1 Samuwɛli 6:17 - ALLALA KUMƐ

¹⁷ Filisiti minnu ya fan-tonto-kirayɛ wo tamasere ladan sɛnɛ la nun ka wonu ma anu yiliki-sarakɛ la Isirɛlata Mari ye anuna so kelen-kelan bɛɛla ko la. Soe wonu tɔgɛ le kɛnu na, Asadadi wo, Kesa wo, Asikalɔn wo, Kati wo, anubɛ Ɛkirɔn.

1 Samuwɛli 6:17 Iomraidhean Croise

2 Samuwɛli 1:20

Ma kana wo fɔ Filisitinu ye minnu siginɛ Kati anubɛ Asikalɔn soenu tɔ. Ma kana sɔn, anuna musinu ni nyagalen. Ma kana sɔn, kemininyabɛlɛ wonuna dunmusinu ni sewa.

2 Samuwɛli 21:22

Mɔgɔ nanɛ minnu faganɛ kɛ la, mɔgɔ-sɛnbɛlama-wɛ minnu bi Kati soe burɔ, wonu kegeyɛ le kɛnu na. Dawuda anubɛ ala kɛlɛ-dannu denu ya wonu faga.

2 Mansɛnu 1:2

Wonu bi murutiyɛ wo kun na tumɛ min, Mansa Ehasaya bɔra porokɔlɔla san-bɔn la Samariya soe burɔ ka bui dugi ma. A ya a tanban boloko-yogomɛ-kɛ. A ya kilayɛnu nata bolo tafɛlɛn tinɛ Filisitinuna bɛsɛ do ma min tɔgɛ Beyali-Sibubu min bi Ɛkirɔn soe burɔ. A ya wo ma alako a ni a lɔn ni a si kisi, ni a ti kisi.

2 Ko-Kɔrɔta-Karan 26:6

Ale Mansa Yusaya tara Filisitinu kɛlɛ ka anuna so-sawa-tarɛnu keri, Kati wo, Yabini wo, anubɛ Asadadi. Wo kɔma fanan, a ya so-siyaman sɔ ka tarɛ mini wonu ma Asadadi so-kɔrɛ dafɛ anubɛ Filisiti nyamanɛ kan tinɛ donu tɔ.

Yɛrɛmaya 25:20

sundannu wo, Yusi nyamanita mansɛnu wo, Filisiti so-tigi minnu bi Asikalɔn wo, Kesa wo, anubɛ Ɛkirɔn soenu, anubɛ Asadadi soe toe min tonɛ wo,

Saraka-Masɔlɛnuta Tɔnnu 5:7

“Ni hakɛ-tigi ti ke sagɛ sɔrɔnna, ni wo ma, baa, a si na kangbo fila la a bolo. Ni kangbo sa a bolo, a si purulen fila bi. Kelan a hakɛ-sarakɛ, kelan saraka-mintantɛ.

Emɔsi 1:6

“Mari ko wole Kesa kɛnu, wo ara hakɛ dan-natenbi, ado a si wo tɔrɔ, yɔ! Wo ara ta so-kun-siyaman mɔgɛnu bira boloko-yogomɛ-kɛ ka anu mayira Idɔm nyamanita-mɔgɛnu ma min kɛ, woletɔ Mari ko

Emɔsi 6:2

Wo ye a fɔla wola mɔgɛnu ye ko anu ni ta Kalanɛ so-tinyanɛ mafɛlɛn, wo kɔma, anu ni ta Hamati so-karantan tinya-nya mafɛlɛn. Anu ni ta Kati so-wɛ mafɛlɛn min bi Filisitinu bolo. Wo ya anu manyinika ko, ‘Soe minnu bi Isirɛla anubɛ Yuda nyamanɛnu tɔ yan, wonu ma fisa sibolo-gbɛrɛ kɛnuna soenu ko, wa? Wola nyamani filɛ kɛnu ma kolo sibolo-gbɛrɛ kɛnuna nyamanɛnu ko, wa?’

