1 Samuwɛli 3:9 - ALLALA KUMƐ

⁹ A ya a fɔ a ye ko, “Ta i sa-tinɛ. Ni i ya i rakele-kan lamɔɛn gbɛ, a fɔ ko, ‘N Mari, kuma. Ita wɔli-kɛlɛ tole masɔnɛ i la.’ ” Wo kɔma, Samuwɛli tara a sa a sa-tinɛ tun.

1 Samuwɛli 3:9 Iomraidhean Croise

Yaburi 85:8

N tole masɔnɛ alako n ni a lɔn ile Mari Alla ye nala min fɔla. I ya lanyiri kiri male ita mɔgɛnu ye ko ma si to yisi-kimɛ rɔ. Alako tun, ma kana ma lasɛgi mala kun-takolonya-koe wonu ma tun.

Yaburi 85:9

I rabɛnnɛ i gbiliyalɛnu kisi-koe rɔ yati, alako ita gbiliyɛ kana dasa mala nyamanɛ rɔ.

Bɔ-Koe-Iyipiti 20:19

Mɔgɛ wonu ya a fɔ Musa ye ko, “I yandi, Alla kana kuma ma ye kamasɔrɔn ma kilannɛ a la. Ni a kumara ma ye, ma si faga. Ni ile nyɛrɛ kumara ma ye, ma si a lamɔɛn de!”

Aiseya 6:8

Wo kɔma, n ya Mari kan lamɔɛn ko, “N si yon sɔ? Yon si ma mala kilayɛ la?” Nde ya a fɔ ko, “Nde sɔ, n si ta le!”

Daniyɛli 10:19

A ko, “I di Alla ye. Fenfen kana i lakilan ka i kumakɔ.” A ban kɛ fɔla n ye tun, n tagbɛlɛyara a kurɛ la ka n nyɛrɛ lɔn. N ya a fɔ melika wo ye ko, “N tigi, ni i ye min fɔla, wo fɔ bawo n ta ara gbɛlɛya doni.”

Kɛwɔlɛnu 9:6

Kɔnɔ i lasɔ. I ni ta soe. I ye nala min mala gbɛ, mɔgɛ do si na wo fɔ i ye nyɔ.”

Yasowa 5:14

Kei wo ya a yabi ko, “Marila kɛlɛ-den-kun-tigi le nde la.” Yasowa ya a sa dugi ma a kɔrɔ ka a bato. A ya a fɔ kei wo ye ko, “Ila wɔli-kɛlɛ le nde la. I ye a fɛ, n ni nfen ma?”

1 Samuwɛli 3:10

Mari nara a sɔ nyɔ ka a rakele tun. A ko, “Samuwɛli, Samuwɛli!” Samuwɛli ya a yabi ko, “Kuma, ita wɔli-kɛlɛ tole masɔnɛ i la.”

1 Samuwɛli 3:8

Samuwɛlita kele sawa nyɔgɛ Mari bolo, a ya a lasɔ. A tara Ilayi wara tun. A ya a fɔ a ye ko, “Ile le ya n kele? N bara na.” Ilayi ya a lɔn wati wo le tɔ ko Mari le ye dennɛ wo rakele-tinɛ.