1 Samuwɛli 7:4 - ALLALA KUMƐ

⁴ Wo le ya a ma, Isirɛla mɔgɛnu ya anuna bɛsɛnu nakɛ a rɔ hali anuna bɛsɛ minnu tɔgɛ Beyali anubɛ Asitɔra. Anu tora Mari kelen pe le batola gbɛ!

1 Samuwɛli 7:4 Iomraidhean Croise

1 Mansɛnu 11:33

Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 11:5

A donta Saidon kɛnuna bɛsi Asitɔra kɔ-koe rɔ min nadannɛ musila muninyɛ rɔ. A kɛnɛna Amonnuna bɛsɛ fanan kɔla min tɔgɛ Molɛki. Wo wara-koe sɔgɔ labɔnɛ Alla la lass!

1 Mansɛnu 8:48

ni anu ya i matara ka anu ya-lamunun Bɔn kɛ la min sɔnɛ Yerusalɛm soe burɔ Isirɛla nyamanɛ kɛ rɔ, ile Mari min bi san-kole rɔ, i ni anuna matarali-kan wo lamɔɛn ka kinikini anu ma. Ile Mari ara soe kɛ yabɔ ka nyamanɛ kɛ di ma benbanu ma.

2 Mansɛnu 23:15

Nebatila den Mansa Yɛrabowami min ya Isirɛla mɔgɛnu nadon hakɛ rɔ, wo ya bɛsi-kɔ-tinɛ min nadan Bɛtɛli, Mansa Yosaya ya wo fanan tinya. Kuri minnu nadannɛ saraka-mintan-tinɛ la, a ya wonu tatiitii ka anu munku iko gbangban ka Asurala muninyɛ mintan.

Hoseya 14:3

Wo kɔma, wo ni a fɔ ko, “Asiriyanu ti ke ma lakisila. Mala kɛlɛ-kɛ-soeenu ti ke ma lakisila. Ma ti a fɔ tun ko bɛsɛ le mata Alla la.” Wo ni a fɔ ko, “E, Mari, i ni ma dɛnbɛ bawo ma mani de iko kelennɛ minnu bi dɛnbɛnɛ sɔrɔnna ile le bolo.”

Hoseya 14:8

Wole Isirɛla mɔgɛnu ti wo bolo bila bɛsɛ ko rɔ tun. N si wola madiyalɛnu yabi ka wo fɛ-bira a kila-bɛrɛbɛrɛ fɛ. Wo kuma-tuwalɛ le nde la iko kɔlɔma min nɔrɔnnɛ yabu-yabu bawo wola duwa-kunyɛ mumɛ bɛɛ le nde la.”

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 2:13

Anu ya Mari-bato-koe boloka ka bila bɛsɛ donu fɛ. Bɛsɛ wonu tɔgɛ le Beyali anubɛ Asitɔra.

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”

1 Samuwɛli 7:5

Wo kɔma, Samuwɛli ya Isirɛla mɔgɛ bɛɛsi kele alako anu ni na a taran Misipa soe burɔ. A ya kilayɛ lata ko a si madiyali kɛ anu ye nyɔ.