1 Samuwɛli 6:9 - ALLALA KUMƐ

⁹ Wo ni wo yɛ bɛn anu ma. Ni anu ya anu kun telen Bɛti-Simɛsi soe wara la, wo ni a lɔn worɔ ko Isirɛla mɔgɛnuta Alla, wo le ya kirayɛ kɛ sigi ma ma. Kɔnɔ ni anu ma anu kun telen nyɔ la, ma ni a lɔn worɔ ko ale ma kirayɛ kɛ sigi ma ma. Kirayɛ le dɔrɔn nara ma ma.”

1 Samuwɛli 6:9 Iomraidhean Croise

2 Samuwɛli 1:6

Ale keminɛ ko, “N bi Kilabowa kɔnkɛ kuma tumɛ min, n ya Mansa Sɔli yen, ala tanbɛ sɔnɛ a kɔrɔ, a lɛngbɛnnɛ a rɔ, ado wo ya a taran fanan, a yoge minnu siginɛ kirindinu tɔ anubɛ a so-laburilɛnu, wonu bara gbɛrɛn a ma.

1 Mansɛnu 4:9

Bɛn-Dika ye so-kun nani kun na, Mekasi wo, Salabin wo, Bɛti-Simɛsi wo, Ilɔn wo, anubɛ Bɛti-Hanan.

2 Ko-Kɔrɔta-Karan 25:21

Nba, Isirɛla Mansa Yɛhowasi anubɛ Yuda Mansa Hamasa kɛlɛta. Anu bɛnta Bɛti-Simɛsi soe burɔ Yuda nyamanɛ rɔ.

Bɔ-Koe-Iyipiti 8:15

Kɔnɔ ale mansɛ ya a yen nkɛkuna, tɔrɔyɛ ara bɔ a kuma, a ya a yisi gbɛlɛya tun gbon! Mari kuman-kan bɔra-a-la iko a ya a fɔ nya min. A ma sɔn anuna kumɛ birala. (3) Muruntu-mɛrɛntɛnu Bara-Koe

Makawandili Kumɛnu 9:11

N ya ko-gbɛrɛkɛ yen nna ko-lakɔrɔsiyi rɔ tun duninya kɛ rɔ. Buri-kɛla-wɛ ti to nɔ-ko sɔrɔnna tuma-wo-tuma. Kerinte ti to nɔ-ko sɔrɔnna kɛlɛ rɔ tuma-wo-tuma. Hɛnkilimɛ fanan ti ma-a-la, hali ka to a beli-fan sɔrɔnna tolon! Min bɛnta kun-tigiyɛ la, wo ti sɔ-tina-nyima sɔrɔn tuma-wo-tuma. Bɛɛ ti a harayɛgɛ sɔrɔn nya-kun-kelen.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Luka 10:31

A ma mɛ, saraka-masɔlɛ do bɔra kilɛ wo fɛ. A ya kei wo yen tumɛ min, a tenbira kilɛ tɔnkɔn doi rɔ.

Yasowa 15:10

A miniminita Kiriyati-Yirɔm tele-yigi-fan ma Sira kɔnkɛ wara la. A tara Yiyarim kɔnkɛ kantɔ, anu bi min kelela ko Kɛsalɔn ka yigi Bɛti-Simɛsi ha ka tenbi Timina soe la.

1 Samuwɛli 6:10

Filisitinu ya a ma iko anuna kofo-dan anubɛ anuna bɛsi-kɔlɛnu ya a fɔ anu ye nya min. Anu ya kirindi kiri ninki-yuwan filɛ wo la ka anuna dannu gben anu fɛ ka anu nadon kan-tina-gbɛrɛ.

1 Samuwɛli 6:12

Anu ya ninki-yuwan wonu nawuli tumɛ min, wonu dimatoe tara Bɛti-Simɛsi kilɛ la gbonkan! Filisitinuna mansa loli wonu bilara ninki wonu fɛ ha Bɛti-Simɛsi dan la.

1 Samuwɛli 6:3

Wonu ya a fɔ anu ye ko, “Ni wo ye Isirɛla mɔgɛnuta Allata tɔn-kenkirɛ lasɛgila anu ma, wo kana a lata wo nya na, ni wo ma fenfen sa a kuma min si ma wola yiliki-sarakɛ la. Ni wo ya wo ma, wo si kɛndɛya. Wo si a lɔn worɔ min bi a tola wo ye tola tɔrɔyala Alla bolo.”