1 Samuwɛli 3:6 - ALLALA KUMƐ

^6-7 Mari ya Samuwɛli takele tun. Kɔnɔ ale ma a lɔn nun ko Mari le ye a rakelela bawo a ma a kuman-kan lamɔɛn bɛ nun. A ya a lasɔ ka ta Ilayi wara tun, a ko, “Ile le ya n kele? N bara na.” Ilayi ya a fɔ a ye ko, “Nna den, nde ma i kele. Ta i sa-tinɛ.”

1 Samuwɛli 3:6 Iomraidhean Croise

Ko-Dabirɛnu 43:29

Yusufu ya a yɛ lata tumɛ min, a ya a tagbara-sɛ Bɛnyamɛ yen. A ko, “Wo dɔgɔ-laban le kɛ la wo ya min bara-koe fɔ n yala?” A ya a fɔ Bɛnyamɛ wo ye ko, “Nna den, alamɛ Allata duwɛ tora i fɛ, yo!”

2 Samuwɛli 18:22

Kɔnɔ hali wo, Ahimahasi ya a fɔ Yohabu ye tun ko, “Ko-wo-ko mara, ndeta sa wo rɔ. Kɔnɔ i yandi, a ma tun, nde fanan ni ta a fɔ mansɛ ye.” Yohabu ya a fɔ a ye ko, “Nna den, nfenna ile nɔrɔnɛ ta-koe ma? I ti tɔnɔ sɔrɔn kɛ rɔ.”

Matiyu 9:2

Kei min solomonya-faganɛ a la, mɔgɛ donu nara wo la Yisa wara. A sanɛ sanyili rɔ. Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i yisi sa! I hakɛnu ma ara koto.”

1 Samuwɛli 3:5

A burimatoe tara Ilayi wara. A ya a fɔ wo ye ko, “Ile le ya n kele? N bara na.” Ilayi ko, “Nde ma i kele. Ta i sa-tinɛ.” Samuwɛli tara a sa-tinɛ tun.

1 Samuwɛli 4:16

“N bara n buri kɛlɛ le kɔrɔ kɛ la ha n bara na ke yan.” Ilayi ya a fɔ a ye ko, “Nna den, nfen mara wo rɔ?”