1 Samuwɛli 5:10 - ALLALA KUMƐ

¹⁰ Wonu fanan ya tɔn-kenkirɛ wo bi nyɔ ka ta a to Filisitinuna soe burɔ Ɛkirɔn. Kenkirɛla ke nyɔ, nyɔ-mɔgɛnu ya sɔnkɛ dabira, anu ko, “Anu bara na Isirɛlata Allata tɔn-kenkirɛ kɛ la yan alako ka ma dama faga.”

1 Samuwɛli 5:10 Iomraidhean Croise

2 Samuwɛli 7:9

A tara kan-bo-kan, n bi a fɛ, ado a tara kan-tinɛ min bɛɛsi rɔ, n ya a yogenu nɔ a yarɔ. N si a ma, ala mansayɛ mankan ma ni yɛlɛ duninya rɔ iko tɔgɔlama-wɛ minnu bi duninya rɔ.

2 Mansɛnu 1:2

Wonu bi murutiyɛ wo kun na tumɛ min, Mansa Ehasaya bɔra porokɔlɔla san-bɔn la Samariya soe burɔ ka bui dugi ma. A ya a tanban boloko-yogomɛ-kɛ. A ya kilayɛnu nata bolo tafɛlɛn tinɛ Filisitinuna bɛsɛ do ma min tɔgɛ Beyali-Sibubu min bi Ɛkirɔn soe burɔ. A ya wo ma alako a ni a lɔn ni a si kisi, ni a ti kisi.

1 Ko-Kɔrɔta-Karan 7:21

Tahati ya Sebadi sɔrɔn. Sebadi ya Sutɛla sɔrɔn. Ifɛrɛmla den-kei Sutɛla bɔnɛ a la, ale Ifɛrɛm ya den-kei mɔgɔ fila sɔrɔn tun, Ɛsɛri anubɛ Ɛlada. Kɔnɔ wo tumɛ Ɛsɛri anubɛ Ɛlada ara ta Kati kɛnuna kolo-fen kankan tinɛ, anu fagara nyɔ rɔ.

Emɔsi 1:8

A ko a si Filisitinu anubɛ anuna kun-tiginu halaki anuna so-karantannu tɔ, Asadadi anubɛ Asikalɔn, kɔni. A ko a si Ɛkirɔn-soe-mɔgɛnu tɔrɔ ka Filisitinu nato dogbe!” Taya Kɛnu

Emɔsi 6:2

Wo ye a fɔla wola mɔgɛnu ye ko anu ni ta Kalanɛ so-tinyanɛ mafɛlɛn, wo kɔma, anu ni ta Hamati so-karantan tinya-nya mafɛlɛn. Anu ni ta Kati so-wɛ mafɛlɛn min bi Filisitinu bolo. Wo ya anu manyinika ko, ‘Soe minnu bi Isirɛla anubɛ Yuda nyamanɛnu tɔ yan, wonu ma fisa sibolo-gbɛrɛ kɛnuna soenu ko, wa? Wola nyamani filɛ kɛnu ma kolo sibolo-gbɛrɛ kɛnuna nyamanɛnu ko, wa?’

Yasowa 15:11

Dan wo le tara ha ka ke kɔnkɛ ma min bi Ɛkirɔn soe kantɔ ka ta Sikirɔn soe wara la ka tenbi Beyalila kɔnkɛ la ka ta ke ha Yabaniyɛli soe ma. A danta kɔgɔ-yi la

Yasowa 15:45

Ɛkirɔn fanan dira Yuda bɔnsɔn-mɔgɛnu ma anubɛ a dafɛ-so-nɛnu,

Kɛlɛ-Kurugbɛnu 1:18

Anu ya so sawa bira-a-la ka a mɔgɛnu nɔ, Kesa wo, Asikilɔn wo, Ɛkirɔn wo anubɛ anu dafɛ-so-mɛsɛnɛnu.

1 Samuwɛli 17:52

Isirɛla mɔgɛnu anubɛ Yuda bɔnsɔn-mɔgɛnu gbele-gbelenta. Anu tara anu gbenna ha Kati soe burɔ ha Ɛkirɔn soe tarɛ-don-dɛ la. Filisitinu furi-bolokanɛ ye tala Seyareyim kilɛ wo fɛ ha ka ta ke Kati anubɛ Ɛkirɔn soenu tɔ.

1 Samuwɛli 5:11

Wonu ya Filisitinuna so-kun lolɛ wonu mansɛnu kele tun ka anu kundɛn. Anu ya a fɔ mansɛ wonu ye ko, “Wo ni Isirɛla mɔgɛnuna tɔn-kenkirɛ lasɛgi anu ma alako a kana na mabɛ mala denbayɛnu nato.” Ɛkirɔn soe mɔgɛ bɛɛsi kumakɔra bawo Alla ye anu tɔrɔla belebele-wɛ-kɛ.

1 Samuwɛli 5:9

Tɔn-kenkirɛla ke nyɔ, Mari ya kiraya-su wo sigi nyɔ-mɔgɛnu ma fanan ha anu kumakɔra kirayɛ wo bolo. Kirayɛ wo sigira so-burɔ-mɔgɔ damasi ma.

1 Samuwɛli 6:1

Marila tɔn-kenkirɛ ya karɛ wɔrɔnfila bɔ Filisitinu bolo tumɛ min,