1 Samuwɛli 9:16 - ALLALA KUMƐ

¹⁶ “Kɛ-nyɔgɔn-tumɛ sina, n si kei do lana i ma min bɔnɛ Bɛnyamɛ bɔnsɔn rɔ. I ni dantɛgɛ-tuli kɛ a kunyɛ rɔ ka ale dantɛgɛ n ma. A si ma Isirɛla mɔgɛnuna mansɛ la. N bara nta mɔgɛnuta tɔrɔyɛ yen, ado anu bi dila n dala anu dɛnbɛn-koe rɔ. Ale kei wo si anu natanka Filisitinuna masibɛ ma.”

1 Samuwɛli 9:16 Iomraidhean Croise

2 Samuwɛli 3:18

Wo ara fɛrɛ-bɛrɛbɛrɛ sɔrɔn gbɛ! Mari ara min fɔ nun, wo ni wo miri wo ma. A ko a si a ma, Dawuda ni Isirɛla mɔgɛnu kumafunfan Filisitinu bolo anubɛ anu yoge damasi.”

2 Mansɛnu 20:5

“Mansa Hɛsakaya min bi nna mɔgɛnu kuma, sɛgi i kɔma wo wara. I wa ke, i ni a fɔ a ye ko nde, a benba Dawudata Mari Alla ko n bara ata matarali-kan lamɔɛn ka a ya-yi yen. A fɔ a ye ko n si a lakɛndɛya ken! Tele fila a sawa nyɔgɛ, a si ke tala n Bato-Bɔn la.

Yaburi 102:1

E, Mari, i wɔlɔ matɔlɔ nta madiyali-kan la. N tenbi dila i dala n dɛnbɛn-koe rɔ, i ni wo fanan namɔɛn.

Yaburi 106:44

Kɔnɔ hali wo, Mari ya anu di-kɛ-kan lamɔɛn. A ya a fonde lamiri anuna tɔrɔyɛ ma.

Yaburi 25:18

A ni a fonde lamiri nta yakɔrɔ-mamɔɛ ma ka n makoto n hakɛ bɛɛ la.

Hɛnkilimaya-Kumɛnu 16:9

Mɔgɔni-gbuyi si ke a mirila koe ma a burɔ kɔnɔ Mari wo ye a latɛgɛla le.

Yɛrɛmaya 32:8

Iko Mari ara a fɔ n ye nya min, Hanamɛli nara n taran yele la ko n ni ala dugi san. N ya a lɔn wo le ma ko Mari nyɛrɛ le wara kuma n ye!

1 Samuwɛli 10:1

Samuwɛli ya dantɛgɛ-tuli do bi ka a kɛ Sɔli kunyɛ rɔ ka a sunbu. A ko, “Mari ara ile le yabɔ ka ma mansɛ la Isirɛla mɔgɛnu kun na. I si mansayɛ kɛ Marita mɔgɛnu kun na ka anu matanka anu yogenu ma minnu bi anuna foolɛ rɔ. I wa bɔ n dafɛ bi, i si kemini fila taran Resɛli kanbɛ dafɛ Sɛlɛsa soe kɔma Bɛnyamɛta nyamani-dan la. Kemini filɛ wonu si a fɔ i ye ko, ‘I ye sofɛlɛ minnu nyinina nun, wonu bara yen.’ Anu si a fɔ tun ko, ‘I fa hɔnni ma sofɛlɛ wonu wara-koe la tun. A hɔnnɛ ile le wara-koe la gbɛ bawo tuma-wo-tuma, a ye a fɔla ko a ma a lɔn a si min ma ala dan wara-koe rɔ. Wo bɛɛ wa ma tumɛ min, wo le ye a yirala i la ko Mari le wara i yabɔ ka i ma mansɛ la.’

1 Samuwɛli 14:20

Tiriyante wo rɔ, Mansa Sɔli anubɛ ala kɛlɛ-dannu tara Filisitinu kan ma. Kɔndɔfili kelan kɛ ya a ma, Filisitinu donta anu nyɔgɔn kɛlɛ rɔ.

1 Samuwɛli 14:23

Anu tara kɛlɛ kɛla furr, fɔɔ Bɛti-Efɛn soe kɔma. Mari ya Isirɛla mɔgɛnu natanka wulɔn de!

1 Samuwɛli 15:1

Samuwɛli ya a fɔ Mansa Sɔli ye ko, “Mari le nyɛrɛ ya nde sɔ ka ile dantɛgɛ. Ile mara Isirɛla mɔgɛnuna mansɛ la. I tole masɔ. Mari Sɛnbɛ-Bɛɛ-Tigi si na min fɔ, i ni wo lamɔɛn.

1 Samuwɛli 16:1

Mari ya a fɔ Samuwɛli ye ko, “Ile yisi-tinyanɛ si to Sɔlila ko la ha tumɛ nyamintan? N bara n ban ala mansayɛ ma nun Isirɛla kun na. Dantɛgɛ-tuli do bi. I ni ta a la i bolo Bɛtalehɛm. I si kei do taran nyɔ min tɔgɛ Yɛsi. N bara ala dan do yabɔ ko a ni ma mansɛ la.”

1 Samuwɛli 16:3

I wa ke nyɔ tumɛ min, i ni Yɛsi kele ila saraka-bɔɛ kuma. Ile si min ma nyɔ, nde si wo fɔ i ye. N ba mɔgɛ min yira i la nyɔ, ile si wo dantɛgɛ ka a ma mansɛ la.”