1 Timoti 1:9 - ALLALA KUMƐ

⁹ Tɔn wonu ma sigi mɔgɔ-nyimɛnuna ko la iko i ya a lɔn nya min. Tɔn wonu sanɛ tɔn-tinyanɛnu anubɛ ko-yogoma-kɛlɛnuna ko la. Alla-lɔnbɛlɛnu wo, hakɛ-tiginu wo, dina-birabɛlɛnu wo, Alla-lafɛyalɛnu wo, minnu ya anu sɔrɔnnɛnu faga wo, mɔgɔ-gbɛrɛ-fagalɛnu wo,

1 Timoti 1:9 Iomraidhean Croise

2 Samuwɛli 16:11

Mansa Dawuda ya a fɔ Abisayi anubɛ ala mɔgɔ-banu ye tun ko, “Nde faga-sɔgɛ ye n halala-den-sɔrɔnnɛ la. Hali wo ma tɛrɛna n mamɔɛn kɛ la Bɛnyamɛ bɔnsɔn-mɔgɛ kɛ bolo. Mari le wara a fɔ a ye ko a ni n mamɔɛn. Wo ni a to nyɔ, a ni n mamɔɛn iko a di a ye nya min.

2 Mansɛnu 19:37

Lunyɛ do, Mansa Sɛnakaribu ye ala bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

Bɔ-Koe-Iyipiti 20:13

“Wo kana mɔgɛ faga.

Bɔ-Koe-Iyipiti 21:14

Ni mɔgɛ do ya yanfɛ sigi a ta-nyɔgɛ do la ka a faga wunduyogoyɛ la, hali a tara nna saraka-mintan-tinɛ ala kisi-koe la, wo ni wo tigi faga.

Hɛnkilimaya-Kumɛnu 20:20

Mɔgɛ min bi a na anubɛ a fa mɔɛnna, wo wara-koe ra si de dogbe iko lɛnpu si dufen pinpi rɔ nya min dɔi!

Hɛnkilimaya-Kumɛnu 28:17

Mɔgɔ-fagalɛ-yisi ti sa. A yisi si to a tɔrɔla ha a si faga, ado mɔgɔ-wo-mɔgɔ kana a dɛnbɛ.

Hɛnkilimaya-Kumɛnu 28:24

Mɔgɛ min bi a sɔrɔnbagɛnu kankanna, a ni a fɔ ko, “Tana ma kɛ la,” wonubɛ kasarantenu takɛn de!

Hɛnkilimaya-Kumɛnu 30:11

Mɔgɛ donu bi nyɔ, wonu bi anu fanu mɔɛnna, katarala anu nanu ma.

Hɛnkilimaya-Kumɛnu 30:17

Mɔgɛ min bi a na anubɛ a fa bɔrɔbɔla, a bɛnta, a furi-bolokanɛ ni to. Mansa-wala-kona anubɛ dogɛnu ni a furi dɔn.

Yɛrɛmaya 23:11

Mari ko nɛbinu anubɛ saraka-masɔlɛnu bara kisimiriya-koe dan-natenbi. A ko hali a nyɛrɛta Bato-Bɔn, a ara anu bira sɔn-yogoyɛ la nyɔ.

Isikiyɛli 21:25

“I ni a fɔ Isirɛla mansɛ ye ko nde, wo Tigi Mari kan le kɛ la. Ale Isirɛla mansa-yogomɛ, min sɛninyabɛlɛ ni a makɔnɔ tun. Ata tɔrɔyɛ ye a kɔma. Ale nyɛrɛ ni ala mansaya-fulɛ wo pope a kunyɛ la. Fenfen ra ti kɛnya tun! Bolo-kolɔnnu si ma sɛnbɛ-tiginu na. Sɛnbɛ-tiginu si ma yɔɔnnu na.

Saraka-Masɔlɛnuta Tɔnnu 20:9

“Ni min tora a fa anubɛ a na lafɛyala, Mari ko wo ni wo tigi faga. A tigi tɔgɛ si to a nyɛrɛ la, yɔ!

