1 Samuwɛli 7:12 - ALLALA KUMƐ

¹² Samuwɛli ya kuru-gbui do bi ka wo sigi Misipa anubɛ Sɛn soenu tɛma. A ya a fɔ ko, “Ha kaka, Mari ye ma dɛnbɛna.” A ya kuri wo tɔgɔ sa “Dɛnbɛn Kuri.”

1 Samuwɛli 7:12 Iomraidhean Croise

Ko-Dabirɛnu 22:14

Iburayima ya kan-tinɛ wo tɔgɔ sa “Mɔgɔ Mako-Nyinya-Tinɛ Mari Bolo,” ado ha bi, mɔgɛnu bi a fɔla kɔnkɛ wo ma ko, “Mari si mɔgɛ makoe nyinya ata kɔnkɛ kɛ le kuma.”

Ko-Dabirɛnu 35:14

Alla kumara a ye kan min, Yakoba ya kuri do fanan latelen nyɔ. A ya tuli anubɛ nɔnbɔ-gbɔ-yi labɔn a ma alako ka a dantɛgɛ Alla ma.

Yaburi 71:17

I ya n nabila kebi n dennɛ, ado ha bi, n bi ila kabana-koe rakaranna.

Yaburi 71:6

N ya n to ile le ma n siyi-tele-bɛɛ kɔrɔ. I ya n natanka kebi n sɔrɔnta lunyɛ min. Tumɛ bɛɛ, fɔ ka i tanto.

Bɔ-Koe-Iyipiti 17:15

Musa ya saraka-mintan-tinɛ sɔ ka a tɔgɔ sa “Nna kisi-koe falafalɛ le Mari la.”

Aiseya 19:19

Wo wati wa na, Marita saraka-mintan-tinɛ do si taran Iyipiti nyamanɛ tɛma. Anu si kuru-lɛsɛnɛ dantɛgɛ Mari ma. Wo si taran anuna nyamani-dan la.

Kɛwɔlɛnu 26:22

Kɔnɔ ha bi, Alla ye n dɛnbɛna. Woletɔ n sɔnɛ yan ka sereyɛ bɔ mɔgɛ bɛɛ ye, a nɔnfulu-tigi wo, a bolo-kolon wo, a filɛ bɛɛ. Nɛbi Musa anubɛ nɛbi doinu ya wɔlɔyiya-kumɛ minnu fɔ, n bi wonu denu fɔla anu ye.

2 Kɔrɛnti 1:10

A ya ma kisi saya-masiba-wa-su wo ma, ado a si to ma kisila. Wo ye ma dɛnbɛna wola madiyalɛnu tɔ tumɛ min, ma ara ban ma yigi sala a kuma ko a si ma kisi tun. Mɔgɔ siyaman bi anu kan nabɔla Alla ma ka baraka bira a ye mala ko la, ado Alla si wonu yabi ka duwɛ layigi ma kuma.

Yasowa 4:9

Kuri minnu bɔra Yorodan ba-gbalanɛ tɛma saraka-masɔlɛnu sɔra kan min nun, Yasowa ya wonu sigi anu nyɔgɔn kuma. (Ha kaka, kuri wonu bi nyɔ.)

1 Samuwɛli 14:35

Mansa Sɔli ya saraka-mintan-tinɛ sɔ Mari ye nyɔ. Saraka mintan tinɛ sɔ fɔlɔtɛ le wo la Mansa Sɔli bolo.

1 Samuwɛli 4:1

Wo wati rɔ, Filisitinu ya anu kundɛn Isirɛla mɔgɛnu kan ma. Isirɛla mɔgɛnu fanan ya anu nawuli ka ta anu kɛlɛ tinɛ. Anu tara anu daga makɛ kan tinɛ do rɔ anu ya min kele ko Dɛnbɛn Kuriya. Filisitinu fanan tara anu daga makɛ soe do dafɛ min tɔgɛ Afɛki.

1 Samuwɛli 5:1

Filisitinu ya tɔn-kenkirɛ wo bi Isirɛla mɔgɛnu bolo Dɛnbɛn Kuriya dagɛ rɔ tumɛ min, anu tara a la anu barɛ Asadadi soe burɔ.

1 Samuwɛli 7:11

Isirɛla mɔgɛnu birita-biritɛ bɔra Filisitinu gbenna Misipa ka ta anu fagala ha Bɛti-Kari soe dafɛ.