1 Samuwɛli 6:16 - ALLALA KUMƐ

¹⁶ Filisitinuna mansa lolɛ wonu ya anu yɛ bɛn kɛnu ma gbɛ ha wonu banta kɛnu mala. Wo kɔma, anu denu fanan ya anu sɛgi Ɛkirɔn soe burɔ wulɔn tele kelan.

1 Samuwɛli 6:16 Iomraidhean Croise

Kɛlɛ-Kurugbɛnu 16:5

Filisitinuna mansɛnu nara musi wo wara. Anu ya a fɔ a ye ko, “Samsin si a fanka sɔrɔn nya min, i ni fɛrɛ nyini a bolo ha a ni a fɔ i ye. Ni i ya wo ma, ma kelen-kelennamɛ-bɛɛ si wodi-gbɛ-gbu waga kelen kɛmɛ kelen (1,100) di i ma. I ni fɛrɛ nyini ma ye, ma si a bira nya min ka a kiri.”

Kɛlɛ-Kurugbɛnu 3:3

Sibolo-gbɛrɛ minnu tora anu tɛma nyamanɛ wo rɔ, wonu denu denu bi kɛnu na, Filisitinuna so-kun lolɛ wo, Kenan kɛnu wo, Saidon so-burɔ-mɔgɛnu wo, anubɛ Hefa minnu siginɛ Lɛbanan kɔnkɔ-nyamanɛ wara la ka a dabira Beyali-Hɛrɔman kɔnkɛ ma ha ka ta a sigi Hamati kɔnkɔ-gbɛran la.

1 Samuwɛli 5:10

Wonu fanan ya tɔn-kenkirɛ wo bi nyɔ ka ta a to Filisitinuna soe burɔ Ɛkirɔn. Kenkirɛla ke nyɔ, nyɔ-mɔgɛnu ya sɔnkɛ dabira, anu ko, “Anu bara na Isirɛlata Allata tɔn-kenkirɛ kɛ la yan alako ka ma dama faga.”

1 Samuwɛli 6:12

Anu ya ninki-yuwan wonu nawuli tumɛ min, wonu dimatoe tara Bɛti-Simɛsi kilɛ la gbonkan! Filisitinuna mansa loli wonu bilara ninki wonu fɛ ha Bɛti-Simɛsi dan la.

1 Samuwɛli 6:4

Filisiti mɔgɛnu ya anu manyinika ko, “Ma si Isirɛla mɔgɛnuta Alla kɔ fan nyamintan sufa lata?” Bolo-tafɛlɛnnɛ anubɛ saraka-masɔlɛnu ya a fɔ anu ye ko, “Wo ni fan-tonto-kirayɛ wo tamasere loli ladan sɛnɛ la anubɛ tula lolila muninyɛ sɛnɛ la bawo wonu denu bi wola nyamanɛ kasarala. Kɛ kelen-kelennamɛ-bɛɛ si ta so-kun lolɛ kɛ mansa loli gbɛ rɔ. Wo ye wo mala bawo kiraya kelan kɛ ara wobɛ wola mansɛnu tɔrɔ. Wo ni Isirɛla mɔgɛnuta Alla gbiliya. Tumado a si a fara wobɛ wola bɛsɛnu anubɛ wola nyamanɛ tɔrɔla.