1 Samuwɛli 8:7 - ALLALA KUMƐ

⁷ Mari ya a fɔ ale Samuwɛli ye ko, “Mɔgɛnu bara min fɔ i ye, i ni i tole masɔ wo la. Anu sa anu banna ilela kun-tigiyɛ ma. Anu bi anu banna nde letɛ ma.

1 Samuwɛli 8:7 Iomraidhean Croise

Bɔ-Koe-Iyipiti 16:8

Musa ya a fɔ ko, “Wo si a lɔn ko Mari le ale la min si mɛya-fan di wo ma wura-wo-wura ka dɔn-fan di wo ma sɔgɔma-wo-sɔgɔma wo si minnu dɔn ka wasa. A ye wo mala bawo a ye wo gbunya-kan lamɔɛnna. Wo ye gbunya-kumɛ min fɔla male ma, wo sa a fɔla male ma, fɔ Mari.”

Aiseya 66:4

Woletɔ a ko fɔ a wa anu tɔrɔ serr! Anu bi kilanna min na wɛ kɛ, a si anu tɔrɔ wo la. A ya anu takele kɔnɔ mɔgɔ-wo-mɔgɔ ma a denkun. A kumara anu ye kɔnɔ mɔgɔ-wo-mɔgɔ ma a tole masɔ a la. Ale ara a fɔ koe minnu ma ko anu yogo, anu denu bi tola wonu mala. Koe minnu ma di Mari ye, anu denu tora wonu denu mala.

Yɛrɛmaya 34:14

san-wɔrɔnfila wo san-wɔrɔnfila, Hiburu mɔgɛ min bara san wɔrɔ bɔ yɔɔnyɛ rɔ, anu ni wo boloka. Kɔnɔ a ko wo benbanu ma anu tole masɔ wo la.

Isikiyɛli 2:3

A ye a fɔla ko, “Ile hadama-dan, n bi i sɔla Isirɛla mɔgɛnu bara. Anu bara murutiya ka anu kan-kɔ sɔ n na, ado ha bi, anu bi murutiyɛ wo le kun na iko anu benbanu.

Isikiyɛli 3:7

Ni Isirɛla mɔgɛnu ma anu tole masɔ i la, i kana tɛrɛna wo la bawo anu ma anu tole masɔ nde fɔlɔn na. Anu dama tole gbɛlɛ, ado anu sa n gbiliyala.

Yilan-Yilan Koe 22:20

Wo suyi nyɛrɛ rɔ, Alla nara a fɔ Belam ye ko, “Ni mɔgɛ kɛnu nara a fɔ i ye ko i ni ta, ta kɔnɔ alako tun, a ma iko n ya a fɔ i ye nya min.”

Matiyu 10:40

“Mɔgɔ-wo-mɔgɔ min ba wole, nta karan-dannu tabira, wo ara nde rabira. Nba, ni min ya nde rabira, a ara ale fanan tabira min ya n sɔ.

Luka 10:16

Yisa ya a fɔ ala karan-dannu ye ko, “Min ba a tole masɔ wole la, wo tigi ara a tole masɔ nde la. Min ba a ban wole la, wo tigi ara a ban nde la. Min ba a ban nde la, wo ara a ban n sɔlɛ la.”

Luka 19:14

Kɔnɔ a ma di ala nyamanita-mɔgɛnu ye min kɛ, anu ya kilayɛnu nata a gbere la ka a fɔ ko, ‘Ma sa a fɛ, kei kɛ ni ma mala mɔgɔ-ba la tun.’

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

Yɔni 13:16

N bi tonyɛ fɔla wo ye, yɔɔn ma tenbi a tigi la. Kilayɛ ma tenbi a sɔlɛ la.

Kɛlɛ-Kurugbɛnu 8:23

Kɔnɔ Kidiyɔn ya a fɔ anu ye ko, “Maleta bɔn ti ma mansaya-bɔn la wo kuma. Fɔ Mari, wo le dɔrɔn si ma wota mansɛ la.”

1 Samuwɛli 10:19

A ko ale le wota Alla la min bi wo bɔla wola kɔndɔfilinu tɔ. Kɔnɔ a ko kaka, wo ara don mansa-kura-nyinɛ rɔ ka wo ban ale la. A ko ale le wo la. A ara sɔn wo bolo. Kɔnɔ a ko wo ni wo ladɛn wola bɔnsɔn anubɛ wola kebilɛ ma ale Mari yakɔrɔ.”

1 Samuwɛli 12:1

Samuwɛli ya a fɔ Isirɛla mɔgɛnu ye ko, “N bara wola kuman-kan latɔnbagaya. Wo ya n manyinika mansɛ min bara-koe ma, n bara wo nyini wo ye.

1 Samuwɛli 12:12

“Kɔnɔ wo ya Amon Mansa Nehasi yen nala wo kɛlɛla min kɛ, wo ya wo ban wota Marita mansayɛ ma. Wo ya a fɔ n ye ko, ‘Ma ye nyinina mata mansɛ ma min si to ma kun na.’ ”

1 Samuwɛli 8:22

Mari ya a fɔ a ye ko, “A ma iko a di anu ye nya min. I ni mansɛ sigi anu ye.” Wo kɔma, Samuwɛli ya a fɔ mɔgɔ-ba wonu ye ko, “Mɔgɛ bɛɛ ni ta a warɛ fɔlɔn.”

1 Samuwɛli 8:8

Kebi n bi bɔla anu na Iyipiti, anu ya anu kan-kɔ sɔ n na ka bɛsɛnu kɔ. Anu tora a mala n na nya min, a sɔgɛ ye anu na, anu ni wo le sufa ma ile fanan na.