1 Samuwɛli 5:7 - ALLALA KUMƐ

⁷ Anu ya kala sɔrɔn kirayɛ wo ma tumɛ min, anu ya a fɔ ko, “Isirɛlata Alla, a ye male tɔrɔla anubɛ mala bɛsi Degɔn. Male ti sɔn tɔn-kenkirɛ to-koe ma yan tɔ tun.”

1 Samuwɛli 5:7 Iomraidhean Croise

2 Samuwɛli 6:9

Wo ya a ma, Mansa Dawuda kilanta Mari la. A ya a fɔ ko, “Nde si ta tɔn-kenkirɛ kɛ la n barɛ kama kɛ rɔ?”

1 Ko-Kɔrɔta-Karan 15:13

Ni i ya a yen, mata Mari Alla diminyara ma ma a fɔlɔtɛ kɛ nun bawo ma ma a bato a kilɛ fɛ, ado wole ma tɔn-kenkirɛ duni.”

Bɔ-Koe-Iyipiti 10:7

Mansɛla mɔgɔ-banu ya a fɔ ale mansɛ ye ko, “Kei kɛ si a fara gbɛrɛ lasigila ma ye tumɛ mintan? A fisa, i ni mɔgɛ kɛnu boloka alako anu ni ta anuta Mari Alla bato tinɛ. Ile ma a lɔn fɔlɔn ko Iyipiti nyamanɛ ara ban tinyana?”

Bɔ-Koe-Iyipiti 12:33

Iyipiti keinu gbaranta Isirɛla mɔgɛnu na alako anu ni bɔ Iyipiti nyamanɛ rɔ tiriya bawo anu ko, “Ni kɛnu ma bɔ yan, ma bɛɛ si faga.”

Bɔ-Koe-Iyipiti 8:28

Mansɛ ko, “N si wo boloka alako wo ni sarakɛ bɔ wota Mari Alla ye wulɛ rɔ kɔnɔ wo kana ta wula-yan la. Nba, wo ni madiyali kɛ n ye.”

Bɔ-Koe-Iyipiti 8:8

Mansɛ ya Musa anubɛ Aruna kele. A ko, “Wo ni wota Mari madiya ko a ni turukɔɔkɔ kɛnu bɔ ma tɛma. N si ata mɔgɛnu boloka worɔ ko anu ni ta sarakɛnu bɔ wola Mari ye.”

Bɔ-Koe-Iyipiti 9:28

Wo ni Mari madiya kamasɔrɔn san-sɛran anubɛ banda-kole kɛ ara a lamoya ma kuma. N si wo boloka. Wo ti to yan tɔ tun.”

Yɛrɛmaya 46:25

Mari Sɛnbɛ-Bɛɛ-Tigi Isirɛlata Alla ko a sa mɛla tun, a ye tɔrɔyɛ lanala Tibisi kɛnuta bɛsɛ ma min tɔgɛ Amuna. A si Iyipiti kɛnuna mansɛnu anubɛ ala mɔgɛnu anubɛ anuta bɛsɛnu tɔrɔ anu nyɔgɔn fɛ. A ko a si Iyipiti mansɛ wurun anubɛ min bɛɛsi lanɛ ale mansɛ la.

Yɛrɛmaya 48:7

Mohabu kɛnu yili-latɛgɛnɛ anu sɛnbɛ anubɛ anuna nɔnfuli ma, anu si ta biralɛ rɔ. Anuna bɛsi Kimɔsi fanan si ta biralɛ rɔ. Anu yogenu si ta bɛsɛ wonubɛ a kɔlɛnu anubɛ ala mɔgɔ-banu na.

1 Samuwɛli 4:8

Yon si ke male lakisila anuta Alla-makawanɛ kɛnu bolo gbɛ? Alla kɛnu denu ya tɔrɔya-fitinɛnu sigi Iyipiti kɛnu ma ka anu faga wulɛ rɔ.

1 Samuwɛli 5:6

Mari ya Asadadi kɛnu tɔrɔ dɔgɔma-ma-de ha anu kilanta. A ya fan-tonto-kirayɛ sigi Asadadi soe mɔgɛnu ma anubɛ a dafɛ-sonɛnuta mɔgɛnu ma.

1 Samuwɛli 5:8

Anu ya kilayɛnu nata Filisitinuna so-kun lolɛ mansɛnu ma ka wonu kele. Mansɛ wonu nara tumɛ min, Filisitinu ya wonu manyinika, anu ko, “Ma si nfen ma Isirɛlata Allata tɔn-kenkirɛ kɛ la?” Mansɛ wonu ko, “Wo ni a bi yan ka ta a la Kati soe burɔ.” Woletɔ anu tara a la Filisitinuna soe do burɔ min tɔgɛ Kati.

1 Samuwɛli 6:20

A kei-toe minnu tora Bɛti-Simɛsi soe burɔ, wonu ya a fɔ ko, “Yon si ke a sɔla Mari Alla-sɛnimɛ kɛ yakɔrɔ? Ma si tɔn-kenkirɛ kɛ lata mintɔ alako a ni bɔ ma dafɛ?”