1 Samuwɛli 30:15 - ALLALA KUMƐ

¹⁵ Dawuda ya keminɛ wo manyinika, a ko, “Minnu tara bui soe kɛnu ma, i ti mɔgɛ wonu yira n na?” Keminɛ wo ya a fɔ a ye ko, “N si a ma kɔnɔ fɔ i wa i keli n ye Alla la, ni i ti n faga, ni wo ma, ka n don nna kun-tigi bolo tun.”

1 Samuwɛli 30:15 Iomraidhean Croise

Ko-Dabirɛnu 24:3

ka i keli n ye Mari Alla yala min ya san-kole anubɛ dugu-kole dan, ni i si na Kenan dunmusi do nyini nna dan ye ma siginɛ minnu tɛma yan kaka.

Isikiyɛli 17:13

Babilɔn mansɛ ya Yuda mansɛ wola dan do bi ka sarama-kan do kiri anu nyɔgɔn tɛma alako anu kana na anu nyɔgɔn kɛlɛ. A tara mɔgɔ-ba wonu na biralɛ rɔ nun

Isikiyɛli 17:16

“Nde, wo Tigi Mari Alla ko n bara n keli n nyɛrɛ rɔ ko, ‘Fɔ Yuda mansɛ kɛ wa faga Babilɔn nyamanɛ rɔ,’ bawo a ya ala sarama-kan tinya ka a kan bɔ a gbɛ rɔ anubɛ Babilɔn mansɛ ya min kiri, ado Babilɔn mansɛ wo ya ale sigi mansayɛ la Yuda nyamanɛ rɔ nun.

Isikiyɛli 17:19

“Wo le ya a ma, nde, wo Tigi Mari Alla ko n bara n keli n nyɛrɛ rɔ ko n si a tɔrɔ ka a tɛgɛ sarama-kan-tinyɛ wo ma, a ya min kiri n tɔgɔ rɔ.

Yasowa 2:12

Kaka, n bi a fɔla wo ye ko wo ni wo keli wola Mari rɔ ko n si la tamasere min na, wo ni wo yira n na. Wo ni mabɛ nna kebilɛ rabira iko n ya wo rabira nya min.

Kɛlɛ-Kurugbɛnu 1:24

Wonu bɛnta kei do la min bɔnɛ soe wo burɔ. Anu ya a fɔ wo ye ko, “Ni i ya duguranya-kilɛ sa ma kɔrɔ, ma ti ko ma ile la.”

1 Samuwɛli 29:6

Mansa Akisi ya Dawuda kele. A ya a fɔ a ye ko, “N bara n keli Isirɛla mɔgɛnuta Alla-nimɛ rɔ ko mɔgɔ-latelennɛ le ile la nde ye. Ka bila n fɛ kɛlɛ rɔ, n si sewa wo la nun, ado kebi i nara n barɛ, n ma fɛɛ-wo-fɛɛ yen i la. Kɔnɔ n ta-nyɔgɔ-mansɛnu, wonu ma sɔn i bila-koe rɔ ma fɛ.

1 Samuwɛli 30:14

Ma tara bui Kɛrata mɔgɛnu ma minnu bi Yuda nyamanɛ dugula wara la. Wo kɔma, ma tara bui Kelabu kegeyɛnu ma ka Sikilagi soe mintan.”

1 Samuwɛli 30:16

A ya anu tina yira Dawuda la. Dawudanu ya a taran, anu tanyɛnsɛnnɛ anuna dagɛ rɔ. Anu bi gbɛɛ-minyɛ anubɛ fen dɔn kun na sewɛ rɔ ka a tɛgɛ fen-kolomɛ wonuna ko ma anu ya minnu bira Filisitinu anubɛ Yuda nyamanɛ rɔ.