1 Samuwɛli 4:4 - ALLALA KUMƐ

⁴ Woletɔ anu ya mɔgɛnu nata Mari Sɛnbɛ-Bɛɛ-Tigita tɔn-kenkirɛ wo bi-tinɛ Sailo soe bawo Mari mayiginɛ melika-muninya filɛ wonu tɛma tɔn-kenkirɛ wo kuma. Ilayila den-kemini filɛ, Hɔfini anubɛ Finihasi bilara tɔn-kenkirɛ wo fɛ.

1 Samuwɛli 4:4 Iomraidhean Croise

2 Samuwɛli 15:24

Saraka-masɔlɛ min tɔgɛ Sedoki, wonubɛ Lifayi bɔnsɔn-mɔgɛnu ya tɔn-kenkirɛ bi. Anu ya tɔn-kenkirɛ sigi dugi ma ha Mansa Dawuda anubɛ ala mɔgɛ damasi bɔra soe burɔ. Saraka-Masɔla Abiyatari fanan bi nyɔ.

2 Samuwɛli 6:2

Mansa Dawuda tara wonu na tɔn-kenkirɛ bi-tinɛ Yirɔm soe burɔ Yuda nyamanɛ rɔ, ado Mari Alla Sɛnbɛ-Bɛɛ-Tigi mayigi-tinɛ le melikala muninya filɛ wonu tɛmɛ la minnu bi tɔn-kenkirɛ wo kuma. Mari tɔgɛ le kenkirɛ wo kuma.

2 Mansɛnu 19:15

A donta matarali-kɛ rɔ, a ko, “E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Yaburi 99:1

Mari le mansɛ la. A bɛnta mɔgɛnu ni yɛrɛyɛrɛn a kɔrɔ. A mayiginɛ ala mansaya-waganɛ rɔ melika-muninya filɛ tɛma. A bɛnta duninya ni yɛrɛyɛrɛn a kɔrɔ.

Aiseya 37:16

“E, Isirɛlata Mari Alla, ile min mayiginɛ melika filɛ muninyɛ tɛma tɔn-kenkirɛ kuma. Alla, ile le kelen pe le duninya rɔ. Ile le ya san-kole anubɛ dugu-kole dan.

Malakayi 1:9

Wole saraka-masɔlɛnu ni Alla matara alako a ni kinikini wo ma. Ni i ya a yen, a sa wola mataralɛnu yabila, wo gbɛ le.

Yilan-Yilan Koe 4:15

Aruna anubɛ ala dannu ba ban miran kɛ bɛɛ yamatogonna tumɛ min, Kohati kebilɛ ni na ka Kan-Tina-Sɛnimɛ miran kɛnu bi. Kohati kebilɛ min bi miran kɛnu bila, anu fenfen kana tugu miran-dantɛgɛnɛ kɛnu na, fɔ a bi-kɔlɔma filɛnu. Ni anu tugura wo fenfen na, anu si faga. “Wo wa ta kan-bo-kan, Kohati kebilɛta wɔlɛ le kɛ la.

Yilan-Yilan Koe 4:5

“Anu tenbi tala tumɛ min, Aruna anubɛ ala dannu si don nta Fani-Bɔn la ka yorolan layigi ka tɔn-kenkirɛ yamatogon wo la.

Yilan-Yilan Koe 7:89

Musa tara Marita Fani-Bɔn la tumɛ min ka kuma Mari ye, a ya Mari kuman-kan lamɔɛn bɔla tɔn-kenkirɛ kuma melikanuna muninya filɛ tɛma.

1 Samuwɛli 1:24

Hana ya Samuwɛli da-ka tumɛ min, a ya ala dennɛ wo bi anubɛ san-sawa-turɛ anubɛ dɛgɛ-munke pani-kunbɛ-nya tan-ni-fila anubɛ gbolo-bɔrɛ-nya kelen nɔnbɔ-gbɔ-yi la. Anubɛ ala kei tara wonu na anu bolo Mari bato tinɛ Sailo hali dan wo ma ke bɛ a na anubɛ a fa bolokɛ ma.

1 Samuwɛli 14:3

(Saraka-masɔlɛ do ye anu tɛma nyɔ min tɔgɛ Ahaya. Ahaya kɛ, saraka-masɔla-wɛla fɔlɔnfalan ye a kan na Alla sako-lɔn-fannu bi min ma. Ahaya wo fanan fa tɔgɛ le Ahituba. Ahituba wo fanan na-kelen-nyɔgɛ tɔgɛ le Gbiliya-Sa. Anu fa tɔgɛ le Finihasi. Anu benba tɔgɛ le Ilayi. Wo ye saraka-masɔ-wɔlɛ kɛla nun Mari ye Sailo.) Mɔgɔ-wo-mɔgɔ ma a lɔn nun ko Yonatan fanan bara ta.

1 Samuwɛli 2:22

Ilayi ara kɔrɔya gbɛ kɔbɔkɔbɔ! Tuma-wo-tuma, ala dannu bi ko-yogomɛ minnu sigila Isirɛla mɔgɛnu ma, a ye wonu namɔɛnna. A ye a lamɔɛnna fanan ko anu bi anu sala musinu fɛ minnu bi wɔli kɛla Marita Fani-Bɔn don-dɛ dafɛ.