1 Samuwɛli 4:11 - ALLALA KUMƐ

¹¹ Min tenbira wo la, Filisitinu ya Allata tɔn-kenkirɛ bi anu bolo. Ilayila den-kemini filɛ, Hɔfini anubɛ Finihasi, wonu kunyɛ tora kɛlɛ wo rɔ.

1 Samuwɛli 4:11 Iomraidhean Croise

Yaburi 78:56

Hali wo, anu murutiyara Alla Sɛnbɛ-Bɛɛ-Tigi ma ka don a kɔrɔbɔɛ rɔ. Anu ma ata tɔnnu bira mumɛ!

Yaburi 78:64

Saraka-masɔlɛnu faga boloko-yogomɛ-kɛra, ado anuna musinu ma ke anu dila.

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Yɛrɛmaya 7:12

Mari ko wole, Yuda mɔgɛnu ni ta Sailo soe burɔ. A ya nyɔ le fɔlɔn fɔlɔn yabɔ a bato-tinayɛ la. Ale Mari ara min ma ko-yogoma-kɛlɛnu na nyɔ, a ko wo ni ta wo rayen wo yɛ la.

1 Samuwɛli 2:31

I ni i tole masɔ. Mari ko wati ye nala, kemini-mɛsɛ minnu bɛɛsi ye ila kebilɛ la, a si wonu faga. Woletɔ kei-wo-kei ti taran ita kebilɛ la min si kɔrɔya.

1 Samuwɛli 2:32

A ko a ye nala duwɛ min kɛla Isirɛla mɔgɛ toenu ye, ni i ya wo rayen tumɛ min, i yisi si tinya keliyɛ bolo. A ko mɔgɔ-wo-mɔgɔ ti to ita kebilɛ rɔ min si kɔrɔya kɔbɔkɔbɔ!

1 Samuwɛli 2:34

Nɛbi ya a fɔ Ilayi ye tun ko, “Mari ko ila den filɛ Hɔfini anubɛ Finihasi wa faga tele kelen kɔrɔ tumɛ min, wo si ma i ye tamasere la ko a ya min bɛɛ fɔ i ye, tonyɛ le wonu na.

1 Samuwɛli 3:12

Wo wati wa ke, n ya min bɛɛ fɔ Ilayi kebilɛ wara-koe rɔ, n si wo bɛɛsi ma.

1 Samuwɛli 4:21

A ya dan wo tɔgɔ sa “Gbiliya Sa Tun” bawo a ko, “Allata gbiliyɛ ara bɔ Isirɛla mɔgɛnu bolo bawo anu bara ta Allata tɔn-kenkirɛ la,” ado a benba anubɛ ala kei ara faga.