1 Samuwɛli 4:10 - ALLALA KUMƐ

¹⁰ Filisitinu ya Isirɛla mɔgɛnu nɔ kɛlɛ-kɛ-tinɛ. Isirɛla mɔgɛnu burimatoe sɛgira anu barɛnu tɔ. Isirɛla kɛlɛ-dan minnu fagara wulɔn, mɔgɔ waga bi-sawa (30,000).

1 Samuwɛli 4:10 Iomraidhean Croise

2 Samuwɛli 18:17

Anu ya Abasalɔm furi bi ka a lafili denka-filon-bɛ do rɔ gbɔngbɔn wo kɔrɔ. Anu ya kuri ladɛn a furi kuma denkɛ wo rɔ ka a yamatogon kuri la. Isirɛla mɔgɛ bɛɛsi sɛgira anu barɛnu tɔ.

2 Samuwɛli 18:7

Ala kɛlɛ-dannu ya Isirɛla mɔgɛ toenu nɔ kati! Anu ya mɔgɔ waga mogan (20,000) faga Isirɛla mɔgɛnu tɔ wulɔn tele kelan.

2 Samuwɛli 19:8

Ale mansɛ ya a lakɔɛnma. A tara a mayigi tarɛ-don-dɛ dafɛ. Ala kɛlɛ-dannu ya a lamɔɛn nkɛkuna ko a ye tarɛ-don-dɛ la, anu tara kinki a la. Wo wati ya a taran, Isirɛla mɔgɛ minnu wulinɛ Mansa Dawuda kan ma nun, wo bɛɛ ara ta a warɛ.

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

1 Mansɛnu 12:16

Mɔgɛ wonu ya a yen min kɛ ko Mansa Rihobowami sa a wɔlɔ matɔlɔla anu na, anu ya sɔnkɛ tɛgɛ, anu ko, “Ma sa nyinina Dawuda anubɛ a kebilɛ ma tun! Anu bara nfen ma ma ye? Ni Isirɛla mɔgɛ le yɛ, bɛɛ ni sɛgi a warɛ! Fɔ ni ile Rihobowami tora mansayɛ la i fa Dawudala denbayɛnu kun ma.” Anu ban wo fɔla, Isirɛla mɔgɛ bɛɛsi sɛgira a warɛ.

1 Mansɛnu 22:36

Tele ara wuli buila, Isirɛla kɛlɛ-dan bɛɛ ya a lasɔnkɔ ko, “Bɛɛ ni sɛgi a warɛ soe burɔ.”

2 Mansɛnu 14:12

Isirɛla kɛnu ya Yuda kɛnu nɔ. Mansa Hamasala kɛlɛ-dannu ya anu buri.

2 Ko-Kɔrɔta-Karan 13:17

Yuda Mansa Abaya anubɛ ala kɛlɛ-dannu ya Isirɛla mɔgɛnu kasara ka mɔgɔ waga kɛmɛ loli (500,000) faga Isirɛla kɛlɛ-dan wonu tɔ.

2 Ko-Kɔrɔta-Karan 25:22

Isirɛla kɛnu ya Yuda kɛnu nɔ. Mansa Hamasala kɛlɛ-dannu ya anu buri Mansa Yɛhowasila kɛlɛ-dannu kɔrɔ.

Yaburi 78:9

Ifɛrɛm-bɔnsɔn-kurugbɛnu ya anu buri anuna kalabɛnnu na anu bolo kɛlɛ kɔrɔ.

Yɛrɛmaya 7:12

Mari ko wole, Yuda mɔgɛnu ni ta Sailo soe burɔ. A ya nyɔ le fɔlɔn fɔlɔn yabɔ a bato-tinayɛ la. Ale Mari ara min ma ko-yogoma-kɛlɛnu na nyɔ, a ko wo ni ta wo rayen wo yɛ la.

Saraka-Masɔlɛnuta Tɔnnu 26:17

Nde nyɛrɛ si n kan-kɔ sɔ wo la. Wo yogenu si nɔ-ko sɔrɔn wo ma. Wo ma di mɔgɛ minnu ye, wonu si wo lamara. Wo si ma yutoenu na. Hali mɔgɔ sa wo gbenna, wo si wo buri.

Tɔn-Fɔɛ-Fila-Nyɔgɛ 28:15

“N bara Allata tɔn min di wo ma kɛ la bi, ni wo ya wo ban wo bira-koe ma, dankɛ kɛnu si wo bira.

Tɔn-Fɔɛ-Fila-Nyɔgɛ 28:25

“Mari si a ma, wo yogenu si wo nɔ. Wo wa ta wo yogenu kɛlɛ tinɛ tumɛ min, wo si ta kila kelen fɛ kɔnɔ wonu si wo ranyɛnsɛn. Wole si belenna wo burila anu kɔrɔ kila-siyamɛnu fɛ. Ni mɔgɔ-gbɛrɛkɛnu ya wo tɔrɔya-nya yen, anu si kilan kati!

1 Samuwɛli 3:11

Mari ya a fɔ ale Samuwɛli ye ko, “N bi nala koe min mala Isirɛla mɔgɛnu na, wo si gbɛlɛya anu kuma. Ni mɔgɔ-wo-mɔgɔ ya wo lamɔɛn, wo miran si bɔ a ma.

1 Samuwɛli 4:2

Filisitinu kɛra Isirɛla mɔgɛnu ma tumɛ min, anu ya Isirɛla mɔgɔ waga nani nyɔgɔn (4,000) faga.