1 Samuwɛli 4:3 - ALLALA KUMƐ

³ Isirɛla kɛlɛ-den-toe minnu tora, wonu nara dagɛ rɔ tumɛ min, Isirɛla mɔgɔ-banu ya anu manyinika ko, “Nfenna Mari sɔnta ko Filisitinu ni ma nɔ bi? Min fisa, ma ta Marita tɔn-kenkirɛ bi Sailo ka na a la. Tumado ni wo ye ma fɛ, Mari si ma lakisi ma yogenu ma.”

1 Samuwɛli 4:3 Iomraidhean Croise

2 Samuwɛli 15:25

Mansa Dawuda ya a fɔ Sedoki ye ko, “Wo ni tɔn-kenkirɛ lasɛgi a gbɛ rɔ tun Yerusalɛm soe burɔ. Ni n di Mari ye, a si a ma, n ni na tɔn-kenkirɛ kɛ yen n yɛ la a gbɛ rɔ tun, yɔ!

1 Ko-Kɔrɔta-Karan 17:1

Lunyɛ do, Mansa Dawuda siginɛ ala bon-kurɛ la, a ya a fɔ Nɛbi Netan ye ko, “Nde siginɛ bon-hakikɛ la min nadannɛ kɔlɔma-kinyanɛ la kɔnɔ Marita tɔn-kenkirɛ siginɛ fani-bɔn le la.”

Yaburi 74:1

E, Alla, nfen ya a to, i wara i ban ma la ka? Ile si diminya ila mɔgɛnu ma ka le tolon, ba?

Yaburi 74:11

Nfenna i wara i kɔɛn bɔ ma wara-koe rɔ. Nfenna i wara i kɔɛn madon i la?

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Aiseya 58:3

Mɔgɛnu bi a fɔla ko anu bi sunyɛ donna tele donu tɔ kɔnɔ Alla sa anu denkunna. Anu ko anu bara anu famayigi Mari gbiliya tinɛ kɔnɔ Alla sa anu mafɛlɛnna. Kɔnɔ Mari ko min di wole ye, wo ye wonu denu mala tele wonu tɔ. Wo ye wola wɔli-kɛ-dannu kensunna.

Aiseya 59:1

Wo kana wo miri ko Mari rafaganɛ wo lakanan-koe la. Wo kana wo miri ko a wɔlɔ-gbereni de, a sa wo kan namɔɛnna.

Aiseya 59:2

Wola ko-yogomɛ le wara a ma, wobɛ wota Alla ara fara. Wo hakɛ le wara a ma, a ara a kan-kɔ sɔ wo la. Woletɔ a sa wo kan namɔɛnna tun.

Yɛrɛmaya 3:16

A ko wo wa wuli siyayala nyamanɛ wo rɔ tumɛ min, wo ti tɔn-kenkirɛ wara-ko-kuma fɔ tun. Wo yili ti to a ko hali ka wo miri a ma. A ko wo mako ti taran kenkirɛ wo la hali ka a kurɛ ladan.

Yɛrɛmaya 7:4

Wo ka la mɔgɛnuna foninya-kumɛnu na minnu bi a yonkanna a la ka to a fɔla ko, “Mari nyɛrɛta Bato-Bɔn le kɛ la min si ma kisi.”

Yilan-Yilan Koe 10:33

Kohati kebilɛ min bɔra Lifayi bɔnsɔn rɔ, wonu fɔlɔn ya Marita tɔn-kenkirɛ bi ka bila Marita banda-fin-gbɛ wo fɛ. Tuma-wo-tuma, a ye anu yarɔ. A ye kilɛ yirala anu na anu si ta kan min.

Yilan-Yilan Koe 10:35

Kɔnɔ ni anu bi tɔn-kenkirɛ bila tuma-wo-tuma ka ta, Musa si a kan mayɛlɛ ka a fɔ ko, “E, Mari, i lakɔɛnma ka i yogenu tanyɛnsɛn ma yarɔ. I ma di mɔgɛ minnu ye, wonu ni anu buri i kɔrɔ.”

