1 Samuwɛli 30:8 - ALLALA KUMƐ

⁸ Dawuda ya Mari manyinika, a ko, “N ni mɔgɛ kɛnu sagaran, ba? N si anu nasɔrɔn?” Mari ya a fɔ a ye ko, “Ta, i si ke anu tɔ. Anu bara ila mɔgɛ minnu bɛɛsi bira, wo si wonu kunka.”

1 Samuwɛli 30:8 Iomraidhean Croise

Ko-Dabirɛnu 14:16

Kɛlɛ tara mɔgɛnu bolo-fan minnu na, Burama ya wonu bi anu bolo. A nara a kɔrɔla den Lɔti la anubɛ ala denbayɛ anubɛ a bolo-fannu. Kɛlɛ ya mɔgɔ-gbɛrɛ anubɛ musi minnu bira, a nara wonu fanan na.

2 Samuwɛli 5:19

Mansa Dawuda ya Mari manyinika, a ko, “Ni n tara Filisitinu kɛlɛ tinɛ, n si anu nɔ, wa?” Mari ko, “Ɔn, n si a ma, i ni anu nɔ.”

2 Samuwɛli 5:23

Mansa Dawuda ya Mari manyinika tun anu kɛlɛ-koe rɔ. Mari ko, “I kana anu kɛlɛ dabira yan bara la de! Bɔ anu kɔma kilɛ la pɔpɔ kɔlɔma siyamɛnu bi kan min. I ni anu kɛlɛ dabira nyɔ.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Bɔ-Koe-Iyipiti 15:9

I yogenu ko anu si ma sagaran ka ma bira ka mata nɔnfuli rafara anu nyɔgɔn tɛma. Anu ko anu si anuna faannu sagan anu lɛɛ rɔ ka bui ma ma.

Yilan-Yilan Koe 27:21

A si a yɛ bɛn Ɛliyasa ma. Wo si ke ka nde diyana-koe lɔn fen fila fɛ min bi saraka-masɔla-wɛla kɔgɔ-dala-kurɛ ma. Yasowa anubɛ Isirɛla mɔgɛnu si min ma, kɛnu si a ma, Ɛliyasa ni wo rakaran anu ye.”

Kɛlɛ-Kurugbɛnu 20:18

Isirɛla bɔnsɔnnu tara Bɛtɛli soe burɔ Alla madiya tinɛ. Anu ya Alla manyinika, anu ko, “Bɔnsɔn nyamintan fɔlɔn si ta ma yarɔ Bɛnyamɛ bɔnsɔn kɛlɛ tinɛ.” Mari ya Yuda bɔnsɔn yabɔ anu ye.

Kɛlɛ-Kurugbɛnu 8:4

Kɛ wati ya a taran gbɛ, Kidiyɔn anubɛ ala kɛlɛ-dan mɔgɔ kɛmɛ sawɛ ara Yorodan bɛ kɛ tɛgɛ nun. Anu bandannɛ dɔgɔma-ma-de kɔnɔ hali wo, anu bi anu yogenu sagaranna.

1 Samuwɛli 10:22

Anu ya Mari manyinika tun a wara-koe ma, anu ko, “Ale ye mintɔ? A ye ma tɛma yan?” Mari ya a fɔ ko, “Wo ma a dogonnɛ yen dunɛnu kɔma wo la?”

1 Samuwɛli 14:37

Woletɔ Mansa Sɔli ya Alla manyinika, a ko, “N ni ta Filisitinu kɛlɛ tinɛ, wa? I si a ma, Isirɛla mɔgɛnu ni anu nɔ?” Kɔnɔ Alla ma anu yabi wulɔn.

1 Samuwɛli 23:2

Dawuda ya Mari manyinika, a ko, “N si ta le Filisiti kɛnu kɛlɛla, wa?” Mari ya a fɔ ko, “Ɔn, ta anu kɛlɛ. I ni Kiyaila mɔgɛnu nakanan anu masibɛ ma.”

1 Samuwɛli 23:4

Dawuda ya Mari manyinika tun. Mari ya a fɔ a ye ko, “Ta Kiyaila kɛnu kumafunfan bawo n si a ma, i ni Filisitinu nɔ.”

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.

1 Samuwɛli 30:18

Dawudanu ya anuna mɔgɛnu anubɛ anuna bolo-fannu kunka Amalɛki bolo, katarala Dawudala musu filɛ wonu ma.

1 Samuwɛli 30:19

Anuna mɔgɛnu fenfen kunyɛ ma to-a-rɔ hali anu bolo-fannu.