɔgɔ, a to, mɔgɔ-gbɛrɛkɛ ni i matɔgɔ.

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Yɔni 12:43

Mɔgɔta matɔgɔlɛ di anu ye Allata matɔgɔlɛ ko.

Kɛwɔlɛnu 2:22

“Wole Isirɛla mɔgɛnu, wo ni wo wɔlɔ matɔlɔ kumɛ kɛnu na! Yisa Nasarɛti kɛ, mɔgɛ le wo la nun Alla ya min sɔ. A ya ala sarati yira wo la nun kɛwɔli-sɛnbɛmɛnu anubɛ kabana-koenu anubɛ tamaserenu fɛ. Alla ya wonu kɛ ale fɛ, ado wole nyɛrɛ ya wo lɔn bawo a kera wo dama yala.

Romu 14:18

Min bɛɛ si wɔlɛ kɛ Kirasiti ye kilɛ kɛ fɛ, wo tigi si diya Alla ye ka tɔgɔ-nyimɛ sɔrɔn mɔgɛnu bolo.

Romu 16:10

Apɛlɛsi fanan kɔndɔn minta lanaya-koe ara bɔ gbɛ rɔ Kirasiti ye. Aritobulula denbayɛ fanan kɔndɔn.

Romu 2:29

Kɔnɔ Yahudiya-bɛrɛ le wo mɔgɛ la min telennɛ Alla ye. Woletɔ kemininya-bɛrɛ ye mɔgɔ-yisi le tɔ. Allala Ni-Sɛnimɛta wɔlɛ le wo la. Tɔn-birɛ mako sa wo la. Yahudiya-bɛrɛ si matɔgɔlɛ sɔrɔn Alla bolo. A ti a sɔrɔn mɔgɛ bolo.

1 Kɔrɛnti 11:19

ado a fɛrɛ sa fɔ wo ni taran kan kelen tɔ alako minnu bi ko-latelennɛ kɛla Alla ye, wonu ni gbɛ wo tɛma.

1 Kɔrɛnti 4:5

Woletɔ wo kana mɔgɔ-wo-mɔgɔ kiti yanni a wati ni ke. Mari wa na, kiti-laban fɔla-wati wo le. A si mɔgɛnu miriya anubɛ pinpirɔ-koenu nabɔ gbɛ rɔ. Nba, wo le si a ma, bɛɛ ni matɔgɔlɛ sɔrɔn Alla bolo iko a bɛnnɛ nya min.

2 Kɔrɛnti 10:12

Nba, minnu bara anu nyɛrɛ ma fen na, ma ti sisi ma nyɛrɛ sankala wonu ma. Anu hɛnkili sa mumɛ! Anu bi anu nyɛrɛ sankala anu nyɔgɔn ma! Anu miri a ma ko min telenta anu nyɛrɛ yala, anu bi anu nyɛrɛ kitila wonu denu fɛ.

2 Kɔrɛnti 13:7

Ma ye Alla matarala ko wo kana ko-yogoma wo ko-yogoma kɛ. Ni male foora a la wo, ni ma ma foo a la wo, wo hɔnya sa male la. Alako tun wole kana foo a la, wo le gbili male ma.

2 Kɔrɛnti 3:1

Kɛ mani de iko ma ye ma nyɛrɛ matɔgɔla wo yala, nyɛ? Male fanan ni a ma iko mɔgɔ doinu bi a mala nya min? Ma ni na kɛdinu na ma bolo min si a yira, ni mɔgɔ-nyimɛ le male la iko doinu? Ni wo ma, wo ni kɛdi-su wonu nata mɔgɔ-gbɛrɛnu ma malela ko la, wa?

2 Kɔrɛnti 5:12

Ma sa ma rayala ka ma nyɛrɛ matɔgɔ wo ye tun kɔnɔ ma ye a fɛ, wo ni fɛrɛ sɔrɔn ka wasi ma la. Wo le ya a to, wo si ke wonu yabila minnu bi anu nyɛrɛ matɔgɔla ka a tɛgɛ anuna ko-ladan-nya ma kɔnɔ min bi anu yisi rɔ, wo ma de!

2 Kɔrɛnti 6:4

Kɔnɔ ma ya ma munyu tɔrɔyɛ anubɛ gbɛlɛyɛ anubɛ kɔndɔfili-su-bɛɛ kɔrɔ. Ma ye koe min bɛɛ kɛla, ma ye a yirala wonu tɔ ko Allata wɔli-kɛlɛ le male la.

2 Timoti 2:15

I ni i se-koe-bɛɛ kɛ ka ma wɔli-kɛla-nyimɛ la. Alla ni i lɔn wɔli-kɛlɛ la min miliyani ma ala wɔlɛla ko la. I ni to mɔgɛnu karanna Allala tonya-kumɛ la a kilɛ fɛ.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.