1 Samuwɛli 30:6 - ALLALA KUMƐ

⁶ Dawudala keminɛnu yisi tinyanta anuna denbayɛnuna ko la ha Dawuda-mabon-sɔgɛ ya anu bira. Dawuda ye yakɔrɔ-mamɔɛ wo rɔ kɔnɔ hali wo, ata Mari Alla ya sɛnbɛ di a ma.

1 Samuwɛli 30:6 Iomraidhean Croise

Ko-Dabirɛnu 32:7

Hɔnyɛ sigira Yakoba kan la, woletɔ a ya a bolo-fannu tafara sigi tina fila la, mɔgɔni-gbu wo, kolo-fen wo, anubɛ nyomɛnu.

2 Samuwɛli 17:8

Bɛɛ ya a lɔn serr, ko i fa Dawuda anubɛ ala kɛlɛ-dannu tagbɛlɛ, ado anu fere iko kulu-yuwan. Ni mɔgɛ ya ala dannu bi, wo ya a lɔn wo si min ma. Wo ya a lɔn fanan ko kɛlɛ-kurugba-kɔrɛ le i fa la woletɔ anubɛ ala kɛlɛ-dannu ti ki kan-tina-kelen.

2 Mansɛnu 4:27

Kɔnɔ ale musi kenɛ Nɛbi Ilaisa ma, a ya a gbesi dugi la ka Nɛbi Ilaisa kian bira. Kɛhasi ko a ni ale musi bɔ nyɔ kɔnɔ Nɛbi Ilaisa ma sɔn. A ko, “A to nyɔ. I ma a lɔn kɛ yisi tɔrɔnɛ le a ma kɛ la, ado Mari ma fenfen fɔ n ye ala ko rɔ, wa.”

Yobu 13:15

Hali ni Alla ya n faga, a bɔrɔ sa n ye tun. N si to nta kumɛ sala a kɔrɔ.

Yaburi 116:10

Hali n bara a fɔ ko, “N bundennɛ,” kɔnɔ n ma lanayɛ boloka.

Yaburi 138:3

I rakele n bolo, i ya a labira. I ya n sɛnbɛ makofu ita sɛnbɛ-wɛ la.

Yaburi 18:2

Mari le n natankalɛ la. Nna tarɛ le ale la, n si kisi ale le tɔ. Ale le si n tanka ko-yogomɛ ma. Nta farɛ le Alla la, n si n dogon min kɔma. A si n nakanan iko nɛgɛ-walan. Nna kɛlɛ-kɛlɛ le ale la min si n kisi.

Yaburi 18:6

N bi yakɔrɔ-mamɔɛ wo la n bolo tumɛ min, n ya nta Mari Alla rakele alako a ni n dɛnbɛ. A ya n kan wo lamɔɛn ata Bato-Bon-sɛnimɛ la. A ya a wɔlɔ matɔlɔ n di-kɛ-kan la.

Yaburi 25:17

A ni n bɔ n hɔnya-koenu tɔ ka n kisi nna tɔrɔyɛ bɛɛ ma.

Yaburi 27:14

Ma ni la Mari la. Ma kana bandan. Ma ni to Mari makɔnɔna tolon!

Yaburi 31:24

Wole minnu lanɛ Mari la, wa wo yisi gbɛlɛya ka wo kerinteya.

Yaburi 42:11

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Yaburi 42:5

N ya a fɔ n nyɛrɛ ma ko, “Nfenna n yisi magboyanɛ? Nfenna n kɔndɔfilinɛ?” Hali wo, n si n yigi sa Alla rɔ. N si to a matɔgɔla iko n duruta a mala nya min nun. Nta kisilɛ anubɛ nta Alla le ale la.

Yaburi 56:11

N lanɛ ile Alla la min kɛ, woletɔ n ti kilan. Hadama-dan si ke nfen mala nde la worɔ?

Yaburi 62:1

N si a bira n tɔ ha Alla ni n kisi. N lara ale kelen pe le la.

Yaburi 62:5

N yɛ bɛnnɛ ale Alla kelen pe le ma. N yigi bɛɛ sanɛ ale le tɔ.

Yaburi 71:4

Nta Alla, n bɔ karagbɛlɛnu bolo. N bɔ wunduyogenu sɛnbɛ kɔrɔ.

Yaburi 71:5

Ma tigi Mari Alla, n yigi sanɛ ile le tɔ, ado kebi n dennɛ, n ya nna lanayɛ sa ile le tɔ.

Bɔ-Koe-Iyipiti 17:4

Musa ya a kan nabɔ Mari ma ko, “N si nfen ma ita mɔgɛ kɛnu ye? A ara to doni, anu ni n mabon kuri la.”

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yona 2:2

N bi yakɔrɔ-mamɔɛ rɔ tumɛ min, ile Mari ya n dɛnbɛ. N bi lakira tumɛ min, i ya n di-kɛ-kan lamɔɛn.

