1 Samuwɛli 8:11 - ALLALA KUMƐ

¹¹ A ya a fɔ anu ye ko, “Wo ye mansɛ min sɔrɔnna, a ye wo birala ka le. A si wola den-keinu bi ka anu ma kɛlɛ-dannu na. Donu si kɛlɛ kɛ kirindi la. A si a ma, donu fanan si kɛlɛ kɛ soee la. Donu fanan si anu buri ala kirindinu yarɔ ka ta kɛlɛ-kɛ-tinɛ.

1 Samuwɛli 8:11 Iomraidhean Croise

2 Samuwɛli 15:1

Wati-tenbinɛ, Abasalɔm ya kirindi kelen bi anubɛ a sagan-soeenu. A ya kemini-mɔgɔ bi-loli fanan bi minnu si sɔ a yarɔ.

1 Mansɛnu 1:5

Wo ya a taran, Mansa Dawudala den Abasalɔm bara faga. A tagbara-sɛ Hagiti-Adonaya siginɛ a gbɛ rɔ. Adonaya, wo mafɛlɛn di kɔnɔ a fa ma a kolo hali lun-kelen-bɛrɛn. Mansaya-sɔgɛ ya Adonaya bira kosɛbɛ! A ya soee-laburi-kirindinu sɔrɔn a nyɛrɛ ye anubɛ kemini mɔgɔ bi-loli minnu si sɔ a yarɔ.

1 Mansɛnu 10:26

Mansa Silamɛni ya kirindi min sɔrɔn, waga kelen, kɛmɛ nani (1,400). A ya kɛlɛ-kɛ-soee min nadɛn a nyɛrɛ ye, waga tan-ni-fila (12,000). A ya donu namara Yerusalɛm soe burɔ. A ya donu namara soe donu tɔ.

1 Mansɛnu 12:10

Keminɛ wonu ya a labila, anu ko, “I ye a fɔla anu ye ka le ko ile bolo-nɔlɔnɛ kolo i fa lenkan ko.

1 Mansɛnu 12:4

“I fa Mansa Silamɛni ya ma bira boloko-yogomɛ-kɛ ka a lagbɛlɛya ma kuma. Ni ile ya do bɔ dunɛ la ma ye ka ma kun-nadiya, i ya ko-wo-ko fɔ ma ye, ma si wo ma.”

1 Mansɛnu 14:27

A ya silɛɛnu nadan kɛlɛ-dan matanka-fannu na ka wonu ma sɛnɛ kɛlɛ-den matanka-fan wonu nyɔgɛ la. A ya wonu don a makandannɛnu bolo minnu sɔnɛ bolɔn wo dɛ la.

1 Mansɛnu 18:46

Marita Sɛnbɛ yigira Nɛbi Ilaya kuma. A ya ala duruku-ba-wɛ mayɛlɛ ka a bu takiri wo la. A tara a burila Mansa Ehabula kirindi yarɔ ha anu kera Yɛsɛreli soe burɔ.

1 Samuwɛli 10:25

A bɛnta, mansɛ ni min ma anu na, Samuwɛli ya wonu takaran anu ye. Anu ya wonu sɛbɛ buku do rɔ. Samuwɛli ya buku wo bi ka a sa kan-tina-sɛnimɛ do rɔ. A ya mɔgɛnu masara ka anu nata anu barɛnu tɔ.

1 Samuwɛli 14:52

Mansa Sɔli siyi-tele-bɛɛ kɔrɔ Filisitinu taranta kɛlɛ-makawanɛ le kɛla tolon! Ni Mansa Sɔli ya mɔgɔ-wo-mɔgɔ taran min kolo gbɛlɛ, ado a kerinte, a si wo ma ala kɛlɛ-dan la.

1 Samuwɛli 22:7

Mansɛ ya a fɔ ala mɔgɔ-banu ye ko, “Wole Bɛnyamɛ bɔnsɔn-mɔgɛnu! Wole lara a la ko Dawuda si wɔli-kɛ-tinɛnu di wo ma iko nde duruta a mala nya min? Wole lara a la ko ale si wo ma kɛlɛ-den-kun-tigi la ala keminɛnu tɛma?

1 Samuwɛli 8:9

Woletɔ ile ni i yɛ bɛn anu ma kɔnɔ i ni anu kawandi i sɛbɛ la. I ni a rakaran anu ye a kila-bɛrɛbɛrɛ-wɛ fɛ ni anu ya mansɛ sɔrɔn, wo ye a mala anu na nya min.”