1 Samuwɛli 9:6 - ALLALA KUMƐ

⁶ Wɔli-kɛlɛ wo ya a fɔ ko, “A makɔnɔ fɔlɔn. Nɛbi do ye yan mɔgɛnu bi min gbiliyala bawo a ya kuma-wo-kuma fɔ, wo si bɔ-a-la. Ma ta wo wara. Tumado ale si sofɛlɛ wonu tina yira ma la.”

1 Samuwɛli 9:6 Iomraidhean Croise

Ko-Dabirɛnu 24:42

“N kera yi-bi-tinɛ ma tumɛ min, n ya Alla madiya, n ko, ‘E, n Mari, n tigi Iburayimata Alla, n bi i madiyala ko i ni hɛrɛ kɛ n ye bi.’

2 Samuwɛli 15:27

Mansa Dawuda ya a fɔ Sedoki ye tun ko, “Ko-rayennɛ le ile la. Ila den Ahimahasi anubɛ Abiyatarila den Yonatan bi. I ni sɛgi anu na i bolo soe burɔ. Alamɛ Alla tora i fɛ.

1 Mansɛnu 13:1

Allata mɔgɛ do bɔra Yuda ka ta Bɛtɛli. Wo ya Mansa Yɛrabowami sɔnɛ taran saraka-mintan-tinɛ dafɛ. A ye sarakɛ mintanna.

2 Mansɛnu 5:8

Nɛbi Ilaisa ya a lamɔɛn tumɛ min ko Isirɛla mansɛ ara ala duruki rafara a kan na, a ya kilayɛ lata a ma. A ko, “I yisi kana tinya. Hali i ma ila duruki rafara nun. Mɔgɛ min tara i wara wo la, a lana n ma. N si a yira a la ko nɛbi ye Isirɛla nyamanɛ kɛ rɔ yan!”

2 Mansɛnu 6:6

Nɛbi Ilaisa ya a fɔ a ye ko, “A buira mintɔ?” Keminɛ wo ya nyɔ yira a la. Ale nɛbi ya kɔlɔma-bolɔn do tɛgɛ a la ka a lakɛ yi rɔ. Tɛgɛran-mɛlan wo yɛlɛta yi kuma.

Yaburi 25:12

Minnu bi ile Marita tɔnnu birala, a si to wonu makaranna alako anu ni ita kilɛ tagama.

Aiseya 44:26

Kɔnɔ a ko ale nyɛrɛta wɔli-kɛlɛ wa wɔlɔyiya-kumɛ fɔ wo, ata kilayɛ wa na ata ko-rabɛnnɛ lankɛnimaya wo, a ko a si a ma, wo dama ni bɔ-a-la tɛrr! A wa a fɔ ko Yerusalɛm na si fa mɔgɛnu na tun, wo si ma le. A wa a fɔ ko Yuda nyamanita-soenu si sɔ a kurɛ la tun, a kan wo si bɔ-a-la. Soe wonu bɔtoe le tonbonyɛ la.

Matiyu 24:35

San-kole anubɛ dugu-kole si tenbi kɔnɔ nna kumɛ ti tenbi mumɛ!

Tɔn-Fɔɛ-Fila-Nyɔgɛ 33:1

Allata wɔli-kɛla Musa ya duwa-laban kɛ Isirɛla mɔgɛnu ye yanni a ni faga.

1 Tɛsalonaika 2:10

Ma siginɛ wo fɛ tumɛ min, ma sɛninyanɛ, ma telennɛ, fɛɛ ma taran ma la wole dɛnkɛninya-mɔgɛnu tɛma. Wo nyɛrɛ le wo sereyɛ la anubɛ Alla.

1 Tɛsalonaika 5:13

Wo ni anu bira gbiliyɛ anubɛ keninteyɛ rɔ ka a tɛgɛ anu bi wɔlɛ min kɛla wola ko la. Wo ni to yisi-kimɛ rɔ dɛɛ!

1 Timoti 6:11

Ile Allata mɔgɛ, i ni i nyɛrɛ tanka koe wo bɛɛ ma. Telenbagayɛ wo, ka kilan Alla la wo, dɛnkɛninyɛ wo, keninteyɛ wo, munyɛ wo, dinyɛ wo, i raya kɛnu ma.

1 Samuwɛli 2:27

Nɛbi do nara Marila kilayɛ lake Ilayi ma, “I benba Aruna anubɛ ala denbayɛ ye yɔɔnyɛ rɔ Iyipiti mansɛ kɔrɔ tumɛ min, ale Mari ko a ya a nyɛrɛ yira a la nyɔ.

1 Samuwɛli 9:8

Wɔli-kɛlɛ wo ya a fɔ a ye ko, “Wodi-gbɛ-gbuni bi n bolo yan. N si wo di a ma. Tumado sofɛlɛ wonu bi kan min, ale si nyɔ yira ma la.”