1 Samuwɛli 31:4 - ALLALA KUMƐ

⁴ A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti-kemininyabɛlɛ kɛnu kana na anu diya n faga-koe la ka n mɔnima-fagɛ-kɛ.” Kɔnɔ keminɛ wo kilanta a faga-koe ma. Mansa Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun faan wo sun na.

1 Samuwɛli 31:4 Iomraidhean Croise

2 Samuwɛli 1:1

Dawuda bɔɛ Amalɛkinu nɔ tinɛ kɛlɛ rɔ Mansa Sɔlila sayɛ kɔma, a sɛgira Sikilagi soe burɔ. Tele fila,

2 Samuwɛli 1:14

Dawuda ya a manyinika, a ko, “Nfenna ile sisira Marita mansa-yabɔnɛ fagala?”

2 Samuwɛli 1:20

Ma kana wo fɔ Filisitinu ye minnu siginɛ Kati anubɛ Asikalɔn soenu tɔ. Ma kana sɔn, anuna musinu ni nyagalen. Ma kana sɔn, kemininyabɛlɛ wonuna dunmusinu ni sewa.

2 Samuwɛli 1:6

Ale keminɛ ko, “N bi Kilabowa kɔnkɛ kuma tumɛ min, n ya Mansa Sɔli yen, ala tanbɛ sɔnɛ a kɔrɔ, a lɛngbɛnnɛ a rɔ, ado wo ya a taran fanan, a yoge minnu siginɛ kirindinu tɔ anubɛ a so-laburilɛnu, wonu bara gbɛrɛn a ma.

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

2 Samuwɛli 21:12

a tara Mansa Sɔli anubɛ Yonatan kole bi tinɛ Yebɛsi kɛnu bolo Kaliyadi nyamanɛ rɔ. (Yaga, Filisitinu ya Mansa Sɔli anubɛ ala den Yonatan faga Kilabowa kɔnkɛ kuma tele min tɔ, anu tara anu furi dun Bɛti-San soe tɛma tele wo le nyɛrɛ rɔ. Yebɛsi kɛnu tara Mansa Sɔli anubɛ ala den Yonatan furi kankan Filisitinu ma ka na anu na anu barɛ.)

1 Mansɛnu 16:18

Ale Mansa Simiri ya a yen min kɛ ko kɛlɛ-dan wonu bara na bui Tirisa soe ma a siginɛ kan min, a tara kan-tina-latankanɛ do rɔ ala bolɔn burɔ. Mansa Simiri ya tɛ tugun nyɔ la. Tɛ ya nyɔ mintan gburr! Ale tora tɛ rɔ.

1 Mansɛnu 16:27

Mansa Hɔmɔri ya koe min bɛɛsi kɛ Isirɛla nyamanɛ rɔ wo tumɛ a ye mansayɛ la katarala a ya ata mansayɛ kɛ sɛnbɛ sufa min na, anu ya wo damasi sɛbɛ Isirɛla mansɛnuna buku do rɔ.

1 Ko-Kɔrɔta-Karan 10:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti keminiyabɛlɛ kɛnu kana na n mɔnima-fagɛ-kɛ.” Kɔnɔ keminɛ wo kilanta a faga-ko ma. Ale Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun wo sun na.

Kɛlɛ-Kurugbɛnu 14:3

A fa anubɛ a na ya a fɔ a ye ko, “Ile ma musi nyini i na-kelen-nyɔgɛnu tɛma, fɔ i ni ta Filisiti-kemininyabɛlɛ wonu barɛ musi nyini tinɛ?” Samsin ya a fɔ a fa ye ko, “A sɔgɛ ye n na, wo ni wo le furu nde ye bawo wo lela ko di n ye.”

Kɛlɛ-Kurugbɛnu 9:54

Tiriyante wo rɔ, Abimɛlɛki ya ala keminɛ do kele min bi ala kɛlɛ-mirannu dununa. A ya a fɔ wo ye ko, “Ila faan sagan a lɛɛ rɔ. I ni n faga alako anu kana na a fɔ ko n tɔgɛ tora musi le la.” Keminɛ wo ya ala faan sagan a rɔ ka a laban.

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 17:26

Kɛlɛ-dan minnu sɔnɛ Dawuda dafɛ, Dawuda ya wonu manyinika ko, “Mɔgɛ min bi Filisiti keinɛ kɛ fagala ka Isirɛla mɔgɛnu bɔ miliya-su kɛ rɔ, wo tigi si nfen sɔrɔn? Nfen bi Filisiti keini-kemininyabɛlɛ kɛ la? Ale ma a lɔn, ba ko a ye a kɔgɔ raka Alla-nimɛta kɛlɛ-dannu denu na kɛ la?”

1 Samuwɛli 17:36

N bara yarɛ faga. N bara sogo-feremɛ fanan faga, ado kemininyabɛlɛ kɛ min bara a kɔgɔ raka Alla-nimɛta kɛlɛ-dannu na, n si ke le kɛ fanan fagala.

1 Samuwɛli 26:10

N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.

1 Samuwɛli 31:5

Ala keminɛ wo ya a yen min kɛ Mansa Sɔli ara faga, ale fanan ya ala faan sɔ dugi ma ka a burun wo sun na. Ale fanan fagara.