Yilan-Yilan Koe 14:10

Isirɛla mɔgɛnu ya Kelabu anubɛ Yasowa makilan ko anu bi anu mabonna kuri la ha anu ni faga. Anu bi kumɛ wo kun na gbɛ, mɔgɔ damasi ya ta-waan yen Marita Fani-Bɔn kuma.

Matiyu 21:9

Nyama min bi tagamana Yisa yarɔ anubɛ nyama min bi tagamana a kɔma, wonu ya gbele-gbelan dabira ko, “Mansa Dawudala dan, i ni sɛnɛ! Min bi nala Mari tɔgɛ rɔ, Allata duwɛ ni to wo kuma! Alla tanto!”

Matiyu 27:22

Pailɛti ya anu manyinika ko, “Anu bi Yisa min kelela Allata-Mɔgɔ-Yabɔnɛ, wo ye a fɛ, n ni nfen ma wo la worɔ?” Anu dama ya sɔnkɔ layɛlɛ ko, “A gbangban kɔlɔma ma!”

Yɔni 8:59

Anu ya kurinu bi ko ka a mabon kɔnɔ Yisa ya a dogon anu ma. A bɔra Alla-Bato-Bɔn la.

Romu 4:18

Yigi-wo-yigi sa Iburayima ma wati min den-sɔrɔn-koe rɔ, a dɛnkɛninyara, ado a ya a yigi sa Allata lanyiri-kirinɛ kuma. Woletɔ a mara “sibolo-siyaman benba la.” Iko a sɛbɛnɛ Allala kitabu rɔ nya min, a ko, “I kegeyɛ si siyaya iko lolenu.”

Romu 4:20

A ma ala dɛnkɛninyɛ boloka. Ka a tɛgɛ lanyiri wo ma, a ma sika Alla rɔ. Ala dɛnkɛninyɛ ya a sɛnbɛ kuma sa, woletɔ a ya Alla tanto,

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

2 Kɔrɛnti 1:6

Ma wa tɔrɔyɛ sɔrɔn tuma-wo-tuma, wo si na dɛnbɛn-koe anubɛ kisi-koe la wo ye. Ni male ya dɛnbɛnɛ sɔrɔn, wole fanan ara dɛnbɛnɛ sɔrɔn wo fɛ. Wo si sɛnbɛ di wo ma alako wo si wo munyu wola tɔrɔyɛnu kɔrɔ nya min iko male fanan ya ma munyu tɔrɔya-su min kɔrɔ nun.

2 Kɔrɛnti 4:8

Ma tɔrɔnɛ wati bɛɛ kɔnɔ nɔ ma sɔrɔn ma ma. Ma kɔndɔfilinɛ kɔnɔ ma yigi tɛgɛni ma mumɛ!

2 Kɔrɛnti 7:5

Hali ma kera Masidoniya nyamanɛ rɔ tumɛ min, ma ma ma sulen mumɛ! Tɔrɔyɛ bilanɛ ma fɛ kan tinɛ bɛɛ rɔ. Sɔsɔlɛ le gbansan ye mala foolɛ rɔ. Kilan fanan bi ma yisi rɔ.

Hiburunu 13:6

Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”

Kɛlɛ-Kurugbɛnu 18:25

Dan bɔnsɔn-mɔgɛ wonu ya a fɔ ko, “Hali ma ma wo kuman-kan lamɔɛn ma tɛma yan tun! Ni wo ma, kemini-karagbɛlɛ kɛnu si wobɛ ila denbayɛnu faga tɛrr!”

Kɛlɛ-Kurugbɛnu 20:22

Isirɛla mɔgɛnu yisi magboyanɛ tara kan-tina-kelan wo rɔ anu si Mari bato kan min. Anu telenta dila Mari dala nyɔ ha wurɛ la. Anu ya Mari manyinika ko, “Ma ni ta ma na-kelen-nyɔgɛ Bɛnyamɛ bɔnsɔn-mɔgɛnu kɛlɛ, ka, ma kana ta?” Mari ya a fɔ anu ye ko, “Wo ta.” Bɔnsɔn tan-ni-kelan wonu ya anu yisi ragbɛlɛya ka ta Bɛnyamɛ bɔnsɔn kan ma ka anu sɔ-bole rabɛn tun iko a fɔlɔtɛ.

1 Samuwɛli 28:15

Samuwɛli ya a fɔ Mansa Sɔli ye ko, “I ya n kele ka n yakɔrɔ-mamɔ nfenna?” Mansa Sɔli ya a fɔ a ye ko, “N bi kɔndɔfili-belebele le tɔ kɛ la kaka. Filisitinu bi ma kɛlɛla, ado Alla fanan bara n boloka. A sa n yabila nɛbinu fɛ anubɛ kiyo rɔ tun. Woletɔ n bara i kele alako i ni hɛnkili di n ma.”