1 Samuwɛli 9:7 - ALLALA KUMƐ

⁷ Sɔli ya a fɔ a ye ko, “Ni ma tara kei wo wara, ma si nfen di a ma, ado mala dɔn-fannu bara ban mala bɔrɛnu tɔ? Fen-gbɛrɛkɛ ye nyɔ ma si min di a ma, wa?”

1 Samuwɛli 9:7 Iomraidhean Croise

1 Mansɛnu 13:7

Ale mansɛ ya a fɔ Allata mɔgɛ wo ye ko, “Ma ta n barɛ bɔn la fen dɔn tinɛ. I wara wɔlɛ min kɛ n ye kɛ la, n si i kɔntɔ-diya wola ko la.”

1 Mansɛnu 14:3

Biredi-lɔngbɔn tan bi. Wo kɔma, i ni dɛgɛ-yilannɛ anubɛ liyi-bara kelen bi ka ta wonu na a ye. I ni a manyinika mala dan kiraya-koe rɔ. Ni min bi nala mala a la, a si wo fɔ i ye.”

2 Mansɛnu 4:42

Lunyɛ do, kei do bɔra Beyali-Salesa soe burɔ ka na dɔn-fen kun-fɔlɛ biredi mogan na Nɛbi Ilaisa ye. A nara fui-fan wo tɔnsɔn-kiri donu na fanan. Nɛbi Ilaisa ya a fɔ ala wɔli-kɛlɛ ye ko a ni wonu ma karan-dan wonu de-nyini-fan la.

2 Mansɛnu 5:15

Anubɛ ala wɔli-kɛ-dan wonu sɛgira Nɛbi Ilaisa wara. Anu ke a ma, a ko, “Ka a bi bi ma, n bara a lɔn ko alla-wo-alla sa nyɔ Isirɛlata Alla kɔma. I yandi n fa, n bara na i sanbɛ minnu na, wonu bira n bolo.”

2 Mansɛnu 5:5

Mansɛ wo ya kɛdi do don a bolo, a ko, “Ta kɛ la, i ni a don Isirɛla mansɛ bolo.” Min sɛbɛnɛ kɛdi wo rɔ, wo le ko, “Nna kɛlɛ-den-kunyɛ le kɛ la min tɔgɛ Neyaman. A sɔgɛ ye n na, i ni a dandan n ye.” Neyaman ya wodi-gbɛ bi minna gbiliyɛ anubɛ fui-fan bɔrɔ loli rakɛn de! A ya sɛnɛ bi minna gbiliyɛ anubɛ fui-fan bɔrɔ kelen rakɛn de! A ya fɛrɛya-bɔ-hakika tan fanan bi ka ta wonu na a bolo Isirɛla mansɛ wara.

2 Mansɛnu 8:8

ala mɔgɔ-ba min tɔgɛ Hasiyɛli, mansɛ ya wo lata nɛbi fanda tinɛ. A ya a fɔ ale Hasiyɛli ye ko, “I ni a fɔ ale nɛbi ye ko a ni Mari manyinika n ye ni n si beli, ka, n ti beli.”

2 Mansɛnu 8:9

Hasiyɛli ya Damasika fen-koloma-hakika-siyaman bi ka wonu kiri nyomo bi-nani kɔ tɛma. A tara fen-kolomɛ wonu ma Nɛbi Ilaisala fandɛ la. A ban a fandala, a ya a fɔ a ye ko, “Ila wɔli-kɛlɛ Siriya Mansa Bɛnhedadi, wo le ya n sɔ i wara ko n ni i manyinika ni a si beli, ka, ni a ti beli.”

Isikiyɛli 13:19

Anu bi n nafɛyala nna mɔgɛnu yala buyi bolo-nya kelen anubɛ biredi-kundunɛnuna ko la. A ma bɛn minnu ni faga, anu bi wonu fagala. A bɛnnɛ minnu ni faga, anu bi wonu tola anu niyi la. Nta mɔgɛnu si anu tole masɔ foninyɛ la. Anu bi ko-sufa kɛ sigila wonu denu ma.

Kɛlɛ-Kurugbɛnu 6:18

Nba, n makɔni yan alako n ni ta i fandɛ bi.” Mari ko, “N si i makɔni ha i ni na.”