1 Samuwɛli 9:26 - ALLALA KUMƐ

²⁶ Bandɛ kanɛ, Samuwɛli ya Sɔli takele bɔn kuma, a ko, “I lakɔɛnma. N ni i masara.” Sɔli ya a lasɔ. Anubɛ Samuwɛli bɔra dɛ la anu nyɔgɔn fɛ.

1 Samuwɛli 9:26 Iomraidhean Croise

Ko-Dabirɛnu 19:14

Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.

Ko-Dabirɛnu 44:4

Anu tara. Yanni anu ni yanfa, Yusufu ya a fɔ ala wɔli-kɛlɛ-kun-tigi wo ye ko, “Ta kei wonu sagaranna. I wa ke anu tɔ tumɛ min, i ni anu manyinika ko nfenna anu bara wɔli-nyimɛ yɛlɛman wɔli-yogomɛ la?

Yasowa 7:13

Ta mɔgɛ wonu sɛninya ka anu tabɛn alako anu ni anu sɔ n yakɔrɔ sina. Nde, anu benba Isirɛlata Mari Alla ko fan donu bi anu tɛma a bɛnnɛ ka minnu halaki nun. Ni anu ma wonu nabɔ gbɛ rɔ, anu ti ke anu kɛlɛ-nyɔgɛnu nɔla.

Kɛlɛ-Kurugbɛnu 19:28

A ya a fɔ a ye ko, “I lasɔ. Ma ni ta.” Kɔnɔ musi wo ma fenfen fɔ. Kei wo ya a fɛ-sigi-musi wo furi bi ka a kiri ala sofɛlɛ kɔ tɛma. Anu tara anu barɛ.

1 Samuwɛli 9:25

Anu bɔra nyɔ tumɛ min ka kɔnkɛ yigi ka ta soe burɔ Samuwɛli warɛ bɔn la, anu ya sa tinɛ rabɛn bɔn kuma. Sɔli kira sani nyɔ ha bandɛ kara.

1 Samuwɛli 9:27

A ke so laban la, Samuwɛli ya a fɔ Sɔli ye ko, “A fɔ ila wɔli-kɛlɛ ye, a ni ta ma yarɔ doni.” Wo tara. Samuwɛli ya a fɔ a ye tun ko, “Ile ni n makɔnɔ doni. Alla ara min fɔ n ye, n ni wo fɔ i ye.”