Matiyu 10:21

“Mɔgɛnu si anu na-kelen-nyɔgɛnu kunyɛ madon anu yogenu bolo alako anu ni anu faga. Fanu si wo nyɔgɔn ma anuna dannu na. Dannu si wuli anu sɔrɔnnɛnu kan ma hali ka anu nadon sayɛ rɔ.

Romu 1:30

ka kuma-yogomɛ fɔ anu nyɔgɔn ma. Alla wara-koe gboyanɛ anu ye, ado tagasibɛlɛ le anu na anubɛ mɔgɔ-wasinɛnu anubɛ nyɛrɛ-matɔgɔlɛnu. Anu bi ko-yogoma-kurɛ rabɛnna tuma-wo-tuma. Anu ti anu sɔrɔnnɛnuna kumɛ bira muk!

Romu 4:13

Alla ya lanyiri kiri Iburayima anubɛ a bɔnsɔn ye ko duninya si ma anutɛ la. Ka a fɔ ko a ya lanyiri kɛ kiri bawo Iburayima ya Allata tɔn-kitabu bira, wo ma. Kɔnɔ a kirita ala dɛnkɛninyɛla ko la. Woletɔ Alla ya a lɔn mɔgɔ-latelennɛ la,

Romu 5:20

Nɛbi Musata tɔn-kitabu nara le alako mala ko-yogomɛnu si bɔ gbɛ rɔ nya min. Kɔnɔ hakɛ warata nya min, Allata hinɛ fanan warata ka tenbi wo la!

Romu 6:14

ado nɔ-wo-nɔ sa hakɛ bolo wo kuma tun bawo wo sa Nɛbi Musata tɔnnu kɔrɔ tun fɔ Allata hinɛ.

Kalesiya 3:19

Nba, Nɛbi Musata tɔn-kitabu dira nfenna worɔ? A kofura lanyiri ma le alako ka mala ko-yogomɛnu nabɔ gbɛ ma, ado tɔn-kitabu wo ni to ha lanyiri kirita Iburayima bɔnsɔn minna ko la, wo ni na tumɛ min. Alla ya ata tɔn-kitabu di melikanu ma alako anu ni a don Nɛbi Musa bolo. Ale le ya a latenbi mɔgɛnu ma.

Kalesiya 5:18

ado ni wo tora bilala ata Ni-Sɛnimɛ fɛ, wo sa Nɛbi Musata tɔn-kitabu kɔrɔ tun.

Kalesiya 5:21

Anu sa nyinina ko-nyima wo ko-nyima ma anu bɔnuna ko la. Anu manɛ gbɛɛtoenu na. Anu bi anu fɛrɛ-bɔnku-natanu denu wasala tolon! Anu bi ko-sufa wo bɛɛ mala. N bi a fɔla wo ye tun ko minnu bi ko-sufa wo bɛɛ kɛla, wonu ti Allala mansayɛ sɔrɔn muk!

Kalesiya 5:23

famayigi wo, anubɛ nyɛrɛ-birɛ. Tɔn sa ko-sufa wonu kan ma.

Tɔn-Fɔɛ-Fila-Nyɔgɛ 27:16

“ ‘Alamɛ Allata dankɛ taranta wo mɔgɛnu kuma minnu ti sɔn anu fa anubɛ anu na gbiliya-koe ma.’ “Anu si a labira ko, ‘Amina.’

2 Tɛsalonaika 2:8

Nba, “Kirasiti-yogo-finma-wɛ” wo wa bɔ gbɛ rɔ tumɛ min, Mari Yisa si a faga a darɔ-fɔnyɔ la. Marila nɛ si a halaki ala gbiliya-makawanɛ la.

1 Timoti 4:7

I ni fara Alla-lɔnbɛlɛnuna foninya-poroto-parata-fɔɛ la. Wonu namɔɛn ti ko-wo-ko nyinya. I ni i nyɛrɛ kolo ka to Alla fɛ.