Yilan-Yilan Koe 31:6

Musa ya Saraka-Masɔla Ɛliyasala dan Finihasi bi ka a sɔ mɔgɛ wonu yarɔ. Samani anu ni ta, Finihasi ya Marita bon-miran donu bi anubɛ burinu alako anu si mɔgɛnu nalɔn anu na. Musa ya anu nata kɛlɛ rɔ.

Tɔn-Fɔɛ-Fila-Nyɔgɛ 29:24

Duninya mumɛ bɛɛ si nyinikalɛ sa ko, ‘Nfen ya a to, Mari ya anuna nyamanɛ kɛ tinya ka? Nfen ya a ma, Mari fonde bɔra wɛ kɛ ka?’

Tɔn-Fɔɛ-Fila-Nyɔgɛ 31:26

“Allata tɔn-kitabu kɛ bi ka a sa wota Mari Allata tɔn-kenkirɛ burɔ. Kitabu wo si to sanɛ nyɔ ka ma sereyɛ la wole Isirɛla mɔgɛnu kan ma.

2 Timoti 3:5

Anu si a ma iko anu bi Alla batola kɔnɔ anu ma la ata sɛnbɛ la mumɛ! I ni fara mɔgɔ-sufa wonu na feu!

Hiburunu 9:4

Isɛnti mintan tinɛ min nadannɛ sɛnɛ la, anubɛ tɔn-kenkirɛ siginɛ nyɔ burɔ. Sɛnɛ nɔrɔnnɛ kenkirɛ wo bɛɛ ma. Dɔn-fan min tɔgɛ “Allata biredi,” wo ye sɛnɛ-dagɛ rɔ. Sɛnɛ-dagɛ wo ye kenkirɛ wo burɔ anubɛ Arunata sewuri min ya a matii anubɛ kuru-walan filɛ sarama-kan sɛbɛnɛ minnu ma.

Yasowa 4:7

wo si a fɔ anu ye ko, ‘Saraka-masɔlɛnu tara Marila tɔn-kenkirɛ la Yorodan bɛ tɛma wati min, yi gbalata.’ Kuri kɛnu si Isirɛla mɔgɛnu hɛnkili bila wo wati rɔ.”

Yasowa 6:6

Yasowa ya a fɔ saraka-masɔlɛnu ye ko, “Wo ni tɔn-kenkirɛ bi ka ta mɔgɛnu yarɔ. Wo mɔgɔ wɔrɔnfila ni ta buri la wo bolo tɔn-kenkirɛ yarɔ.”

Yasowa 7:7

Yasowa ya a fɔ ko, “Mari, nfenna i ya Yorodan bɛ gbala ka na ma la nyamanɛ kɛ rɔ yan ma faga-koe la Amora mɔgɛnu bolo? Nfenna ma ma to Yorodan bɛ kɔma nun?”

Yasowa 7:8

A ko tun, “E, Mari, n si nfen ma mɔgɛ kɛnu ye? Anu bara anu buri anu yogenu kɔrɔ.

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.

Yude 1:5

Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.

1 Samuwɛli 1:24

Hana ya Samuwɛli da-ka tumɛ min, a ya ala dennɛ wo bi anubɛ san-sawa-turɛ anubɛ dɛgɛ-munke pani-kunbɛ-nya tan-ni-fila anubɛ gbolo-bɔrɛ-nya kelen nɔnbɔ-gbɔ-yi la. Anubɛ ala kei tara wonu na anu bolo Mari bato tinɛ Sailo hali dan wo ma ke bɛ a na anubɛ a fa bolokɛ ma.

1 Samuwɛli 14:18

Mansa Sɔli ya a fɔ saraka-masɔlɛ Ahaya ye ko, “Na saraka-masɔ-fɔlɔnfalan la, Alla sako-lɔn-fannu bi min ma.” (Tele wo nyɛrɛ rɔ, Ahaya tara fɔlɔnfalan wo la Isirɛla mɔgɛnu tɛma.)

1 Samuwɛli 4:2

Filisitinu kɛra Isirɛla mɔgɛnu ma tumɛ min, anu ya Isirɛla mɔgɔ waga nani nyɔgɔn (4,000) faga.