1 Samuwɛli 7:3 - ALLALA KUMƐ

³ Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”

1 Samuwɛli 7:3 Iomraidhean Croise

Ko-Dabirɛnu 35:2

Yakoba ya a fɔ ala denbayɛnu anubɛ ala wɔli-kɛlɛnu ye ko, “Wo ye bɛsɛ minnu kɔla, wo ni wonu nakɛ a rɔ. Wo ni wo ku ka wo sɛninya. Wo ni wo mayɛlɛma kura-kunɛnu na alako ka a yira ko wo ara wo kan-kɔ sɔ wola bɛsɛnu na.

1 Mansɛnu 11:33

Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 8:48

ni anu ya i matara ka anu ya-lamunun Bɔn kɛ la min sɔnɛ Yerusalɛm soe burɔ Isirɛla nyamanɛ kɛ rɔ, ile Mari min bi san-kole rɔ, i ni anuna matarali-kan wo lamɔɛn ka kinikini anu ma. Ile Mari ara soe kɛ yabɔ ka nyamanɛ kɛ di ma benbanu ma.

2 Mansɛnu 17:39

Wo ni nta kumɛnu to anu gbɛ rɔ bawo wota Mari Alla le nde la. Ni wo ya wo ma, n si wo latanka wo yogenu ma.”

2 Mansɛnu 23:15

Nebatila den Mansa Yɛrabowami min ya Isirɛla mɔgɛnu nadon hakɛ rɔ, wo ya bɛsi-kɔ-tinɛ min nadan Bɛtɛli, Mansa Yosaya ya wo fanan tinya. Kuri minnu nadannɛ saraka-mintan-tinɛ la, a ya wonu tatiitii ka anu munku iko gbangban ka Asurala muninyɛ mintan.

1 Ko-Kɔrɔta-Karan 22:19

Wo ni wota Mari Allata wɔlɛ kɛ wo yisi bɛɛ la. Wo ni Bato-Bon-sɔɛ dabira. Wo wa wo laban tumɛ min, wo si Marita tɔn-kenkirɛ anubɛ fen-sɛnima-toenu nadon a burɔ wo ye a batola minnu na.”

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 19:3

Kɔnɔ hali wo, ko-nyimɛ donu bi i bolo ma bawo mɔgɛnu bi Asura bɛsɛ minnu kɔla nun, i wara wonu tinya. I wara i karan ka Mari sako kɛ.”

2 Ko-Kɔrɔta-Karan 20:33

Kɔnɔ hali wo, a ma Alla-lɔnbɛlɛnuna bɛsi-kɔ-tinɛ bɛɛ tinya, ado ala nyamanita-mɔgɛnu ma anu benbanuta Alla bato anu yisi bɛɛ la.

2 Ko-Kɔrɔta-Karan 30:19

“E, ma benbanuta Mari Alla, ila mɔgɛ minnu sɛninyani ma kɔnɔ anu bi i batola anu yisi bɛɛ la, ka a tɛgɛ ita ko-nyimɛ ma, i yandi, anu makoto.”

Hɛnkilimaya-Kumɛnu 16:1

Mɔgɔ si kuma kɔnɔ Mari, wo ye a mala le.

Aiseya 55:7

Karagbɛlɛ bɛɛ ni a kɛ-nya boloka ka anu miriyanu yɛlɛma. Anu ni anu ya-lamunun mata Mari Alla la, a si kinikini anu ma ka anu makoto feu!

Yɛrɛmaya 24:7

A ko a si a ma, ale Mari-lɔn-sɔgɛ ni anu bira. Anu si ma ata mɔgɛnu na. Ale fanan si ma anuta Alla la. A ko ni i ya a yen, a ye wo mala bawo anu ba sɛgi anuna nyamanɛ rɔ tumɛ min, anu si sɛgi ale ma anu yisi bɛɛ la.

Yɛrɛmaya 36:3

A ko tumado, a ara kasarɛ min tabɛn Yuda kɛnu kan ma, ni anu suira wo ma ka anu bɔ anu sɔn-yogomɛ da-kun tɔ, a si anu makoto anu sɔn-yogomɛ anubɛ anu hakɛ la.

Yɛrɛmaya 4:1

Mari ko ni sɛgi-sɔgɛ ye wole, Isirɛla mɔgɛnu na a ma, nba, wo sɛgi a ma. Kɔnɔ a ko wo ni wola bɛsɛnu nakɛ a rɔ bawo anu gbo a ye. Wo kana ta wo kun fɛ.

Isikiyɛli 14:6

“Woletɔ nde, wo Tigi Mari ye min fɔla i ye, i ni wo latenbi Isirɛla mɔgɛ wonu ma. Anu ni anu nyɛrɛ yiliki ka anu kan-kɔ sɔ anuna kisimiriya-bɛsɛnu na ka sɛgi n ma.