1 Timoti 6:20

Timoti, min dantɛgɛnɛ i ma, i ni wo mara gben! I kana i tole masɔ Alla lɔnbɛliya-kuma teleka-telekɛnu na anubɛ yuwaya-sɔsɔlɛnu. Anu bi a fɔla ko lɔnnɛ le sɔsɔlɛ wo la kɔnɔ a sa wo nya de,

2 Timoti 2:16

I tanka Alla-lɔnbɛliya-kumɛ anubɛ yuwaya-sɔsɔlɛnu ma. Wonu ti ko-wo-ko nyinya fɔ ka mɔgɛnu masɛgi Alla la.

2 Timoti 3:2

Mɔgɛnu si to hɔnna anu nyɛrɛ la alako ka fan bɛɛ ladɛn anu nyɛrɛ ye. Anu si ma nyɛrɛ-matɔgɔlɛnu na ha ka anu yɛ layigi a mɔgɔ-toenu ma. Anu si ma mɔgɔ-lafɛyalɛnu na ka anu sɔrɔnnɛnuna kumɛ tinya. Anu si ma fisiri-fasarɛnu na anubɛ dina-birabɛlɛnu.

Taita 1:10

Ado nfan, mɔgɔ-siyaman bi sɔsɔli kɛla alako anu ni mɔgɔ-gbɛrɛnu yanfa anuna kuma-fuyinu fɛ. Anu siyaman bi Yahudiyanuna dina rɔ nun.

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Taita 1:6

N ko fɛɛ kana taran chɔchi-mɔgɔ-ba la. A ni telen ala musi ye. Ala dannu ni ma dɛnkɛninya-mɔgɛnu na. Mɔgɛnu kana anu lɔn kalabante anubɛ kuma-birabɛlɛnu na.

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Hiburunu 11:31

Hali minnu ma Allala kumɛ bira Yɛrikɔ soe burɔ, musu-yɛlɛn Rehabita dɛnkɛninyɛ ya a ma, a ma faga wonu fɛ bawo a ya Isirɛla ko-lakɔrɔsilɛnu tabira.

Hiburunu 12:16

Wo ni a ma wo fɛrɛma ko mɔgɔ-wo-mɔgɔ kana ma sɔn-yogoma-tigi la. Wo kana ma iko Isɔ min ya ata sɔ tinɛ mayira a dɔgɛ ma dɔn-fen-nɛla ko la.

1 Pita 2:7

Kuri kɛ gbiliyanɛ wole dɛnkɛninya-mɔgɛnu bolo kati! Kɔnɔ dɛnkɛninyabɛlɛnu ma a lɔn ko, “Bon-sɔlɛnu ya a fɔ kuri min ma ko fen ma, wo le ara ma sɛbɛna-kuru-tɔnɔnamɛ la.”

1 Pita 3:20

Wo tumɛ Nowa ye kulɔn ladanna, Alla ya a munyu mɔgɔ wonu kɔrɔ kati, bawo anu ma sɔn ala kumɛ birala. Mɔgɔ siyaman ma don kulɔn wo rɔ fɔ anu mɔgɔ segin pe minnu kisira yi-fɛ wo ma,

1 Pita 4:18

Iko a sɛbɛnɛ Allala kitabu rɔ nya min ko, “Ni mɔgɔ-nyimɛ kisi-koe gbɛlɛ, Alla-lɔnbɛlɛnu anubɛ hakɛ-tiginu si ma kama worɔ?”

Yude 1:15

ka mɔgɛ bɛɛ kiti. A si Alla-lɔnbɛlɛ bɛɛ yiliki anuna kɛwɔlɛ-yogomɛla ko la. Alla-lɔnbɛlɛ wonu ya gbalo-kumɛ min fɔ Alla ma, anu si yiliki sɔrɔn wola ko la.”

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Lankɛnimayɛ 22:15

Kɔnɔ haramu-ko-kɛla bɛɛ, a duru wo, a yɛlɛn wo, a mɔgɔ-fagala wo, a bɛsi-kɔla wo, minnu bara foninya-fɔɛ keni wo, wonu bi soe kɔma.