1 Samuwɛli 4:8 - ALLALA KUMƐ

⁸ Yon si ke male lakisila anuta Alla-makawanɛ kɛnu bolo gbɛ? Alla kɛnu denu ya tɔrɔya-fitinɛnu sigi Iyipiti kɛnu ma ka anu faga wulɛ rɔ.

1 Samuwɛli 4:8 Iomraidhean Croise

Bɔ-Koe-Iyipiti 15:14

Mɔgɛnu ba kɛ lamɔɛn tumɛ min, anu si yɛrɛyɛrɛn kilan bolo. Filisitinu kun ma si kɔ.

Bɔ-Koe-Iyipiti 7:5

N ba ban n bole farala Iyipiti kɛnu na tumɛ min ka nna mɔgɛnu nabɔ anu tɛma, Iyipiti kɛnu si a lɔn ko nde le Mari la.”

Bɔ-Koe-Iyipiti 9:14

N si tɔrɔya-fitinɛ lana mansɛ nyɛrɛ anubɛ ala mɔgɔ-banu anubɛ ala nyamanita-mɔgɛnu kuma. Anu ni a lɔn ko nde, Alla nyɔgɔn sa duninya kɛ rɔ.

Lankɛnimayɛ 11:6

Sarati ye anu bolo ka san-kole dɛ latugun. Woletɔ anu bi Allata kumɛ fɔla wati minnu tɔ, bandɛ ti na mumɛ! Sarati ye anu bolo tenkenu kuma ka anu yɛlɛma yele la. A wa diya anu ye tuma-wo-tuma, sarati ye anu bolo fanan ka dugu-kole tɔrɔ fitina-su bɛɛ la.

1 Samuwɛli 4:7

anu kilanta dɔgɔma-ma-de! Anu ko, “Alla do ara na anuna dagɛ rɔ serr! Ma kunyɛ ara to-a-rɔ. Ko sufa kɛ ma ma wɛ ma warɛ mumɛ!

1 Samuwɛli 4:9

Kɔnɔ hali wo, male Filisitinu, ma ni ma kerinteya wona. Ma ni anu kɛlɛ iko kei si kɛlɛ kɛ nya min. Ni ma ma wo ma, male si ma yɔɔnnu na Hiburu kɛnu kɔrɔ iko anu denu fanan bi yɔɔnyɛ la ma kɔrɔ nya min nun. Woletɔ ma ni ma sɛbɛ don wona ka kɛlɛ kɛ iko kei si kɛlɛ kɛ nya min.”

1 Samuwɛli 5:7

Anu ya kala sɔrɔn kirayɛ wo ma tumɛ min, anu ya a fɔ ko, “Isirɛlata Alla, a ye male tɔrɔla anubɛ mala bɛsi Degɔn. Male ti sɔn tɔn-kenkirɛ to-koe ma yan tɔ tun.”