1 Samuwɛli 7:9 - ALLALA KUMƐ

⁹ Samuwɛli ya saga-dan faga ka a mumɛ ma saraka-mintantɛ la Mari ye. Wo kɔma, a ya Isirɛlata Mari Alla madiya anu dɛnbɛn-koe la, ado Mari ya ala madiyali-kan wo yabi.

1 Samuwɛli 7:9 Iomraidhean Croise

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 99:6

Musa anubɛ Aruna taranta saraka-masɔ-wɔlɛ kɛla Mari ye. Samuwɛli fanan si Mari madiya nun. Anu ya anu kan nabɔ Mari ma, ado a ya a labira.

Yɛrɛmaya 15:1

Wo kɔma, Mari ya a fɔ nde, Yɛrɛmaya ye ko hali Nɛbi Musa anubɛ Samuwɛli ya madiyali-kɛ wole, Yuda mɔgɛnu ye, a ko a ti kinikini wo ma. A ko wole ni wo masɛgi a la fasi! Wo ni wo mata pon!

Tɔn-Fɔɛ-Fila-Nyɔgɛ 9:26

N ya a fɔ ko, ‘E, Mari, Sɛnbɛ-Bɛɛ-Tigi, n bi i matarala. I yandi, i kana ita mɔgɛ kɛnu faga. I ya anu nabɔ yɔɔnyɛ rɔ Iyipiti nyamanɛ rɔ ita fanka-makawanɛ le la.

Yemesi 5:16

Nba, wo ni wo sɔ wo hakɛnu na wo nyɔgɔn ye ka Alla matara wo nyɔgɔn ye. Wo le ya a to, wo si kɛndɛya. Sɛnbɛ-ba ye mɔgɔ-telennɛta Alla-matarɛ rɔ.

Kɛlɛ-Kurugbɛnu 6:26

I ni saraka-mintan-tina-hakikɛ ladan saraka-mintan-tina-kɔrɛ wo kuma nde, Mari Alla ye ka i fala turɛ wo mintan nyɔ kuma. I ni Asura kɔlɔma kundi-kundi wonu bi ka wonu ma sarakɛ wo mintan fan la.”

Kɛlɛ-Kurugbɛnu 6:28

Mɔgɛnu ya anu nasɔ min kɛ sɔgɔma subaga, anu ya anuna bɛsi-kɔ-tinɛ tinyanɛ yen. Anu ya tura-mintan-gbɛ taran saraka-mintan-tinɛ wo kuma.

1 Samuwɛli 10:8

I si ta n yarɔ Kiligali soe burɔ. N ni i taran nyɔ. Ma si sarakɛnu mintan ka yisi-kima-sarakɛnu bɔ nyɔ ma nyɔgɔn fɛ. I ni n makɔnɔ nyɔ tele wɔrɔnfila kɔrɔ ha n ni na. N ba ke nyɔ tumɛ min, ile si min ma, nde si wo fɔ i ye.”

1 Samuwɛli 12:17

Telemɛ le kɛ la kaka. Kɔnɔ hali wo, n si Mari madiya. Wo si bandɛ anubɛ san-gbalamɛ yen wo nyɛrɛ yɛ la kaka. Wo wa ma tumɛ min, wo ni a lɔn worɔ yati, ko wo ara hakɛ-belebele kɛ Mari la bawo wo ara a manyinika mansaya-koe la.”

1 Samuwɛli 16:2

Samuwɛli ya a fɔ Mari ye ko, “N si ta nyɔ kama? Ni Mansa Sɔli ya wo lamɔɛn, a ti n faga?” Mari ya a fɔ ko, “Ninki-dan bi. I ni a fɔ a ye ko i ye tala nyɔ ka sarakɛ bɔ nde, Mari ye.

1 Samuwɛli 2:35

Mari ko a si ata saraka-masɔlɛ yabɔ min latelennɛ a ye. Wo si to a sako kɛla iko a ye nyinina a ma nya min. A ko a si to wo bɔnsɔn siyayala. Wonu si to ata wɔli kɛla ata mansa-yabɔnɛta wati rɔ.

1 Samuwɛli 7:17

A wa ban kɛ la, a si sɛgi a kɔma kiti-sa-tinɛ a sɔrɔn-soe burɔ Rema. A ya saraka-mintan-tinɛ sɔ Mari ye nyɔ.

1 Samuwɛli 9:12

Sunkurunnɛ wonu ya a fɔ ko, “Ɔn, a ye nyɔ rɔ. A sa wula la. A ye wo yarɔ. Ni wo ya wo kian bi, wo si ke a rɔ. Wo ye donna soe burɔ nya min, wo ye a yenna le! A nara soe burɔ bi le bawo mɔgɛnu bi anuna sarakɛnu bɔla le bi saraka-mintan-tinɛ kɔnkɛ kuma. Mɔgɔ-wo-mɔgɔ ti fen-dɔn-kɛ fɔ ale wa ke nyɔ bawo ale le ye sarakɛ wonu duwala. Ni wo ya wo kian bi, tumado wo si a taran, yanni a ni yɛlɛ kɔnkɛ kuma fen dɔn tinɛ.”