1 Timoti 4:3 - ALLALA KUMƐ

³ Wo mɔgɔ-sufanu bi mɔgɛnu karanna ko furu-kiri-koe anubɛ dɔn-fan-donu dɔn-koe, ko-yogomɛ le wonu na. Kɔnɔ ni i wara ban baraka birala Alla ye wonuna ko la, Alla ko wonu ma yogo. A ya wonu nadan dɛnkɛninya-mɔgɛnu ye minnu bara ban tonyɛ lɔnna.

1 Timoti 4:3 Iomraidhean Croise

Ko-Dabirɛnu 9:3

Nima-fan min bɛɛ ye dugu-kole kuma, wonu si ma dɔn-fan la wo ye. N bara nima-fan bɛɛ di wo ma iko n ya fui-fannu di wo ma nya min nun.”

Makawandili Kumɛnu 5:18

N ya kɛ le dɔrɔn yen duninya ma min kin. Alla ara wati-kundu-nɛ min di mɔgɛ ma duninya kɛ rɔ, a fisa, a ni fen dɔn ka a min ka sewa a bolo-fen-sɔrɔnnɛnu tɔ. Duninya damɛ le wo la.

Daniyɛli 11:37

Ale Siriya mansɛ si a kan-kɔ sɔ a benbanuta bɛsɛ la. Hali bɛsɛ min di musinu ye wɛ kɛ, ale le ko sa wo rɔ fanan, ado a si a kan-kɔ sɔ bɛsɛ wonu dama la bawo a ya a lɔn ko a kolo bɛsɛ wonu ko.

Matiyu 14:19

A ya a fɔ mɔgɛnu ye ko anu ni sigi binyɛ kuma. Wo kɔma, a ya biredi loli anubɛ yɛgɛ filɛ wonu bi. A ya a yɛ layɛlɛ san ma ka baraka bira Alla ye. A ya biredi loli wo rakerikeri ka a don ala karan-dannu bolo. Karan-dannu ya wonu di mɔgɛnu ma.

Matiyu 15:11

Min bi donna mɔgɔ dɛ rɔ, wo ti a latinya fɔ min bi bɔla a da rɔ, wo le si a latinya.”

Matiyu 15:36

Wo kɔma, a ya biredi wɔrɔnfilɛ anubɛ yɛgɛ wonu bi ka baraka bira Alla ye. A ya anu takerikeri ka anu don ala karan-dannu bolo. Karan-dannu ya a di mɔgɛnu ma.

Luka 24:30

A sigira anu fɛ tebulu la. A ya biredi bi ka baraka bira Alla ye. Wo kɔma, a ya biredi rakerikeri ka a di anu ma.

Yɔni 6:23

Kulɔn donu bi bɔla Taibiriya soe burɔ, Mari ya baraka bira Alla ye kan min nun ka biredi di mɔgɛnu ma, kulɔn wonu sɔra kan tinɛ wo rɔ.

Kɛwɔlɛnu 27:35

Pɔli banta kɛ fɔla tumɛ min, a ya biredi do bi ka baraka bira Alla ye anu dama yala. A ya a rakeri ka do dɔn anu yala.

Romu 14:17

Allala mansayɛ ma dɔn-fan anubɛ minni-fan la fɔ telenbagayɛ anubɛ yisi-kimɛ anubɛ sewɛ, Allata Ni-Sɛnimɛ ye min su dila, kɔni.

Romu 14:3

Mɔgɛ min da-tanɛ sa, wo kana mɔgɛ doi wo lafɛya. Min bi sɛnita-fannu gbansan dɔnna, wo kana doi rasɛ min bi fan bɛɛ dɔnna bawo Alla ara anu filɛ bɛɛ rabira.

Romu 14:6

Minnu miriya ko tele do ma tenbi tele do la, anu bi wo mala Marita gbiliyɛla ko la. Minnu bi fan bɛɛ dɔnna, anu bi wo mala Marita gbiliyɛla ko la fanan, ado anu bi baraka birala Alla ye dɔn-fan wola ko la. Minnu sa fan donu dɔnna, wonu fanan bi wo mala Marita gbiliyɛla ko la, ado anu fanan bi baraka birala Alla ye.

1 Kɔrɛnti 6:13

Dogbɛrɛ si a fɔ ko, “Buyi ye dɔn-fanla ko la. Dɔn-fan fanan ye buyila ko la.” Tonyɛ le kɔnɔ wo filɛ bɛɛ si ban Alla bolo. Kɔnɔ fɛrɛ-bɔnkɛ ma dan yɛlɛnyɛla ko la fɔ ka wɔli Mari ye, ado Mari le ye ko-nyinyala fɛrɛ-bɔnkɛ ma.

1 Kɔrɛnti 7:28

Ni min ya furi kɛ, a ma hakɛ kɛ. Ni musi taranta kei-wara-sigi rɔ, a ma hakɛ kɛ. Wo sifanu bi tɔrɔyɛ minnu sɔrɔnna wati bɛɛ, n bi a fɛ ka wo tanka wonu denu ma.

1 Kɔrɛnti 8:8

Ma ti ke Alla hɛnɛna dɔn-fen dɔn-koe la. Ni ma ma a dɔn, wo ti ma bɔnɔ fenfen tɔ. Ni ma ya a dɔn fanan, ma ti tɔnɔ-wo-tɔnɔ sɔrɔn wo rɔ.

Kɔlɔsi 2:16

Woletɔ wo kana sɔn, mɔgɔ-wo-mɔgɔ ni tɔn sigi wo ma tun wola dɔn-fen-koe anubɛ minni-fen-koe la. Hali tele-sɛnima-koe wo, karɛ-kura-koe wo, Sulen-Tele-koe wo, wo ara hɔrɔya tɔn wonu ma.

Kɔlɔsi 3:17

Wo ye koe min bɛɛ kɛla anubɛ wo ye koe min bɛɛ fɔla, wo ni wo bɛɛ kɛ Mari Yisa tɔgɛ rɔ. Wo ni baraka bira ma Fa Alla ye Mari Yisa baraka rɔ.

1 Timoti 2:4

min bi a fɛ, mɔgɛ bɛɛ ni kisi ka tonyɛ lɔn.

1 Timoti 4:4

Alla ya fan min bɛɛ dan, wo bɛɛ kin. A ma bɛn, mɔgɛ ni a ban wo fenfen na. Alako a ni Alla ko-nyima lɔn dɔrɔn,

1 Timoti 5:14

Woletɔ min fisa, kɛɛ-musu-fonikenu ni sigi furi rɔ ka to dannu sɔrɔnna. Anu ni anuna bɔnnu fɛ-bira alako ma kana fɛrɛ di ma yogenu ma ka kuma-yogomɛ fɔ ma ma,

Hiburunu 13:4

Mɔgɛ bɛɛ ni furi gbiliya. Keinubɛ musinu ni telen anu nyɔgɔn ye dɛɛ, ado Alla si sɔn-yogoma-tiginu anubɛ yɛlannu kiti.

Hiburunu 13:9

Wo kana sɔn, karan-kurɛnu ni wo labɔ wola kila-telennɛnu fɛ. A fisa, wo sɔndɔmɛnu ta ni gbɛlɛya Allala hinɛ fɛ. Ka a fɔ ko wo ni tɔn bira dɔn-fen-koela ko la, wo ti ko-wo-ko nyinya wo ma, ado minnu bilanɛ tɔn wonu fɛ, wonu ma dɛnbɛni sɔrɔn wonu tɔ.