Tɔn-Fɔɛ-Fila-Nyɔgɛ 28:27

Mari si sumunu-kirayɛ sigi wo ma iko a ya a ma Iyipiti mɔgɛnu na nya min nun. Tɛlɛ anubɛ tɛli-wonke si taran wo fɛrɛ ma belenna da-wo-da. Nyɛkɛ si wuya wo fɛrɛ ma belenna iko koronya-munke. Kɛnu bɛsi mumɛ ti taran mɔgɔ bolo.

Kɛlɛ-Kurugbɛnu 1:18

Anu ya so sawa bira-a-la ka a mɔgɛnu nɔ, Kesa wo, Asikilɔn wo, Ɛkirɔn wo anubɛ anu dafɛ-so-mɛsɛnɛnu.

Kɛlɛ-Kurugbɛnu 14:19

Wo kɔma, Marita sɛnbɛ yigira Samsin kuma ka fanka di a ma. A tara Asikalɔn soe burɔ. A ya fonike mɔgɔ bi-sawa faga nyɔ. A ya wonuna kurɛnu bɔ anu ma ka anu gbu-makolɔn sani to. A tara wonuna kurɛ wonu di fonike mɔgɔ bi-sawɛ wonu ma minnu ya ala tili wo kɔrɛ fɔ. A yisi bɔnɛ tara a fa wara bɔn la.

Kɛlɛ-Kurugbɛnu 16:1

Lunyɛ do, Samsin tara Filisitinuna soe do rɔ min tɔgɛ Kesa. A ya musu-yɛlan do taran nyɔ. A ya a sa wo fɛ.

Kɛlɛ-Kurugbɛnu 16:21

Filisitinu ya a bira ka a ya-filɛ tii. Anu ya a bi ka ta a la Kesa soe burɔ. Anu ya a kiri yɔlɔkɛ la minnu nadannɛ silɛɛ la. Anu ya ale Samsin ma dɛgɛ-bundennɛ la anu ye yele la.

1 Samuwɛli 5:1

Filisitinu ya tɔn-kenkirɛ wo bi Isirɛla mɔgɛnu bolo Dɛnbɛn Kuriya dagɛ rɔ tumɛ min, anu tara a la anu barɛ Asadadi soe burɔ.

1 Samuwɛli 5:10

Wonu fanan ya tɔn-kenkirɛ wo bi nyɔ ka ta a to Filisitinuna soe burɔ Ɛkirɔn. Kenkirɛla ke nyɔ, nyɔ-mɔgɛnu ya sɔnkɛ dabira, anu ko, “Anu bara na Isirɛlata Allata tɔn-kenkirɛ kɛ la yan alako ka ma dama faga.”

1 Samuwɛli 5:8

Anu ya kilayɛnu nata Filisitinuna so-kun lolɛ mansɛnu ma ka wonu kele. Mansɛ wonu nara tumɛ min, Filisitinu ya wonu manyinika, anu ko, “Ma si nfen ma Isirɛlata Allata tɔn-kenkirɛ kɛ la?” Mansɛ wonu ko, “Wo ni a bi yan ka ta a la Kati soe burɔ.” Woletɔ anu tara a la Filisitinuna soe do burɔ min tɔgɛ Kati.

1 Samuwɛli 6:4

Filisiti mɔgɛnu ya anu manyinika ko, “Ma si Isirɛla mɔgɛnuta Alla kɔ fan nyamintan sufa lata?” Bolo-tafɛlɛnnɛ anubɛ saraka-masɔlɛnu ya a fɔ anu ye ko, “Wo ni fan-tonto-kirayɛ wo tamasere loli ladan sɛnɛ la anubɛ tula lolila muninyɛ sɛnɛ la bawo wonu denu bi wola nyamanɛ kasarala. Kɛ kelen-kelennamɛ-bɛɛ si ta so-kun lolɛ kɛ mansa loli gbɛ rɔ. Wo ye wo mala bawo kiraya kelan kɛ ara wobɛ wola mansɛnu tɔrɔ. Wo ni Isirɛla mɔgɛnuta Alla gbiliya. Tumado a si a fara wobɛ wola bɛsɛnu anubɛ wola nyamanɛ tɔrɔla.