1 Samuwɛli 7:2 - ALLALA KUMƐ

² Marita tɔn-kenkirɛ ya san mogan de bɔ Kiriyati-Yirɔm soe burɔ. San kɛ mumɛ bɛɛ kɔrɔ, Isirɛla mɔgɛnu bi dila Mari dala anu dɛnbɛn-koe rɔ.

1 Samuwɛli 7:2 Iomraidhean Croise

1 Ko-Kɔrɔta-Karan 13:3

Anu ba ke yan tumɛ min, ma damasi si wuli ka ta Allata tɔn-kenkirɛ bi. Mansa Sɔli ye a kɛndɛ la wati min, mala ko sa kenkirɛ wo wara-ko rɔ nun.”

1 Ko-Kɔrɔta-Karan 13:5

Ka a bi dugula-warala-dan ma Iyipiti dafɛ ha ka ta a sigi Hamati kɔnkɔ-gbɛran la kantɔ-wara la, Mansa Dawuda ya wo mɔgɔ damasi ladɛn alako anu ni ta tɔn-kenkirɛ bi Yirɔm soe burɔ ka ta a la Yerusalɛm.

Yɛrɛmaya 26:20

(Kei do ye nyɔ nun min tɔgɛ Yuraya, Sɛmayala dan, kɔni. Wo bɔra Kiriyati-Yirɔm soe burɔ. Ale Yuraya fanan ya kuma-sufa kɛ le fɔ, ado wo fanan kumara Mari tɔgɛ rɔ Yerusalɛm anubɛ Yuda kan ma iko Yɛrɛmaya kɛ.

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 31:9

A ko wole, ala mɔgɛnu si sɛgi dila nyagalen bolo. Wo namato, a si wo niyi radiya. Wo ye bɔla kilɛ min fɛ, wo kan na ti gbala nyɔ. Wo ye bɔla kilɛ min fɛ, wo ti wo kian natugu nyɔ. Mari mani de wole, Isirɛla mɔgɛnu ye iko wo fa. Ala sarɛ le wole, Ifɛrɛm mɔgɛnu na.

Matiyu 5:4

Mɔgɔ-sewanɛ le wo mɔgɛ la min bi dila a yisi rɔ bawo Alla si a yisi-kimɛ!

Yasowa 9:17

anu wulita tele wo rɔ ka ta mɔgɛ wonuna soenu tɔ. Soe wonu tɔgɛ le kɛnu na, Kibiyon, Kɛfira, Birɔti, anubɛ Kiriyati-Yirɔm.

Kɛlɛ-Kurugbɛnu 2:4

Melika ban kɛ fɔla, Isirɛla mɔgɛ bɛɛsi donta diyi-kɛ rɔ.

1 Samuwɛli 7:1

Woletɔ Kiriyati-Yirɔm mɔgɛnu ya Marita tɔn-kenkirɛ wo bi ka ta a la anu barɛ. Anu ya kenkirɛ wo bi ka ta a sigi kei dola bɔn la min tɔgɛ Abinadabu. Ala bɔn wo sɔnɛ kɔnkɛ le kuma. Anu ya Abinadabu wola den Ɛliyasa dantɛgɛ Mari ma. Wo tora tɔn-kenkirɛ wo makandanna.

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”