1 Samuwɛli 31:3 - ALLALA KUMƐ

³ Kɛlɛ gbiliyara Mansa Sɔli kuma. A yogenuna kalabɛn bɛnta a la. A tanban boloko-yogomɛ-kɛra.

1 Samuwɛli 31:3 Iomraidhean Croise

Ko-Dabirɛnu 49:23

I yogenu si to ile Yusufu bɔnsɔnnu makeliyala ka anu kɛlɛ kalabɛn la.

2 Samuwɛli 1:4

Dawuda ya a manyinika, a ko, “Nfen mara?” Keminɛ wo ya a fɔ a ye ko, “Isirɛla kɛlɛ-dannu denu bara anu buri kɛlɛ kɔrɔ, ado anu mɔgɔ-siyaman fagara. Hali Mansa Sɔli anubɛ ala den Yonatan fanan fagara le.”

2 Samuwɛli 1:6

Ale keminɛ ko, “N bi Kilabowa kɔnkɛ kuma tumɛ min, n ya Mansa Sɔli yen, ala tanbɛ sɔnɛ a kɔrɔ, a lɛngbɛnnɛ a rɔ, ado wo ya a taran fanan, a yoge minnu siginɛ kirindinu tɔ anubɛ a so-laburilɛnu, wonu bara gbɛrɛn a ma.

2 Samuwɛli 21:12

a tara Mansa Sɔli anubɛ Yonatan kole bi tinɛ Yebɛsi kɛnu bolo Kaliyadi nyamanɛ rɔ. (Yaga, Filisitinu ya Mansa Sɔli anubɛ ala den Yonatan faga Kilabowa kɔnkɛ kuma tele min tɔ, anu tara anu furi dun Bɛti-San soe tɛma tele wo le nyɛrɛ rɔ. Yebɛsi kɛnu tara Mansa Sɔli anubɛ ala den Yonatan furi kankan Filisitinu ma ka na anu na anu barɛ.)

1 Mansɛnu 22:34

Kɔnɔ Siriya kɛlɛ-dan do ye nyɔ nun, wo ya ala kalabɛn lakɛ. Kalabɛn wo tara bɛn Isirɛla Mansa Ehabu la ka don a kɔgɔ-matanka-fan latugun tinɛ do rɔ. Mansa Ehabu ya a fɔ ala kirindi-laburilɛ wo ye ko, “N bara tanban. Ma sɛgi. Ma fara kɛlɛ la.”

Emɔsi 2:14

Hali buri-kɛla-wɛnu, wonu kian ra si faga kuluba! Fanka-tiginu si fɛya iko duduyi. Kɛlɛ-dan minnu bɛnta ka mɔgɔ-gbɛrɛnu nakisi, wonu ti ke anu nyɛrɛ gbuyɛ lakisila.