2 Kɔrɛnti 1:9 - ALLALA KUMƐ

⁹ Ma ya ma miri ko sayɛ la ara tɛgɛ ma ma. Kɔnɔ wo mara alako ma kana la ma nyɛrɛ la fɔ Alla min bi furinu nawulila.

2 Kɔrɛnti 1:9 Iomraidhean Croise

Yobu 40:14

Ni i si ke wo damasi mala, nde le fɔlɔn si ma i matɔgɔlɛ la ko i si ke le i nyɛrɛ lakananna.

Yaburi 22:29

Hali mɔgɛ minnu wasinɛ, wonu si anu madu ka a bato, ado hadama-dan bɛɛ si a madu ka a bato.

Hɛnkilimaya-Kumɛnu 14:32

Karagbɛlɛla karagbɛlɛyɛ si a labui kɔnɔ hali sayɛ wa gbɛrɛn tumɛ min, mɔgɔ-latelennɛnu na si fɛrɛ.

Hɛnkilimaya-Kumɛnu 28:26

Mɔgɔ-wo-mɔgɔ lara a nyɛrɛ la ha, kun-takolɔn le wo tigi la. Mɔgɛ min bi tagamana hɛnkilimayɛ rɔ, wo tigi si simayɛ sɔrɔn.

Aiseya 38:10

N bi fonikeyɛ la tumɛ min, n miri n ko n donmatoe le lakira. N ko n siyi ti a labɔ.

Isikiyɛli 33:13

Hali n bara mɔgɔ-nyimɛ yili-madiya ko a si to a niyi la kɔnɔ tumado, a ni a miri ko a ara ko-nyimɛ minnu ma kɔrɔma la, wonu bara a ya labɔ. Ni wo tigi donta ko-yogoma-kɛ rɔ, a ara ko-nyimɛ min bɛɛsi ma nun, n ti n miri wo do-wo-do ma tun.

Luka 18:9

Minnu lanɛ anu nyɛrɛta ko-nyimɛ la ka mɔgɛ toe bɛɛ lafɛya, Yisa ya tili kɛ tɛgɛ wonu denu ye.

Romu 8:36

Iko a sɛbɛnɛ Allala kitabu rɔ nya min ko, “Nta Alla, ma ye saya-masibɛ rɔ ila ko la tuma-wo-tuma. Anu bi ma bira boloko-yogomɛ-kɛla iko saga kan-natɛgɛtɛ.”

2 Kɔrɛnti 1:10

A ya ma kisi saya-masiba-wa-su wo ma, ado a si to ma kisila. Wo ye ma dɛnbɛna wola madiyalɛnu tɔ tumɛ min, ma ara ban ma yigi sala a kuma ko a si ma kisi tun. Mɔgɔ siyaman bi anu kan nabɔla Alla ma ka baraka bira a ye mala ko la, ado Alla si wonu yabi ka duwɛ layigi ma kuma.

2 Kɔrɛnti 1:8

Nba, n na-kelen-nyɔgɛnu, ma ya tɔrɔyɛ min sɔrɔn Esiya nyamanɛ rɔ, ma ye a fɛ ka wo lalɔn wo la. Dunɛ minnu sara ma kuma, wonu kolo, ado anu gbili. Ma yigi bɛɛ tɛgɛra ko ma ti to ma niyi la.

2 Kɔrɛnti 3:5

Fenfen sa male rɔ min si a ma, ma ni a fɔ ko ma si ke wɔlɛ kɛ kɛla. Min bɛɛ ye ma bolo, wo bɔnɛ Alla le bolo.

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

Hiburunu 11:19

Iburayima ya a lɔn ko ni Isiyaka fagara, Alla si ke a niyi lasɛgila a rɔ le, ado a kɔrɔbɔɛ kɔma, a ya a yen, Isiyakala niyi ye a rɔ.