1 Samuwɛli 4:18 - ALLALA KUMƐ

¹⁸ Tɔn-kenkirɛ bi-koe fɔra a ye nkɛkuna, Ilayi sɛgira a kɔma kilɛ la ka bɔ ala sigi-fan rɔ ka bui tarɛ-don-dɛ kɔrɔ. A kan kerita. A fagara bawo a ara kɔrɔya, ado a kunba. San bi-nani kɔrɔ, a ye kun-tigiyɛ la Isirɛla mɔgɛnu kun na nun.

1 Samuwɛli 4:18 Iomraidhean Croise

Yaburi 26:8

E, Mari, i mayiginɛ Bato-Bɔn min na, bɔn wo di n ye kati! Kan-tinɛ le wo la ita gbiliyɛ ye kan min.

Yaburi 42:10

N yogenu bi n tasɛ min kɛla, wo ye n tɔrɔla ha ka don n kole la bawo anu bi tola n manyinikala ko, “Ita Alla ye mintɔ?”

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 69:9

N bi miriya-nyima min telenna i Bato-Bɔn la, wo mani de iko tɛ le ye n mintanna n yisi rɔ. Anu bi mɔɛn-kumɛ minnu natala i ma, wo ye sɛgila nde le ma.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Kɛlɛ-Kurugbɛnu 15:20

San mogan kɔrɔ, Samsin ye kɛlɛ-kurugbayɛ la Isirɛla mɔgɛnu kun na wo tumɛ anu bi Filisitinu kɔrɔ.

1 Samuwɛli 4:13

Ilayi siginɛ waganɛ rɔ kilɛ la. A yɛ mawuyannɛ bawo a hɔnnɛ Allata tɔn-kenkirɛ wo kuma. Wo wati ya a taran, Ilayi ara san bi-kɔnɔntɔ ani san segin (98) bɔ, ado a ara fɔlɔla fiyonyala. Koe min bɛɛsi mara kɛlɛ rɔ, Bɛnyamɛ kɛ wo ya wo rakaran soe wo kan-tinɛ bɛɛ rɔ. Mɔgɛ bɛɛ donta di-kɛ rɔ kilan bolo. Ilayi ya di-kɛ-kan wo lamɔɛn tumɛ min, a ya mɔgɛ do manyinika ko, “Nfen di kɛ ye pan?” Kɛlɛ-kɔrɔ-burilɛ wo burimatoe tara a fɔ Ilayi fanan ye ko,

1 Samuwɛli 4:17

Kei wo ya a fɔ a ye ko, “Isirɛla kɛlɛ-dannu ya anu buri Filisitinu kɔrɔ. Anu ya mɔgɔ-siyaman faga ma rɔ. Min tenbinɛ wo la, ila dannu Hɔfini anubɛ Finihasi, wonu kunyɛ ara to kɛlɛ wo rɔ, ado anu ya Allata tɔn-kenkirɛ bi ma bolo ka ta a la anu barɛ.”

1 Samuwɛli 4:19

Ilayi mama-nyaganɛ, Finihasila musi, kɔni, wo buyi ye a la nun, ado a mui-wati ara gbɛrɛn. Ale fanan ya tɔn-kenkirɛ bi-koe lamɔɛn min kɛ anubɛ a benba faga-koe anubɛ ala kei faga-koe, a buyi ya a lamaga. A muira, den-kei.