1 Samuwɛli 9:12 - ALLALA KUMƐ

^12-13 Sunkurunnɛ wonu ya a fɔ ko, “Ɔn, a ye nyɔ rɔ. A sa wula la. A ye wo yarɔ. Ni wo ya wo kian bi, wo si ke a rɔ. Wo ye donna soe burɔ nya min, wo ye a yenna le! A nara soe burɔ bi le bawo mɔgɛnu bi anuna sarakɛnu bɔla le bi saraka-mintan-tinɛ kɔnkɛ kuma. Mɔgɔ-wo-mɔgɔ ti fen-dɔn-kɛ fɔ ale wa ke nyɔ bawo ale le ye sarakɛ wonu duwala. Ni wo ya wo kian bi, tumado wo si a taran, yanni a ni yɛlɛ kɔnkɛ kuma fen dɔn tinɛ.”

1 Samuwɛli 9:12 Iomraidhean Croise

Ko-Dabirɛnu 31:54

Yakoba ya sarakɛ bɔ kɔnkɛ kuma nyɔ ka a berin anubɛ a na-kelen-nyɔgɛnu kele fen dɔn tinɛ. Anu ya fen-dɔn-kɛ ka ki kɔnkɛ kuma nyɔ.

1 Ko-Kɔrɔta-Karan 16:39

Mansɛ ya Saraka-Masɔla Sedoki anubɛ a ta-nyɔgɔ-saraka-masɔlɛ donu sɔ mɔgɛnu yakɔrɔ Mari bato tinɛ fani-bɔn la Kibiyon soe burɔ.

1 Samuwɛli 10:5

“Wo kɔma, i si ta kan tinɛ do rɔ anu bi min kelela ko Allata kɔnkɛ. Wo ye Kibiya soe burɔ le, Filisitinu si anu daga makɛ kan min. Yanni i ni don soe burɔ, i si bɛn nɛbi-kurɔn donu na. Anu bi saraka-mintan-tina-kɔnkɛ wo yigila. Anu bi sɔrɔnnu anubɛ dundunnɛnu fɔla. Anu bi fulinu fɛla ka bɔlɔnnu fanan fɔ. Nɛbi wonu bi dɔn anubɛ sɔnkɔ-sɔnkɛ kun na.

1 Samuwɛli 16:2

Samuwɛli ya a fɔ Mari ye ko, “N si ta nyɔ kama? Ni Mansa Sɔli ya wo lamɔɛn, a ti n faga?” Mari ya a fɔ ko, “Ninki-dan bi. I ni a fɔ a ye ko i ye tala nyɔ ka sarakɛ bɔ nde, Mari ye.

1 Samuwɛli 2:35

Mari ko a si ata saraka-masɔlɛ yabɔ min latelennɛ a ye. Wo si to a sako kɛla iko a ye nyinina a ma nya min. A ko a si to wo bɔnsɔn siyayala. Wonu si to ata wɔli kɛla ata mansa-yabɔnɛta wati rɔ.

1 Samuwɛli 20:6

Ni i fa ya n manyinika, a fɔ a ye ko ile le ya sarati di n ma ko n ni ta n barɛ Bɛtalehɛm soe burɔ ka ta bɛn mala kebila-saraka-bɔɛ rɔ min bi kɛla san-bo-san.

1 Samuwɛli 7:17

A wa ban kɛ la, a si sɛgi a kɔma kiti-sa-tinɛ a sɔrɔn-soe burɔ Rema. A ya saraka-mintan-tinɛ sɔ Mari ye nyɔ.