Isikiyɛli 18:31

Anu bi karagbɛlɛyɛ min bɛɛ kun na, anu ni anu bole bɔ wo bɛɛ rɔ. Anu ni sɔndɔma-kurɛ anubɛ miriya-kurɛ lana anu burɔ. Nfenna saya-sɔgɛ ye Isirɛla mɔgɛnu na?

Hoseya 14:1

Wole Isirɛla mɔgɛnu, wo ni wo sɛgi wota Mari Alla ma bawo wo hakɛ ara wo tonko-tankan ka wo labui.

Matiyu 15:8

Alla ko, ‘Mɔgɛ kɛnu bi a fɔla anu da rɔ ko n di anu ye kɔnɔ n bara-koe sa anu yisi-kunyɛ la!

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Matiyu 6:24

“Mɔgɔ ti ke wɔli-kɛla tigi fila ye wati kelan rɔ. Ni a ya wo ma, kelen si diya a ye, kelen si gboya a ye. A si kelan gbiliya ka kelan lafɛya. Wole fanan bi wo nya le. Wo ti Alla anubɛ nɔnfuli nyini nya-kun-kelen.

Luka 4:8

Yisa ya a yabi ko, “A sɛbɛnɛ Allata kitabu rɔ ko, ‘I ni ita Mari Alla kelen pe le bato ka ale kelen peta wɔlɛ kɛ!’ ”

Yɔni 4:24

Alla, niyi le. Minnu bi a batola, anu ni a bato a kila-bɛrɛbɛrɛ fɛ ala Ni-Sɛnimɛta dɛnbɛnɛ fɛ iko a ye nyinina a ma nya min.”

Tɔn-Fɔɛ-Fila-Nyɔgɛ 10:20

Wo ni wota Mari Alla gbiliya ka ale kelen pe bato. Wo ni ma lanaya-mɔgɛ la ale Alla ye ka wola lanyirinu kiri ale kelen pe tɔgɛ rɔ.

Tɔn-Fɔɛ-Fila-Nyɔgɛ 13:4

Wo si bila wota Mari Alla fɛ ka a gbiliya bɛrɛkɛ ka ata kumɛnu anubɛ ata tɔnnu bira. Wo ni ale bato ka ma lanaya-mɔgɛnu na ale ye.

Tɔn-Fɔɛ-Fila-Nyɔgɛ 4:29

Wo wati rɔ, ni wo tora wo yɛ lakalanna wota Mari Alla ma ka a nyini wo yisi bɛɛ la, wo si a yen yati!

Tɔn-Fɔɛ-Fila-Nyɔgɛ 6:13

Wo ni wola Mari Alla gbiliya ka ale kelen pe bato. Wo kana lanyiri kiri fenfen ye fɔ ale Alla kelen pe tɔgɛ rɔ.

Yasowa 13:31

Musa ya Kaliyadi nyamanɛ talɛ di Manasala den Makiri ma, Asitɔra anubɛ Ɛdiriya soenu bi kan tinɛ min tɔ, kɔni.

Yasowa 24:14

Woletɔ Yasowa ya a fɔ Isirɛla mɔgɛnu ye ko, “Wo ni mata Mari gbiliya ka a bato wo yisi bɛɛ la ka wo telen a ye wati bɛɛ. Wo benbanu ya bɛsi-fuyi minnu kɔ Yufereti bɛ kɔma anubɛ Iyipiti nyamanɛ rɔ, wo ni wonu nakɛ a rɔ. Wo ni mata Mari kelen pe le bato.

Yasowa 24:23

Yasowa ya a fɔ anu ye tun ko, “Awa kaka, wo ni wola bɛsɛnu nakɛ a rɔ ka Isirɛlata Mari Alla bato wo yisi bɛɛsi la.”

Kɛlɛ-Kurugbɛnu 10:16

Tiriyante wo rɔ, Isirɛla mɔgɛnu bara don bɛsɛ minnu kɔ-koe rɔ nun, anu bara wonu tinya. Anu donta Mari kelen pe batoe rɔ tun. Mari ara a fonde layigi anuna tɔrɔyɛla ko la.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 2:13

Anu ya Mari-bato-koe boloka ka bila bɛsɛ donu fɛ. Bɛsɛ wonu tɔgɛ le Beyali anubɛ Asitɔra.

1 Samuwɛli 31:10

Anu ya ala kɛlɛ-miran wonu sa anuna bɛsi Asitɔra kɔ tinɛ. Anu ya anubɛ ala furi gbangban dandan ma Bɛti-San soe burɔ.