1 Samuwɛli 9:9 - ALLALA KUMƐ

^9-11 Sɔli ya a fɔ a ye ko, “Tonyɛ le wo la. Ma ta.” Anu tara soe burɔ, nɛbi wo ye kan min. Anu bi so-kɔnkɛ yɛlɛla tumɛ min, anu bɛnta sunkurunnɛ donu na minnu bi tala yi-bi-tinɛ. Anu ya sunkurunnɛ wonu manyinika ko, “Ko-rayennɛ wo ye soe burɔ, wa?” (Wo wati rɔ, anu si nɛbinu kele ko, “Ko-rayennɛ.” Ni Alla-manyinika-sɔgɛ ye mɔgɛ do la, a si a fɔ ko, “Ma ni ta ko-rayennɛ wara.”)

1 Samuwɛli 9:9 Iomraidhean Croise

Ko-Dabirɛnu 25:22

Fɛran wonu taranta anu nyɔgɔn kɛlɛla anu na burɔ. Rebɛka ya a fɔ ko, “Nfen bi a tola, kɛ ye mala n na?” Woletɔ a tara Mari manyinika.

2 Samuwɛli 24:11

Mari ya a fɔ Mansa Dawudala ko-rayennɛ Kadi ye ko, “Ta a fɔ Dawuda ye ko ko sawa ye nyɔ n bi min yirala a la, a ni kelen bi wonu tɔ. A wa fenfen bi kɛ sawɛ rɔ, ale le wo la.” Mansa Dawuda ya a lasɔ min kɛ sɔgɔma,

2 Mansɛnu 17:13

Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

1 Ko-Kɔrɔta-Karan 21:9

Ko-rayennɛ min bi Mansa Dawudata wati wo rɔ, wo tɔgɛ le Kadi. Mari ya a fɔ wo ye ko,

1 Ko-Kɔrɔta-Karan 26:28

Fan min bɛɛsi dantɛgɛra Marila wɔlila ko la ata Bato-Bɔn la, Sɛlomiti kɛ anubɛ a kebilɛ le wonu namarala. Hali Nɛbi Samuwɛli anubɛ Mansa Sɔli anubɛ Nɛrila den Abina anubɛ Sɛruya Yohabu nara fen-kolomɛ minnu na ka anu dantɛgɛ Marila wɔlila ko la, Sɛlomiti kɛ anubɛ a kebilɛ le ya wonu namara.

1 Ko-Kɔrɔta-Karan 29:29

Ka a bi Mansa Dawudala wulɛ ma ha ka a sigi ala ban la, koe min bɛɛsi mara a wara-koe rɔ, nɛbi mɔgɔ sawa, wo le ya wo sɛbɛ, Nɛbi Samuwɛli wo, Nɛbi Netan wo, anubɛ Nɛbi Kadi, kɔni.

1 Ko-Kɔrɔta-Karan 9:22

Da-makandannɛ minnu mumɛ bɛɛsi ye nyɔ rɔ, wonu yatɛ bɛnta mɔgɔ kɛmɛ fila ani mɔgɔ tan-ni-fila (212) ma. Anu ya bɛɛ tɔgɛ sɛbɛ ata soe tɔgɛ kɔrɔ. Mansa Dawuda anubɛ Nɛbi Samuwɛli wonu denu ya telenbagaya-wɔlɛ kɛnu di mɔgɛ kɛnu benbanu ma.

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

2 Ko-Kɔrɔta-Karan 16:7

Wo wati rɔ, Nɛbi Hanani tara Mansa Esa wara. A ya a fɔ a ye ko, “Bawo i wara i yigi sa Siriya mansɛ rɔ, i ma i yigi sa ita Mari Alla rɔ, wo le ya a to, tɔ-a-la, i ti nɔ-ko sɔrɔn Siriya mansɛ anubɛ ala kɛlɛ-dannu ma.

Aiseya 29:10

Mari ara a ma, ile Yerusalɛm ara kinɔgɔ fogbo! Nɛbi minnu bi i yayɛ la, Mari ara wonu yɛ lakiri.

Aiseya 30:10

Anu bi a fɔla nɛbinu ma ko, “Wo ni sigi-a-la don!” Anu bi a fɔla fanan ko, “Ma tole diyana-koenu denu fɔ ma ye. Ma sa nyinina ko-telenni ma fɔ ko-nyima-rayirɛ dɔrɔn.

Emɔsi 7:12

Wo kɔma, Saraka-Masɔla-Kun-Tigi-Wɛ Hamasa ya a fɔ Nɛbi Emɔsi ye ko, “E, ile Emɔsi, itɛ ara a bɔ. Sɛgi i warɛ Yuda nyamanɛ rɔ. I ni ta ila wɔlɔyiya-kumɛnu fɔ nyɔ. Wonu si to i sarala.

1 Kɔrɛnti 12:17

Ni bagbuyi bɛɛ mara ya-gbansan la nun, a si ko-lamɔɛn kama? Ni a bɛɛ mara tole la nun fanan, a si fen-sumɛ lamɔɛn kama?

Kɛlɛ-Kurugbɛnu 1:1

Yasowata fagɛ kɔmɛ, Isirɛla mɔgɛnu ya Mari manyinika, anu ko, “Ma bɔnsɔn nyamintan fɔlɔn si ta Kenan kɛ-toenu kɛlɛ tinɛ?”

Kɛlɛ-Kurugbɛnu 18:5

Anu ya a fɔ a ye ko, “I yandi, n fa, Alla manyinika ma ye ni mala tagama si diya.”