1 Samuwɛli 5:8 - ALLALA KUMƐ

⁸ Anu ya kilayɛnu nata Filisitinuna so-kun lolɛ mansɛnu ma ka wonu kele. Mansɛ wonu nara tumɛ min, Filisitinu ya wonu manyinika, anu ko, “Ma si nfen ma Isirɛlata Allata tɔn-kenkirɛ kɛ la?” Mansɛ wonu ko, “Wo ni a bi yan ka ta a la Kati soe burɔ.” Woletɔ anu tara a la Filisitinuna soe do burɔ min tɔgɛ Kati.

1 Samuwɛli 5:8 Iomraidhean Croise

1 Ko-Kɔrɔta-Karan 7:21

Tahati ya Sebadi sɔrɔn. Sebadi ya Sutɛla sɔrɔn. Ifɛrɛmla den-kei Sutɛla bɔnɛ a la, ale Ifɛrɛm ya den-kei mɔgɔ fila sɔrɔn tun, Ɛsɛri anubɛ Ɛlada. Kɔnɔ wo tumɛ Ɛsɛri anubɛ Ɛlada ara ta Kati kɛnuna kolo-fen kankan tinɛ, anu fagara nyɔ rɔ.

Emɔsi 6:2

Wo ye a fɔla wola mɔgɛnu ye ko anu ni ta Kalanɛ so-tinyanɛ mafɛlɛn, wo kɔma, anu ni ta Hamati so-karantan tinya-nya mafɛlɛn. Anu ni ta Kati so-wɛ mafɛlɛn min bi Filisitinu bolo. Wo ya anu manyinika ko, ‘Soe minnu bi Isirɛla anubɛ Yuda nyamanɛnu tɔ yan, wonu ma fisa sibolo-gbɛrɛ kɛnuna soenu ko, wa? Wola nyamani filɛ kɛnu ma kolo sibolo-gbɛrɛ kɛnuna nyamanɛnu ko, wa?’

Sakaraya 12:3

Kɔnɔ wo wati wa ke, a ko a si Yerusalɛm ma iko kuru-gbilimɛ. Sibolo-wo-sibolo ya a nyɛrɛ ma kuru wo kɔrɔbilɛ la, a ko wo si dumɛ sɔrɔn. Woletɔ sibole bɛɛ si anu kundɛn Isirɛla kan ma.

Yasowa 15:11

Dan wo le tara ha ka ke kɔnkɛ ma min bi Ɛkirɔn soe kantɔ ka ta Sikirɔn soe wara la ka tenbi Beyalila kɔnkɛ la ka ta ke ha Yabaniyɛli soe ma. A danta kɔgɔ-yi la

1 Samuwɛli 17:4

Filisitinuna kɛlɛ-kurugbɛ min bɔra Kati soe burɔ, a tɔgɛ Kolati. Wo nara Isirɛla mɔgɛnu kan ma. A sɔra anu yakɔrɔ ka a kɔgɛ raka anu telen tɔ. Ala yanyɛ, nunkan-nya wɔrɔ.

1 Samuwɛli 17:52

Isirɛla mɔgɛnu anubɛ Yuda bɔnsɔn-mɔgɛnu gbele-gbelenta. Anu tara anu gbenna ha Kati soe burɔ ha Ɛkirɔn soe tarɛ-don-dɛ la. Filisitinu furi-bolokanɛ ye tala Seyareyim kilɛ wo fɛ ha ka ta ke Kati anubɛ Ɛkirɔn soenu tɔ.

1 Samuwɛli 29:6

Mansa Akisi ya Dawuda kele. A ya a fɔ a ye ko, “N bara n keli Isirɛla mɔgɛnuta Alla-nimɛ rɔ ko mɔgɔ-latelennɛ le ile la nde ye. Ka bila n fɛ kɛlɛ rɔ, n si sewa wo la nun, ado kebi i nara n barɛ, n ma fɛɛ-wo-fɛɛ yen i la. Kɔnɔ n ta-nyɔgɔ-mansɛnu, wonu ma sɔn i bila-koe rɔ ma fɛ.

1 Samuwɛli 5:11

Wonu ya Filisitinuna so-kun lolɛ wonu mansɛnu kele tun ka anu kundɛn. Anu ya a fɔ mansɛ wonu ye ko, “Wo ni Isirɛla mɔgɛnuna tɔn-kenkirɛ lasɛgi anu ma alako a kana na mabɛ mala denbayɛnu nato.” Ɛkirɔn soe mɔgɛ bɛɛsi kumakɔra bawo Alla ye anu tɔrɔla belebele-wɛ-kɛ.

1 Samuwɛli 5:7

Anu ya kala sɔrɔn kirayɛ wo ma tumɛ min, anu ya a fɔ ko, “Isirɛlata Alla, a ye male tɔrɔla anubɛ mala bɛsi Degɔn. Male ti sɔn tɔn-kenkirɛ to-koe ma yan tɔ tun.”

1 Samuwɛli 6:2

anu ya anuna bɛsi Degɔnta saraka-masɔlɛnu anubɛ anuna bolo-tafɛlɛnnɛnu kele. Wonu nanɛ, anu ya a fɔ wonu ye ko, “Ma si nfen ma Marila tɔn-kenkirɛ kɛ la? Ni ma ye a lasɛgila a tiginu ma, ma si nfen sa a kuma?”