1 Samuwɛli 6:3 - ALLALA KUMƐ

³ Wonu ya a fɔ anu ye ko, “Ni wo ye Isirɛla mɔgɛnuta Allata tɔn-kenkirɛ lasɛgila anu ma, wo kana a lata wo nya na, ni wo ma fenfen sa a kuma min si ma wola yiliki-sarakɛ la. Ni wo ya wo ma, wo si kɛndɛya. Wo si a lɔn worɔ min bi a tola wo ye tola tɔrɔyala Alla bolo.”

1 Samuwɛli 6:3 Iomraidhean Croise

Yobu 10:2

E, Alla, i yandi, i kana n kunyɛ don gbaran rɔ. Ni n bi kiti-sufa min tɔ, wo yira n na.

Bɔ-Koe-Iyipiti 23:15

“Wo ni Biredi-Yɛlɛbɛlɛ-Dɔn-Ladɛn kɛ. Wo ni to biredi-yɛlɛbɛlɛ dɔnna tele wɔrɔnfila kɔrɔ wo wati-latɛgɛnɛ rɔ Abibu karɛ la iko n ya a fɔ wo ye nya min. Wo si ladɛn wo kɛ karɛ wo ma kamasɔrɔn wo bɔra Iyipiti nyamanɛ rɔ karɛ wo le la. “Wo ni Dɔn-Fen-Kun-Fɔlɛ-Ladɛn fanan kɛ, sɛnita-fen fɔlɔtɛ tɛgɛ-wati. Wo wa ban wola ki-fannu kerila wati min, wo ni Lele-Sɔɛ-Ladɛn kɛ. “Mɔgɔ-wo-mɔgɔ bolo lakolɔn kana na ladɛn kɛnu kuma.

Bɔ-Koe-Iyipiti 34:20

Ni sofɛlɛ le, wo ni anuna den fɔlɔtɛnu kunka saga-dannu na. Ni wo ma sofɛli-dan wonu kunka, wo ni anu kan keri. “Mɔgɔ-wo-mɔgɔ bolo lakolɔn kana ta nta ladɛn wonu kuma.

Bɔ-Koe-Iyipiti 8:15

Kɔnɔ ale mansɛ ya a yen nkɛkuna, tɔrɔyɛ ara bɔ a kuma, a ya a yisi gbɛlɛya tun gbon! Mari kuman-kan bɔra-a-la iko a ya a fɔ nya min. A ma sɔn anuna kumɛ birala. (3) Muruntu-mɛrɛntɛnu Bara-Koe

Saraka-Masɔlɛnuta Tɔnnu 6:6

A si na saga-yigi la a bolo saraka-masɔlɛ wara, fɛɛ sa min na ka wo ma a nyɛrɛ yiliki-sarakɛ la. Anu si kolo-fan wo mɔlɔn tɛgɛ iko Marita Fani-Bɔnna wodi ye nya min.

Tɔn-Fɔɛ-Fila-Nyɔgɛ 16:16

“Isirɛla kei mumɛ bɛɛ si na Marita kan-tina-yabɔnɛ wo rɔ kinyama sawa san kɔrɔ. A dabira fɔlɔtɛ wo le Kanan-Ko-Ladiyɛ la, wo wa ban, Dɔn-Fen-Kun-Fɔlɛ-Ladɛn, wo wa tenbi, Lele-Sɔɛ-Ladɛn. Kei-wo-kei kana ta sɔ Mari yakɔrɔ nyɔ a bolo lakolɔn

1 Samuwɛli 5:11

Wonu ya Filisitinuna so-kun lolɛ wonu mansɛnu kele tun ka anu kundɛn. Anu ya a fɔ mansɛ wonu ye ko, “Wo ni Isirɛla mɔgɛnuna tɔn-kenkirɛ lasɛgi anu ma alako a kana na mabɛ mala denbayɛnu nato.” Ɛkirɔn soe mɔgɛ bɛɛsi kumakɔra bawo Alla ye anu tɔrɔla belebele-wɛ-kɛ.

1 Samuwɛli 5:7

Anu ya kala sɔrɔn kirayɛ wo ma tumɛ min, anu ya a fɔ ko, “Isirɛlata Alla, a ye male tɔrɔla anubɛ mala bɛsi Degɔn. Male ti sɔn tɔn-kenkirɛ to-koe ma yan tɔ tun.”

1 Samuwɛli 5:9

Tɔn-kenkirɛla ke nyɔ, Mari ya kiraya-su wo sigi nyɔ-mɔgɛnu ma fanan ha anu kumakɔra kirayɛ wo bolo. Kirayɛ wo sigira so-burɔ-mɔgɔ damasi ma.

1 Samuwɛli 6:8

Wo ni Marila tɔn-kenkirɛ wo bi ka a sigi kirindi wo rɔ. Wo ya sɛnɛ minnu ma wo yiliki-sarakɛ la, wo ni wonu bi ka anu sa kenkira-gbɛrɛkɛ rɔ. Wo ni kenkirɛ wo sigi tɔn-kenkirɛ wo dafɛ kirindi rɔ. Wo ni ninki-yuwan wonu nawuli. Anu ni ta anu kun fɛ.

1 Samuwɛli 6:9

Wo ni wo yɛ bɛn anu ma. Ni anu ya anu kun telen Bɛti-Simɛsi soe wara la, wo ni a lɔn worɔ ko Isirɛla mɔgɛnuta Alla, wo le ya kirayɛ kɛ sigi ma ma. Kɔnɔ ni anu ma anu kun telen nyɔ la, ma ni a lɔn worɔ ko ale ma kirayɛ kɛ sigi ma ma. Kirayɛ le dɔrɔn nara ma ma.”