2 Kɔrɛnti 1:3 - ALLALA KUMƐ

³ Ma si baraka bira ma Mari Yisa Kirasiti Fa Alla ye. Ale le male fanan Fa la min kinikininɛ ma ma, ado ladiyɛ bɛɛ ye bɔla Alla le bolo!

2 Kɔrɛnti 1:3 Iomraidhean Croise

Ko-Dabirɛnu 14:20

Alla Min Bi Fan Bɛɛ Kun Na min bara i yogenu don i bolo, tantolɛ ni ke wo ye.” Burama ya minnu sɔrɔn kɛlɛ rɔ, a ya wonu yaka bɔ ka wonu di Mɛlikisidaki ma.

1 Ko-Kɔrɔta-Karan 29:10

Mansa Dawuda ya Mari tanto nyama wo yala nyɔ rɔ. A ya Alla matara, a ko, “Ma benba Yakobata Mari Alla, i ni to tantolɛ sɔrɔnna habadan!

Nihɛmaya 9:5

Yɛsuwa wo, Kadamiyɛli wo, Bani wo, Hasabinaya wo, Sɛrɛbaya wo, Hodaya wo, Sɛbanaya wo, Pɛtahaya wo, Lifayi kɛnu fanan ya a fɔ anu kulu-mayɛlɛnɛ la ko, “Wo ni wo lasɔ ka baraka bira wota Mari Alla ye. Wo ni to a matɔgɔla burubukai! Bɛɛ ni a tɔgɛ gbiliya ka a tanto. Kɔnɔ ma ya a lɔn ko hadama-danta matɔgɔlɛ ti a bɔ.”

Yobu 1:21

A ko, “N bolo-kolɔn le sɔrɔnta. N bolo-kolɔn le ye fagala. Mari min ya anu di n ma, Mari kelan wo le wara anu bi. N si ale Mari tanto!”

Yaburi 18:46

Ale Mari ye nyɔ. Nta farɛ le ale la min si n kandan. Ale Alla min makawara, min ya n nakisi, a bɛnta, n ni ale matɔgɔ!

Yaburi 68:35

Isirɛlata Alla tenbi bɔla ala kan-tina-sɛnimɛ rɔ, a makilannɛ. A si sɛnbɛ di ala mɔgɛnu ma. Alla tanto!

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Aiseya 66:13

Mari ko a yɛyɛ si to wo fɛ iko denbɛ-yɛyɛ ye tola ala dan fɛ nya min, ado Mari-yɛyɛ si to ile Yerusalɛm fɛ wo nya na le.

Daniyɛli 4:34

“San wɔrɔnfila tenbinɛ, n ya n yɛ layɛlɛ san ma, n hɛnkili sɛgira a gbɛ rɔ. Alla Min Bi Fan Bɛɛ Kun Na, n ya gbiliyɛ di wo ma ka a tanto. N ko, ‘Allata mansayɛ ti ban. A si to mansayɛ la burubukai!

Daniyɛli 9:9

Hali ma murutiyanɛ i ma, i wara kinikini ma ma ka ma makoto.

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Yɔni 10:30

Mabɛ n Fa, kelen de ma la.”

Yɔni 20:17

Yisa ya a fɔ a ye ko, “I kana i bole tugu n na bawo n ma yɛlɛ wɛ n Fa Alla warɛ. Kɔnɔ ta a fɔ n na-kelen-nyɔgɛnu ye ko n bi nala yɛlɛla san-kole rɔ n Fa anubɛ wo Fa warɛ, nta Alla anubɛ wota Alla, kɔni.”

2 Kɔrɛnti 11:31

Alamɛ ma Mari Yisa Fa Alla tɔgɛ ni tanto tolon! Alla le ya a lɔn ko n sa foninya fɔla.

2 Kɔrɛnti 7:6

Alla min si mɔgɔ-kɔndɔfilinɛ yisi-kimɛ, wo ya ma yisi-kimɛ Taitala nɛ fɛ.

Ɛfɛsa 1:17

N bi ma Mari Yisa Kirasiti, wo Fa Alla gbiliya-tigi matarala ko a ni ata Ni-Sɛnimɛ di wo ma. A si hɛnkili di wo ma ka ata tonyɛ labɔ gbɛ rɔ wo ye alako wo ni a lɔn a nya-bɛrɛbɛrɛ ma.

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Filipai 2:11

Bɛɛ si a lawɔyɔ gbɛ rɔ ko Yisa Kirasiti, Mari le. Bɛɛ si ma Fa Alla gbiliya kumɛ wo la.

Kɔlɔsi 1:3

Ma tenbi tarali kɛla wo ye, ma ye baraka birala Alla ye tumɛ bɛɛ. Alla kɛ, ma Mari Yisa Kirasiti Fa le wo la.

1 Pita 1:3

Ma ni baraka bira Mari Yisa Kirasiti, wo Fa Alla ye dɛɛ! Ka a tɛgɛ Yisata lawulɛ fɛ ka bɔ furinu tɛma, ma ara ni-kurɛ sɔrɔn a bolo ala kinikini-wɛ rɔ. Wo ara ma fa yigi-bɛrɛ la.

2 Yɔni 1:4

N sewara bɛrɛkɛ ka a yen ko ila dan donu tonɛ tonyɛ rɔ iko ma Fa Alla ara a fɔ ma ye nya min.

2 Yɔni 1:9

Min ti to Kirasitila karan rɔ fɔ ka do sa a kuma, Alla sa wo bolo. Kɔnɔ min tonɛ karan wo rɔ, ma Fa Alla anubɛ ala den Yisa, anu fila bɛɛ ye wo le bolo.